الحجر
Al-Hijr
Rubutu
Fassarori
Taɓa kalmar Larabci don ganin karatunta, tsarinta da tushenta.
بِسْمِ ٱللَّهِ ٱلرَّحْمَٰنِ ٱلرَّحِيمِ
- Abubakar Mahmoud GumiA. L̃.R. Waɗancan ãyoyin littãfi ne da abin karantãwa mai bayyanãwa.
- Abubakar Mahmoud GumiDa yawa waɗanda suka kãfirta suke gũrin dã dai sun kasance Musulmi.
- Abubakar Mahmoud GumiKa bar su su ci kuma su ji dãdi, kuma gũri ya shagaltar da su, sa'an nan da sannu zã su sani.
- Abubakar Mahmoud GumiKuma ba Mu halakar da wata alƙarya ba fãce tanã da littafi sananne.
- Abubakar Mahmoud GumiWata al'umma bã ta gabãtar ajalinta, kuma bã zã su jinkirta ba.
- Abubakar Mahmoud GumiSuka ce: "Yã kai wanda aka saukar da Ambato (Alƙur'ãni) a kansa! Lalle ne kai, haƙĩƙa, mahaukaci ne."
- Abubakar Mahmoud Gumi"Dõmin me bã zã ka zo mana da malã'ĩku ba idan ka kasance daga mãsu gaskiya?"
- Abubakar Mahmoud GumiBã Mu sassaukar da malã'iku fãce da gaskiya, bã zã su kasance, a wannan lõkacin, waɗanda ake yi wa jinkĩri ba.
- Abubakar Mahmoud GumiLalle Mũ ne, Muka saukar da Ambato (Alƙur'ãni), kuma lal1e Mũ, haƙĩƙa, Mãsu kiyayẽwane gare shi.
- Abubakar Mahmoud GumiKuma lalle ne, haƙĩƙa, Mun aika Manzanni a cikin ƙungiyõyin farko, gabãninka.
- Abubakar Mahmoud GumiKuma wani Manzo bã ya zuwa gare su fãce sun kasance sunã mãsu, izgili a gare shi.
- Abubakar Mahmoud GumiKamar wancan ne Muke shigar da shi a cikin zukãtan mãsu laifi.
- Abubakar Mahmoud GumiBã su yin ĩmãni da shi, kuma haƙĩƙa, hanyar mutãnen farko ta shige.
- Abubakar Mahmoud GumiKuma dã Mun bũɗe wata ƙõfa daga sama a kansu har suka wuni a ciki sunã tãkãwa.
- Abubakar Mahmoud GumiLalle ne dã sun ce: "Abin sani kawai, an rufe idãnuwanmu ne. Ã'a, mũ mutãne ne waɗanda aka sihirce."
- Abubakar Mahmoud GumiKuma lalle ne, haƙĩƙa Mun sanya waɗansu masaukai a, cikin sama, kuma Muka ƙawãta ta ga masu kallo.
- Abubakar Mahmoud GumiKuma Muka kiyãye ta daga dukan Shaiɗani wanda ake jĩfa.
- Abubakar Mahmoud GumiFãce wanda ya sãci saurãre sai wutar yũlã bayyananniya ta bĩ shi.
- Abubakar Mahmoud GumiKuma ƙasa Mun mĩkẽ ta kuma Mun jẽfa duwãtsu tabbatattu a cikinta kuma Mun tsirar a cikinta, daga dukan abu wanda ake aunãwa da sikẽli.
- Abubakar Mahmoud GumiKuma Muka sanyã muku, a cikinta, abũbuwan rãyuwã da wanda ba ku zamã mãsu ciyarwa gare shi ba.
- Abubakar Mahmoud GumiKuma bãbu wani abu fãce a wurinMu, akwai taskõkĩnsa kuma ba Mu saukar da shi ba fãce kan gwargwado sananne.
- Abubakar Mahmoud GumiKuma Muka aika iskõki mãsu barbarar jũna sa'an nan Muka saukar da ruwa daga sama, sa'an nan Muka shãyar da ku shi, kuma ba ku zama mãsu taskacẽwa a gare shi ba.
- Abubakar Mahmoud GumiKuma lalle ne Mu Muke rãyarwa, kuma Muke kashẽwa kuma Mũ ne magada.
- Abubakar Mahmoud GumiKuma lalle ne, haƙĩƙa, Mun san mãsu gabãta daga cikinku, kuma Mun san mãsu jinkiri.
- Abubakar Mahmoud GumiKuma lalle ne Ubangijinka Shĩ ne Yake tãra su, lalle Shĩ ne Mai hikima, Masani.
- Abubakar Mahmoud GumiKuma lalle ne Mun halicci mutum daga ƙeƙasasshiyar lãka, daga baƙin yumɓu wanda ya canja.
- Abubakar Mahmoud GumiKuma Aljani Mun haliccẽ shi daga gabãni, daga wutar iskar zafi.
- Abubakar Mahmoud GumiKuma a lõkacin da Ubangijinka ya ce wa malã'iku: "Lalle Nĩ mai halittar wani jiki ne daga ƙẽƙasasshen yumɓu wanda ya canja."
- Abubakar Mahmoud Gumi"To idan Na daidaitã shi kuma Na hũra daga RũhĩNa a cikinsa, to, ku fãɗi a gare shi, kunã mãsu yin sujada."
- Abubakar Mahmoud GumiSai malã'iku suka yi sujada dukkansu gaba ɗaya.
- Abubakar Mahmoud GumiFãce Iblĩs, ya ƙi kasancẽwa daga mãsu yin sujadar.
- Abubakar Mahmoud GumiYa ce: "Yã Iblĩs mẽne ne a gare ka, ba ka kasance tãre da mãsu yin sujuda ba?"
- Abubakar Mahmoud GumiYa ce: "Ban kasance inã yin sujada ba ga mutum wanda Ka halicce shi daga bũsasshen yumɓun lãka wadda ta canja."
- Abubakar Mahmoud GumiYa ce: "To, ka fita daga gare ta, dõmin lalle kai abin jĩfa ne."
- Abubakar Mahmoud Gumi"Kuma lalle ne akwai la'ana a kanka har ya zuwa rãnar sakamako."
- Abubakar Mahmoud GumiYa ce: "Yã Ubangjĩna! Sai Ka yi mini jinkiri zuwa rãnar da ake tãshin su."
- Abubakar Mahmoud GumiYa ce: "To, lalle ne kanã daga waɗanda ake yi wa jinkiri."
- Abubakar Mahmoud Gumi"Zuwa ga Yinin Lõkacin nan sananne."
- Abubakar Mahmoud GumiYa ce: "Yã Ubangijina! Inã rantsuwa da abin da Ka ɓatar da ni da shi, haƙĩƙa inã ƙawãta musu (rãyuwa) a cikin ƙasã kuma haƙĩƙa inã ɓatar da su gabã ɗaya."
- Abubakar Mahmoud Gumi"Fãce bãyinKa daga gare su, waɗanda Ka tsarkake."
- Abubakar Mahmoud GumiYa ce: "Wannan tafarki ne a gare Ni, madaidaici."
- Abubakar Mahmoud Gumi"Lalle ne bãyĩNa, bã ka da ĩkõ a kansu, fãce wanda ya bĩ ka daga ɓatattu."
- Abubakar Mahmoud GumiKuma lalle Jahannama ce haƙĩƙa, ma'a1kawartarsu gabã ɗaya.
- Abubakar Mahmoud GumiTanã da ƙõfõfi bakwai, ga kõwace ƙõfa akwai wani juz'i daga gare su rababbe.
- Abubakar Mahmoud GumiLalle mãsu taƙawa sunã a cikin gidãjen Aljanna mai idandunan ruwa.
- Abubakar Mahmoud Gumi"Ku shigẽ ta da aminci, kunã amintattu."
- Abubakar Mahmoud GumiKuma Muka ɗẽbe abinda ke a cikin zukãtansu na daga ƙullin zũci, suka zama 'yan'uwa a kan gadãje, sunã mãsu fuskantar junã.
- Abubakar Mahmoud GumiWata wahala bã zã ta shãfe su bã a cikinta kuma ba su zama mãsu fita daga, cikinta ba.
- Abubakar Mahmoud GumiKa bai wa bãyiNa lãbari cẽwa lalle ne Ni, Mai gãfarane, Mai jin ƙai.
- Abubakar Mahmoud GumiKuma azãbãTa ita ce azãba mai raɗaɗi.
- Abubakar Mahmoud GumiKuma ka bã su lãbãrin bãƙin Ibrãhĩm.
- Abubakar Mahmoud GumiA lõkacin da suka shiga gunsa, sai suka ce: "Sallama." Ya ce: "Lalle mũ, daga gare ku, mãsu firgita ne."
- Abubakar Mahmoud GumiSuka ce: "Kada ka firgita. Lalle ne mũ, munã yi makabushãra game da wani yãro masani."
- Abubakar Mahmoud GumiYa ce: "Shin kun bã ni bushãra ne a kan tsũfa yã shãfe ni? To, da me kuke bã ni bushara?"
- Abubakar Mahmoud GumiSuka ce: "Munã yi maka bushãra da gaskiya ne, sabõda haka, kada da kasance daga mãsu yanke tsammãni."
- Abubakar Mahmoud GumiYa ce: "Kuma wãne ne yake yanke tsammãni daga rahamar Ubangijinsa, fãce ɓatattu?"
- Abubakar Mahmoud GumiYa ce: "To, mẽne ne babban al'amarinku? Yã kũ manzanni!"
- Abubakar Mahmoud GumiSuka ce: "Lalle ne mũ, an aika mu zuwa ga wasu mutãne mãsu laifi."
- Abubakar Mahmoud Gumi"Fãce mutãnen Lũɗu, lalle ne mũ, haƙĩƙa, mãsu tsĩrar dasu ne gabã ɗaya."
- Abubakar Mahmoud Gumi"Fãce mãtarsa mun ƙaddara cẽwa lalle ne ita, haƙĩƙa, tanã daga mãsu halaka."
- Abubakar Mahmoud GumiTo, a lõkacin da mazannin suka jẽ wa mutãnen Lũɗu,
- Abubakar Mahmoud GumiYa ce: "Lalle ne ku mutãne ne waɗanda ba a sani ba."
- Abubakar Mahmoud GumiSuka ce: "Ã'a, mun zo maka sabõda abin da suka kasance sunã shakka a cikinsa."
- Abubakar Mahmoud Gumi"Kuma mun zo maka da gaskiya. Kuma lalle ne mũ, haƙĩƙa, mãsu gaskiya ne."
- Abubakar Mahmoud Gumi"Sai ka yi tafiya da iyãlinka, a wani yanki na dare, kuma ka bi bãyansu, kuma kada wani daga cikinku ya yi waiwaye, kuma ku bi ta inda aka aumurce ku."
- Abubakar Mahmoud GumiKuma Muka hukunta wancan al'amarin zuwa gare shi cẽwa lalle ne ƙarshen waɗancan abin yankẽwa ne a lõkacin da suke mãsu shiga asuba.
- Abubakar Mahmoud GumiKuma mutãnen alƙaryar suka je sunã mãsu bushãra.
- Abubakar Mahmoud GumiYa ce: "Lalle ne waɗannan bãƙĩna ne, sabõda haka kada ku kunyata ni."
- Abubakar Mahmoud Gumi"Kuma ku bi Allah da taƙawa, kuma kada ku sanya ni a baƙin ciki."
- Abubakar Mahmoud GumiSuka ce: "Ashe ba mu hana ka daga tãlikai ba?"
- Abubakar Mahmoud GumiYa ce: "Ga waɗannan, 'ya'yãna idan kun kasance mãsu aikatãwa ne."
- Abubakar Mahmoud GumiRantsuwa da rãyuwarka! Lalle ne sũ a cikin mãyensu sunã ta ɗĩmuwa.
- Abubakar Mahmoud GumiSa'an nan tsãwa ta kãma su, sunã mãsu shiga lõkacin hũdõwar rãnã.
- Abubakar Mahmoud GumiSa'an nan Muka sanya samanta ya kõma ƙasanta, kuma Muka yi ruwan duwãtsu na lãkar wuta a kansu.
- Abubakar Mahmoud GumiLalle ne a cikin wancan akwai ãyõyi ga mãsu tsõkaci da hankali.
- Abubakar Mahmoud GumiKuma lalle ne ita, haƙĩƙa sunã a gẽfen wata hanyã tabbatacciya.
- Abubakar Mahmoud GumiLalle ne a cikin wancan akwai ãyã ga mãsu ĩmãni.
- Abubakar Mahmoud GumiKuma lalle ne ma'abũta Al'aika sun kasance, haƙĩƙa, mãsu zãlunci!
- Abubakar Mahmoud GumiSai Muka yi azãbar rãmuwã a gare su, kuma lalle sũ biyun, haƙĩƙa, sunã a gẽfen wani tafarki mabayyani.
- Abubakar Mahmoud GumiKuma lalle ne haƙĩƙa ma'abũta Hijiri sun ƙaryata Manzanni.
- Abubakar Mahmoud GumiKuma Kuka kai musu ãyõyinMu, sai suka kasance mãsu bijirẽwa daga gare su.
- Abubakar Mahmoud GumiKuma sun kasance sunã sassaƙa gidãje daga duwãtsu, alhãli sunã amintattu.
- Abubakar Mahmoud GumiSai tsãwa ta kãma su sunã mãsu shiga asuba.
- Abubakar Mahmoud GumiSa'an nan abin da suka kasance sunã tsirfantãwa bai wadãtar ga barinsu ba.
- Abubakar Mahmoud GumiKuma ba Mu halicci sammai da ƙasa da abin da yake a tsakãninsu ba fãce da gaskiya. Kuma lalle ne Sã'a (Rãnar Alƙiyãma) haƙĩƙa mai zuwa ce. Sabõdahaka ka yi rangwame, rangwame mai kyau.
- Abubakar Mahmoud GumiLalle ne Ubangijinka, shi ne Mai yawan halitta, Masani.
- Abubakar Mahmoud GumiKuma lalle ne, haƙĩƙa, Mun bã ka bakwai waɗanda ake maimaita karatunsu da Alƙur'ãni mai girma.
- Abubakar Mahmoud GumiKada lalle kaƙĩƙa idãnunka biyu zuwa ga abin da Muka jiyar da su dãɗi game da shi, nau'i-nau'i a gare su, kuma kada ka yi baƙin ciki a kansu, kuma sassauta fikãfikanka ga mãsu ĩmãni.
- Abubakar Mahmoud GumiKuma ka ce: "Lalle nĩ nĩ ne mai gargaɗi bayyananne."
- Abubakar Mahmoud GumiKamar yadda Muka saukar a kan mãsu yin rantsuwa,
- Abubakar Mahmoud GumiWaɗanda suka sanya Alƙur'ãni tãtsuniyõyi.
- Abubakar Mahmoud GumiTo, rantsuwa da Ubangijinka! Haƙĩƙa, Munã tambayarsugabã ɗaya.
- Abubakar Mahmoud GumiDaga abin da suka kasance sunã aikatãwa.
- Abubakar Mahmoud GumiSai ka tsage gaskiya game da abin da ake umurnin ka kuma ka kau da kai daga masu shirki.
- Abubakar Mahmoud GumiLalle ne Mũ Mun isar maka daga mãsu izgili.
- Abubakar Mahmoud GumiWaɗanda suke sanyãwar wani abin bautãwa na dabam tare da Allah, sa'an nan da sannu zã su sani.
- Abubakar Mahmoud GumiKuma lalle ne haƙĩƙa Munã sanin cẽwa lalle kai, ƙirjinka yanã yin ƙunci game da abin da suke faɗã (na izgili).
- Abubakar Mahmoud GumiSabõda haka ka yi tasbĩhi game da gõde wa Ubangijinka, kuma ka kasance daga mãsu sujada.
- Abubakar Mahmoud GumiKuma ka bauta wa Ubangijinka, har mutuwa ta zo maka.