الحجر

Al-Hijr

Sura ya 15 · ya Makka · aya 99 · Mpangilio wa kuteremshwa: 54

Hati
Tafsiri

Gusa neno la Kiarabu ili kuona usomaji, muundo na mzizi wake.

بِسْمِ ٱللَّهِ ٱلرَّحْمَٰنِ ٱلرَّحِيمِ
15:1
  1. Ali Muhsin Al-BarwaniAlif Lam Ra. (A. L. R). Hizi ni Aya za Kitabu na Qur'ani inayo bainisha.
15:2
  1. Ali Muhsin Al-BarwaniHUENDA ikawa walio kufuru wakatamani wange kuwa Waislamu.
15:3
  1. Ali Muhsin Al-BarwaniWaache wale, na wastarehe, na iwazuge tamaa. Watakuja jua.
15:4
  1. Ali Muhsin Al-BarwaniNa hatukuuangamiza mji wowote ule ila ulikuwa na muda wake maalumu.
15:5
  1. Ali Muhsin Al-BarwaniHawawezi watu wowote kuitangulia ajali yao, wala kuchelewa.
15:6
  1. Ali Muhsin Al-BarwaniNa walisema: Ewe uliyeteremshiwa Ukumbusho! Hakika wewe ni mwendawazimu.
15:7
  1. Ali Muhsin Al-BarwaniMbona hutuletei Malaika ikiwa wewe ni miongoni mwa wasemao kweli?
15:8
  1. Ali Muhsin Al-BarwaniSisi hatuwateremshi Malaika ila kwa sababu ya haki, na hapo hawatapewa muhula.
15:9
  1. Ali Muhsin Al-BarwaniHakika Sisi ndio tulio teremsha Ukumbusho huu, na hakika Sisi ndio tutao ulinda.
15:10
  1. Ali Muhsin Al-BarwaniNa hakika tulikwisha watumia Mitume mataifa ya mwanzo.
15:11
  1. Ali Muhsin Al-BarwaniNa hakuwafikia Mtume ila walimkejeli.
15:12
  1. Ali Muhsin Al-BarwaniNa kama hivi ndivyo tunavyo ingiza katika nyoyo za wakosefu.
15:13
  1. Ali Muhsin Al-BarwaniHawayaamini haya, na hali ya kuwa umekwisha wapitia mfano wa watu wa kale.
15:14
  1. Ali Muhsin Al-BarwaniNa lau tungeli wafungulia mlango wa mbingu, wakawa wanapanda,
15:15
  1. Ali Muhsin Al-BarwaniBasi wangeli sema: Macho yetu yamelevywa, bali sisi wenyewe tumerogwa.
15:16
  1. Ali Muhsin Al-BarwaniNa hakika tumeweka katika mbingu vituo vya sayari, na tumezipamba kwa wenye kuangalia.
15:17
  1. Ali Muhsin Al-BarwaniNa tumezilinda na kila shetani afukuzwaye.
15:18
  1. Ali Muhsin Al-BarwaniIsipo kuwa mwenye kusikiliza kwa kuibia, naye hufuatwa na kijinga cha moto kinacho onekana.
15:19
  1. Ali Muhsin Al-BarwaniNa ardhi tumeitandaza na humo tumeweka milima, na tumeotesha kila kitu kwa kiasi chake.
15:20
  1. Ali Muhsin Al-BarwaniNa tumekujaalieni humo vitu vya maisha yenu, na ya hao ambao nyinyi sio wenye kuwaruzuku.
15:21
  1. Ali Muhsin Al-BarwaniNa hakuna chochote ila asili yake inatokana na Sisi; wala hatukiteremshi ila kwa kipimo maalumu.
15:22
  1. Ali Muhsin Al-BarwaniNa tunazipeleka pepo za kupandishia, na tunateremsha kutoka mbinguni maji, kisha tukakunywesheni maji hayo. Wala si nyinyi mnayo yaweka.
15:23
  1. Ali Muhsin Al-BarwaniNa Sisi ndio tunao huisha na tunao fisha. Na Sisi ndio Warithi.
15:24
  1. Ali Muhsin Al-BarwaniNa tunawajua walio tangulia katika nyinyi, na tunawajua walio taakhari.
15:25
  1. Ali Muhsin Al-BarwaniNa hakika Mola wako Mlezi ndiye atakaye wakusanya. Hakika Yeye ni Mwenye hikima na Mjuzi.
15:26
  1. Ali Muhsin Al-BarwaniNa tulimuumba mtu kwa udongo unao toa sauti, unao tokana na matope yaliyo tiwa sura.
15:27
  1. Ali Muhsin Al-BarwaniNa majini tuliwaumba kabla kwa moto wa upepo umoto.
15:28
  1. Ali Muhsin Al-BarwaniNa Mola wako Mlezi alipo waambia Malaika: Hakika Mimi nitamuumba mtu kwa udongo unao toa sauti, unao tokana na matope yaliyo tiwa sura.
15:29
  1. Ali Muhsin Al-BarwaniBasi nitakapo mkamilisha na nikampulizia roho yangu, basi mumwangukie kumsujudia.
15:30
  1. Ali Muhsin Al-BarwaniBasi Malaika wote pamoja walimsujudia,
15:31
  1. Ali Muhsin Al-BarwaniIsipo kuwa Iblisi. Yeye alikataa kuwa pamoja na walio sujudu.
15:32
  1. Ali Muhsin Al-Barwani(Mwenyezi Mungu) akasema: Ewe Iblisi! Una nini hata hukuwa pamoja na walio sujudu?
15:33
  1. Ali Muhsin Al-BarwaniAkasema: Haiwi mimi nimsujudie mtu uliye muumba kwa udongo unao toa sauti, unao tokana na matope yenye sura.
15:34
  1. Ali Muhsin Al-Barwani(Mwenyezi Mungu) akasema: Basi toka humo, kwani hakika wewe ni maluuni!
15:35
  1. Ali Muhsin Al-BarwaniNa hakika juu yako ipo laana mpaka Siku ya Malipo.
15:36
  1. Ali Muhsin Al-BarwaniAkasema (Iblisi): Mola wangu Mlezi! Nipe muhula mpaka siku watapo fufuliwa.
15:37
  1. Ali Muhsin Al-Barwani(Mwenyezi Mungu) akasema: Hakika wewe ni katika walio pewa muhula
15:38
  1. Ali Muhsin Al-BarwaniMpaka siku ya wakati maalumu.
15:39
  1. Ali Muhsin Al-BarwaniAkasema: Mola wangu Mlezi! Ilivyo kuwa umenitia makosani, basi nahakikisha nitawazaini hapa duniani na nitawapoteza wote,
15:40
  1. Ali Muhsin Al-BarwaniIla waja wako walio safika.
15:41
  1. Ali Muhsin Al-BarwaniAkasema: Hii Njia ya kujia kwangu Iliyo Nyooka.
15:42
  1. Ali Muhsin Al-BarwaniHakika waja wangu, wewe hutakuwa na mamlaka juu yao, isipo kuwa wale wapotofu walio kufuata.
15:43
  1. Ali Muhsin Al-BarwaniNa bila shaka Jahannamu ndipo pahali pao walipo ahidiwa wote.
15:44
  1. Ali Muhsin Al-BarwaniIna milango saba; na kwa kila mlango iko sehemu walio tengewa.
15:45
  1. Ali Muhsin Al-BarwaniHakika wachamngu watakuwa katika Mabustani na chemchem.
15:46
  1. Ali Muhsin Al-Barwani(Wataambiwa:) Ingieni kwa salama na amani.
15:47
  1. Ali Muhsin Al-BarwaniNa tutaondoa chuki iliyo kuwamo vifuani mwao, wawe ndugu juu ya viti vya enzi wameelekeana.
15:48
  1. Ali Muhsin Al-BarwaniHumo hayatawagusa machofu, wala hawatatolewa humo.
15:49
  1. Ali Muhsin Al-BarwaniWaambie waja wangu ya kwamba Mimi ndiye Mwenye kusamehe, Mwenye kurehemu.
15:50
  1. Ali Muhsin Al-BarwaniNa kwamba adhabu yangu ndio adhabu iliyo chungu!
15:51
  1. Ali Muhsin Al-BarwaniNa uwape khabari za wageni wa Ibrahim.
15:52
  1. Ali Muhsin Al-BarwaniWalipo ingia kwake na wakasema: Salama! Yeye akasema: Hakika sisi tunakuogopeni.
15:53
  1. Ali Muhsin Al-BarwaniWakasema: Usiogope. Sisi tunakubashiria kijana mwenye ujuzi.
15:54
  1. Ali Muhsin Al-BarwaniAkasema: Mnanibashiria nami uzee umenishika! Basi kwa njia gani mnanibashiria?
15:55
  1. Ali Muhsin Al-BarwaniWakasema: Tunakubashiria kwa haki; basi usiwe miongoni mwa wanao kata tamaa.
15:56
  1. Ali Muhsin Al-BarwaniAkasema: Na nani anaye kata tamaa na rehema ya Mola wake Mlezi ila wale walio potea?
15:57
  1. Ali Muhsin Al-BarwaniAkasema: Hebu nini amri yenu, enyi wajumbe?
15:58
  1. Ali Muhsin Al-BarwaniWakasema: Hakika sisi tumetumwa kwa kaumu ya wakosefu!
15:59
  1. Ali Muhsin Al-BarwaniIsipo kuwa walio mfuata Luut'i. Bila ya shaka sisi tutawaokoa hao wote.
15:60
  1. Ali Muhsin Al-BarwaniIla mkewe. Tunakadiria huyo atakuwa miongoni watao bakia nyuma.
15:61
  1. Ali Muhsin Al-BarwaniBasi wale wajumbe walipo fika kwa Luut'i,
15:62
  1. Ali Muhsin Al-BarwaniAlisema (Luut'i): Hakika nyinyi ni watu msio juulikana.
15:63
  1. Ali Muhsin Al-BarwaniWakasema: Bali sisi tumekuletea yale waliyo kuwa wakiyafanyia shaka.
15:64
  1. Ali Muhsin Al-BarwaniNa tumefika kwako kwa Haki, na hakika sisi tunasema kweli.
15:65
  1. Ali Muhsin Al-BarwaniBasi ondoka na ahli zako usiku ungalipo, nawe ufuate nyuma yao, wala yeyote kati yenu asigeuke nyuma. Na mwende mnapo amrishwa.
15:66
  1. Ali Muhsin Al-BarwaniNa tukamfunulia hukumu hiyo, ya kwamba hata wa mwisho wao hao ikifika asubuhi atakuwa kesha katiliwa mbali.
15:67
  1. Ali Muhsin Al-BarwaniNa wakaja watu wa mji ule nao furahani.
15:68
  1. Ali Muhsin Al-BarwaniAkasema: Hakika hawa wageni wangu, basi msinifedheheshe.
15:69
  1. Ali Muhsin Al-BarwaniNa mcheni Mwenyezi Mungu, wala msinihizi.
15:70
  1. Ali Muhsin Al-BarwaniWakasema: Sisi hatukukukataza usimkaribishe yeyote?
15:71
  1. Ali Muhsin Al-BarwaniAkasema: Hawa binti zangu, ikiwa nyinyi ni watendaji.
15:72
  1. Ali Muhsin Al-BarwaniNaapa kwa umri wako! Hakika hao walikuwa katika ulevi wao, wakihangaika ovyo.
15:73
  1. Ali Muhsin Al-BarwaniUkelele ukawatwaa wakipambaukiwa.
15:74
  1. Ali Muhsin Al-BarwaniNa tukaigeuza nchi juu chini, na tukawanyeshea mvua ya mawe ya udongo wa Motoni.
15:75
  1. Ali Muhsin Al-BarwaniHakika katika hayo zipo ishara kwa waaguzi.
15:76
  1. Ali Muhsin Al-BarwaniNa miji hii ipo kwenye njia inayo pitiwa.
15:77
  1. Ali Muhsin Al-BarwaniHakika katika hayo ipo ishara kwa Waumini.
15:78
  1. Ali Muhsin Al-BarwaniNa hakika watu wa Kichakani walikuwa wenye kudhulumu.
15:79
  1. Ali Muhsin Al-BarwaniKwa hivyo tukawaadhibu. Na nchi mbili hizi ziko kwenye njia ilio wazi.
15:80
  1. Ali Muhsin Al-BarwaniNa bila ya shaka wakaazi wa Hijr waliwakanusha Mitume.
15:81
  1. Ali Muhsin Al-BarwaniNa tuliwapa ishara zetu, nao wakazipuuza.
15:82
  1. Ali Muhsin Al-BarwaniNao walikuwa wakichonga majumba katika milima kwa amani.
15:83
  1. Ali Muhsin Al-BarwaniBasi ukelele ukawatwaa asubuhi.
15:84
  1. Ali Muhsin Al-BarwaniHayakuwafaa waliyo kuwa wakiyachuma.
15:85
  1. Ali Muhsin Al-BarwaniNa hatukuziumba mbingu na ardhi na vilivyomo ndani yake ila kwa ajili ya Haki. Na hakika Kiyama kitafika. Basi samehe msamaha mzuri.
15:86
  1. Ali Muhsin Al-BarwaniHakika Mola wako Mlezi ndiye Muumbaji Mjuzi.
15:87
  1. Ali Muhsin Al-BarwaniNa tumekupa Aya saba zinazo somwa mara kwa mara, na Qur'ani Tukufu.
15:88
  1. Ali Muhsin Al-BarwaniUsivitumbulie macho yako vitu tulivyo waneemesha makundi fulani kati yao, wala usiwahuzunikie. Na wainamishie bawa lako (la huruma) Waumini.
15:89
  1. Ali Muhsin Al-BarwaniNa sema: Hakika mimi ni mwonyaji mwenye kubainisha.
15:90
  1. Ali Muhsin Al-BarwaniKama hivyo tuliwateremshia walio gawa,
15:91
  1. Ali Muhsin Al-BarwaniAmbao wakaifanya Qur'ani vipande vipande.
15:92
  1. Ali Muhsin Al-BarwaniBasi Naapa kwa Mola wako Mlezi! Tutawahoji wote,
15:93
  1. Ali Muhsin Al-BarwaniKwa waliyo kuwa wakiyatenda.
15:94
  1. Ali Muhsin Al-BarwaniBasi wewe yatangaze uliyo amrishwa, na jitenge na washirikina.
15:95
  1. Ali Muhsin Al-BarwaniHakika Sisi tunatosha kukukinga na wanao kejeli.
15:96
  1. Ali Muhsin Al-BarwaniHao wanao fanya kuwa pamoja na Mwenyezi Mungu yupo mungu mwingine. Basi, watakuja jua!
15:97
  1. Ali Muhsin Al-BarwaniNa Sisi tunajua kwa hakika kuwa wewe kifua chako kinaona dhiki kwa hayo wayasemayo.
15:98
  1. Ali Muhsin Al-BarwaniBasi mtakase Mola wako Mlezi kwa kumhimidi, na uwe miongoni wanao msujudia.
15:99
  1. Ali Muhsin Al-BarwaniNa muabudu Mola wako Mlezi mpaka ikufikie Yakini.