الصافات

As-Saffat

Sura ta 37 · ta Makka · ayoyi 182 · Tsarin saukarwa: 56

Rubutu
Fassarori

Taɓa kalmar Larabci don ganin karatunta, tsarinta da tushenta.

بِسْمِ ٱللَّهِ ٱلرَّحْمَٰنِ ٱلرَّحِيمِ
37:1
  1. Abubakar Mahmoud GumiInã rantsuwa da mãsu yin sahu-sahu (a cikin salla kõ yãƙi).
37:2
  1. Abubakar Mahmoud GumiSa'an nan mãsu yin tsãwa dõmin gargaɗi.
37:3
  1. Abubakar Mahmoud GumiSa'an nan da mãsu karãtun abin tunãtarwa.
37:4
  1. Abubakar Mahmoud GumiLalle Abin bautawarku haƙĩƙa ¦aya ne.
37:5
  1. Abubakar Mahmoud GumiUbangijin sammai da ƙasã da abin da ke tsakãninsu, kuma Ubangijin wurãren fitar rãnã.
37:6
  1. Abubakar Mahmoud GumiLalle Mũ, Mun ƙãwatãr da sama ta kusa da wata ƙawa, watau taurãri.
37:7
  1. Abubakar Mahmoud GumiKuma sunã tsari daga dukan Shaiɗan mai tsaurin kai.
37:8
  1. Abubakar Mahmoud GumiBã zã su iya saurãre zuwa ga jama'a mafi ɗaukaka (Malã'iku) ba, kuma anã jĩfar su daga kõwane gẽfe.
37:9
  1. Abubakar Mahmoud GumiDõmin tunkuɗẽwa kuma sunã da wata azãba tabbatacciya.
37:10
  1. Abubakar Mahmoud GumiFãce wanda ya fizgi wata kalma, sai yũla mai haske ta bĩ shi.
37:11
  1. Abubakar Mahmoud GumiKa tambaye su: "Shin sũ ne mafi wuya ga halittawa, kõ, kuwa waɗanda Muka halitta?" Lalle Mũ, Mun halitta su daga lãkã mai ɗauri.
37:12
  1. Abubakar Mahmoud GumiÃ'a, kã yi mãmãki, alhãli kuwa sunã ta yin izgili.
37:13
  1. Abubakar Mahmoud GumiKuma idan aka tunãtar da su, bã su tunãwa.
37:14
  1. Abubakar Mahmoud GumiIdan suka ga wata ãyã, sai su dinga yin izgili.
37:15
  1. Abubakar Mahmoud GumiKuma su ce, "Wannnan bã kõme ba, fãce sihiri, ne bayyananne."
37:16
  1. Abubakar Mahmoud Gumi"Shin, idan mun mutu, kuma muka kasance turɓaya da kasũsuwa, ashe, lalle mũ tabbas waɗandaake tãyarwa ne?
37:17
  1. Abubakar Mahmoud Gumi"Ashe kõ da ubanninmu na farko?"
37:18
  1. Abubakar Mahmoud GumiKa ce: "Na'am alhãli kuwa kunã ƙasƙantattu."
37:19
  1. Abubakar Mahmoud GumiTsãwa guda kawai ce, sai gã su, sunã dũbi.
37:20
  1. Abubakar Mahmoud GumiKuma su ce: "Yã bonenmu! Wannan ita ce rãnar sakamako."
37:21
  1. Abubakar Mahmoud GumiWannan ita ce rãnar rarrabẽwa wadda kuka kasance kuna ƙaryatãwa.
37:22
  1. Abubakar Mahmoud GumiKu tãra waɗanda suka yi zãlunci, da abõkan haɗinsu, da abin da suka kasance sunã bautãwa.
37:23
  1. Abubakar Mahmoud GumiWanin Allah, sabõda haka ku shiryar da su zuwa ga hanyar Jahĩm.
37:24
  1. Abubakar Mahmoud GumiKuma ku tsayar da su, lalle su, waɗanda ake yi wa tambaya ne.
37:25
  1. Abubakar Mahmoud GumiMe ya sãme ku, bã ku taimakon jũna?
37:26
  1. Abubakar Mahmoud GumiÃ'a, sũ a yau, mãsu sallamãwa ne.
37:27
  1. Abubakar Mahmoud GumiKuma sãshensu ya fuskanta ga sãshe, sunã tambayar jũna.
37:28
  1. Abubakar Mahmoud GumiSuka ce: "Lalle kũ, kun kasance kunã jẽ mana daga wajen dãma (inda muka amince)."
37:29
  1. Abubakar Mahmoud GumiSuka ce: "Ã'a, ba ku kasance mũminai ba.
37:30
  1. Abubakar Mahmoud Gumi"Kuma wani dalĩli bai kasance ba gare mu a kanku. Ã'a, kun kasance mutãne ne mãsu kẽtare iyãka."
37:31
  1. Abubakar Mahmoud Gumi"Sabõda haka maganar Ubangijinmu ta wajaba a kanmu. Lalle mũ, mãsu ɗanɗanãwa ne."
37:32
  1. Abubakar Mahmoud Gumi"Sabõda haka muka ɓatar da ku. Lalle mũ, mun kasance ɓatattu."
37:33
  1. Abubakar Mahmoud GumiTo lalle sũ a rãnar nan, mãsu tãrayya ne a cikin azãbar.
37:34
  1. Abubakar Mahmoud GumiLalle Mũ, kamar haka Muke aikatãwa game, da mãsu laifi.
37:35
  1. Abubakar Mahmoud GumiLalle sũ, sun kasance idan an ce musu: "Bãbu abin bautãwa, fãce Allah," sai su dõra girman kai.
37:36
  1. Abubakar Mahmoud GumiKuma sunã cẽwa, "Shin, mũ lalle mãsu barin gumãkanmu ne, sabõda maganar wani mawãƙi mahaukaci?
37:37
  1. Abubakar Mahmoud GumiÃ'a, yã zo da gaskiya kuma ya gaskata Manzanni.
37:38
  1. Abubakar Mahmoud GumiLalle kũ, haƙĩƙa mãsu ɗanɗana azãba mai raɗaɗi ne.
37:39
  1. Abubakar Mahmoud GumiKuma bã zã a sãka muku ba fãce da abin da kuka kasance kunã aikatãwa.
37:40
  1. Abubakar Mahmoud GumiFãce bãyin Allah waɗanda aka tsarkake.
37:41
  1. Abubakar Mahmoud GumiWaɗannan sunã da abinci sananne.
37:42
  1. Abubakar Mahmoud Gumi'Ya'yan itãcen marmari, kuma sunã waɗanda ake girmamãwa.
37:43
  1. Abubakar Mahmoud GumiA cikin gidãjen Aljannar ni'ima.
37:44
  1. Abubakar Mahmoud GumiA kan karagu, sunã mãsu fuskantar jũna.
37:45
  1. Abubakar Mahmoud GumiAnã kẽwayãwa a kansu da hinjãlan giya, ta daga waɗansu marẽmari.
37:46
  1. Abubakar Mahmoud GumiFarã mai dãɗi ga mashãyan.
37:47
  1. Abubakar Mahmoud GumiA cikinta bãbu jirĩ kuma ba su zama mãsu mãye daga gare ta ba,
37:48
  1. Abubakar Mahmoud GumiKuma a wurinsu, akwai mãtan aure mãsu taƙaita kallonsu, mãsu manyan idãnu.
37:49
  1. Abubakar Mahmoud GumiKamar dai su ƙwai ne ɓõyayye.
37:50
  1. Abubakar Mahmoud GumiSai sãshensu ya fuskanta a kan sãshe, sunã tambayar jũna.
37:51
  1. Abubakar Mahmoud GumiWani mai magana daga cikinsu ya ce: "Lalle ni wani abõki ya kasance a gare ni (a dũniya)."
37:52
  1. Abubakar Mahmoud GumiYanã cewa, "Shin, kai lalle, kanã daga mãsu gaskatãwa ne?"
37:53
  1. Abubakar Mahmoud Gumi"Ashe, idan muka mutu, kuma muka, kasance turɓaya da kasũsuwa, ashe, lalle, mũ tabbas waɗanda ake sãka wa ne?"
37:54
  1. Abubakar Mahmoud Gumi(Mai maganar) ya ce: "Shin, kõ ku, mãsu tsinkãya ne (mu gan shi)?"
37:55
  1. Abubakar Mahmoud GumiSai ya tsinkãya, sai ya gan shi a cikin tsakar Jahim.
37:56
  1. Abubakar Mahmoud GumiYa ce (masa), "Wallahi, lalle, kã yi kusa, haƙĩƙã, ka halakãni."
37:57
  1. Abubakar Mahmoud Gumi"Kuma bã dõmin ni'imar Ubangijĩna ba, lalle, dã na kasance daga waɗanda ake halartarwa (tãre da kai a cikin wutã)."
37:58
  1. Abubakar Mahmoud Gumi"Shin fa, ba mu zama mãsu mutuwa ba."
37:59
  1. Abubakar Mahmoud Gumi"Sai mutuwarmu ta farko, kuma ba mu zama waɗanda ake azabtarwa ba?"
37:60
  1. Abubakar Mahmoud GumiLalle, wannan shĩ ne babban rabo mai girma.
37:61
  1. Abubakar Mahmoud GumiSabõda irin wannan, sai mãsu aiki su yi ta aikatãwa.
37:62
  1. Abubakar Mahmoud GumiShin wancan shĩ ne mafi zama alhẽri ga liyafa kõ itãciyar zaƙƙũm?
37:63
  1. Abubakar Mahmoud GumiLalle, Mũ, Mun sanya ta fitina ga. azzãlumai.
37:64
  1. Abubakar Mahmoud GumiLalle ita wata itãciya ce wadda take fita daga asalin Jahĩm.
37:65
  1. Abubakar Mahmoud GumiGundarta, kamar dai shi kãnun Shaiɗan ne.
37:66
  1. Abubakar Mahmoud GumiTo, lalle sũ haƙĩƙa mãsu ci ne daga gare ta. Sa'an nan mãsu cika cikuna ne daga gare ta.
37:67
  1. Abubakar Mahmoud GumiSa'an nan lalle sunã da wani garwaye a kanta, daga ruwan zãfi.
37:68
  1. Abubakar Mahmoud GumiSa'an nan lalle makomarsu, haƙĩƙa, zuwa ga Jãhĩm take.
37:69
  1. Abubakar Mahmoud GumiLalle sũ, sun iske ubanninsu batattu.
37:70
  1. Abubakar Mahmoud GumiSabõda haka sũ, a kan gurãbunsu, suke gaggãwa.
37:71
  1. Abubakar Mahmoud GumiKuma tabbas haƙĩƙa mafi yawan mutãnen farko sun ɓace a gabãninsu.
37:72
  1. Abubakar Mahmoud GumiKuma tabbas haƙĩƙa, Mun aika mãsu gargaɗi a cikinsu.
37:73
  1. Abubakar Mahmoud GumiSai ka dũba yadda ãƙibar waɗanda aka yi wa gargaɗi ta kasance.
37:74
  1. Abubakar Mahmoud GumiFãce bãyin Allah waɗanda aka tsarkake.
37:75
  1. Abubakar Mahmoud GumiKuma lalle, haƙĩƙa' Nũhu ya kira Mu. To, madalla da mãsu karɓãwa, Mu.
37:76
  1. Abubakar Mahmoud GumiKuma Mun tsĩrar da shi da mutãnensa daga bakin ciki babba.
37:77
  1. Abubakar Mahmoud GumiMuka sanya zurriyarsa sunã mãsu wanzuwa.
37:78
  1. Abubakar Mahmoud GumiKuma Muka bar masa (yabo) a cikin jama'ar ƙarshe.
37:79
  1. Abubakar Mahmoud GumiAminci ya tabbata ga Nũhu, a cikin halittu.
37:80
  1. Abubakar Mahmoud GumiLalle Mũ kamar haka Muke sãka wa mãsu kyautatãwa.
37:81
  1. Abubakar Mahmoud GumiLalle shi, yanã daga bãyinMu mũminai.
37:82
  1. Abubakar Mahmoud GumiSã'an nan Muka nutsar da waɗansunsu.
37:83
  1. Abubakar Mahmoud GumiKuma lalle daga ƙungiyarsa, haƙĩƙa, Ibrahĩm yake.
37:84
  1. Abubakar Mahmoud GumiA lõkacin da ya je wa dangijinsa da zũciya kuɓutacciya.
37:85
  1. Abubakar Mahmoud GumiA lõkacin da ya ce wa ubansa da mutãnensa, "Mẽne ne kuke bautãwa?"
37:86
  1. Abubakar Mahmoud Gumi"Shin, ƙiren ƙarya (wãtau) gumãka, wanin Allah, kuke bautãwa?"
37:87
  1. Abubakar Mahmoud Gumi"To, mẽne ne zatonku game da Ubangijin halittu?"
37:88
  1. Abubakar Mahmoud GumiSai ya yi dũbi, dũba ta sõsai, a cikin taurãri.
37:89
  1. Abubakar Mahmoud GumiSã'an nan ya ce: "Nĩ mai rashin lãfiya ne."
37:90
  1. Abubakar Mahmoud GumiSai suka jũya ga barinsa, sunã mãsu jũyãwa da bãya.
37:91
  1. Abubakar Mahmoud GumiSai ya karkata zuwa ga gumãkansu, sa'an nan ya ce: "Ashe bã zã ku ci ba?
37:92
  1. Abubakar Mahmoud Gumi"Me ya sãme ku, bã ku magana?"
37:93
  1. Abubakar Mahmoud GumiSai ya zuba dũka a kansu da hannun dãma.
37:94
  1. Abubakar Mahmoud GumiSai suka fuskanto zuwa gare shi, sunã gaggãwa.
37:95
  1. Abubakar Mahmoud GumiYa ce, "Kunã bauta wa abin da kuke sassaƙawa,
37:96
  1. Abubakar Mahmoud Gumi"Alhãli, Allah ne Ya halitta ku game da abin da kuke aikatãwa?"
37:97
  1. Abubakar Mahmoud GumiSuka ce: "Ku gina wani gini sabõda shi, sa'an nan ku jẽfa shi a cikin Jahĩm."
37:98
  1. Abubakar Mahmoud GumiSabõda haka suka yi nufin makĩda game da shi. Sai Muka sanya su, sũ ne mafi ƙasƙanci.
37:99
  1. Abubakar Mahmoud GumiKuma (Ibrahĩm] ya ce: "Lalle, nĩ mai tafiya ne zuwa ga Ubangijĩna, zai shiryar da ni."
37:100
  1. Abubakar Mahmoud Gumi"Ya Ubangijĩna! Ka bã ni (abõkin zama) daga sãlihan mutãne."
37:101
  1. Abubakar Mahmoud GumiSai Muka yi masa bushãra da wani yãro mai haƙuri.
37:102
  1. Abubakar Mahmoud GumiTo, a lõkacin da ya isa aiki tãre da shi, ya ce: "Ya ƙaramin ɗãna! Lalle ne inã gani, a ciki barci, lalle inã yanka ka. To, ka dũba mẽ ka gani?" (Yãron) ya ce: "Ya, Bãbãna! Ka aikata abin da aka umurce ka, zã ka sãme ni, in Allah Ya so, daga mãsu haƙuri."
37:103
  1. Abubakar Mahmoud GumiTo, a lõkacin da suka yi sallama, (Ibrahĩm) ya kãyar da shi ga gẽfen gõshinsa.
37:104
  1. Abubakar Mahmoud GumiKuma Muka kira shi cẽwa "Ya Ibrahĩm!"
37:105
  1. Abubakar Mahmoud Gumi"Haƙĩƙa kã gaskata mafarkin." Lalle kamar haka Muke sãka wa mãsu kyautatãwa.
37:106
  1. Abubakar Mahmoud GumiLalle wannan ita ce jarrabãwa bayyananna.
37:107
  1. Abubakar Mahmoud GumiKuma Muka yi fansar yãron da wani abin yanka, mai girma.
37:108
  1. Abubakar Mahmoud GumiKuma Muka bar (yabo) a kansa a cikin mutãnen ƙarshe.
37:109
  1. Abubakar Mahmoud GumiAminci ya tabbata ga Ibrãhĩm.
37:110
  1. Abubakar Mahmoud GumiKamar haka Muke sãka wa mãsu kyautatãwa.
37:111
  1. Abubakar Mahmoud GumiLalle shĩ, yanã daga bãyinMu mũminai.
37:112
  1. Abubakar Mahmoud GumiKuma Muka yi masa bushãra Da Is'hãƙa ya zama Annabi daga sãlihan mutãne.
37:113
  1. Abubakar Mahmoud GumiKuma Muka yi albarka a gare shi, kuma ga Is'hãka. Kuma daga cikin zurriyarsu akwai mai kyautatãwa da kuma maizãlunci dõmin kansa, mai bayyanãwa (ga zãluncin).
37:114
  1. Abubakar Mahmoud GumiKuma lalle, Mun yi ni'ima ga Mũsã da Hãrũna.
37:115
  1. Abubakar Mahmoud GumiKuma Muka tsĩrar da su da mutãnensu daga bakin ciki mai girma.
37:116
  1. Abubakar Mahmoud GumiKuma Muka taimake su, sabõda haka suka kasance mãsu rinjãya.
37:117
  1. Abubakar Mahmoud GumiKuma Muka ba su Littãfi mai iyãkar bayãni.
37:118
  1. Abubakar Mahmoud GumiKuma Muka shiryar da su ga hanya mĩƙaƙƙiya.
37:119
  1. Abubakar Mahmoud GumiKuma Muka bar (yabo) a gare su a cikin mutãnen karshe.
37:120
  1. Abubakar Mahmoud GumiAminci ya tabbata ga Mũsã da Hãruna.
37:121
  1. Abubakar Mahmoud GumiLalle kamar haka Muke sãka wa mãsu kyautatãwa.
37:122
  1. Abubakar Mahmoud GumiLalle, sunã daga bãyinMu mũminai.
37:123
  1. Abubakar Mahmoud GumiKuma lalle Ilyãs, haƙĩƙa, yanã daga Manzanni.
37:124
  1. Abubakar Mahmoud GumiA lõkacin da yake ce wa mutãnensa, "Ashe, bã zã ku yi taƙawa ba?"
37:125
  1. Abubakar Mahmoud Gumi"Shin, kunã bauta wa Ba'al ne, kuma kunã barin Mafi kyautatãwar mãsu halitta?"
37:126
  1. Abubakar Mahmoud Gumi"Allah Ubangijinku, kuma Ubangijin ubanninku farko?"
37:127
  1. Abubakar Mahmoud GumiSai suka ƙaryata shi. Sabõda haka sũ lalle waɗanda zã a halartãwa ne (a wutã).
37:128
  1. Abubakar Mahmoud GumiSai bãyin Allah waɗanda aka tsarkake.
37:129
  1. Abubakar Mahmoud GumiKuma Muka bar (yabo) a gare shi, a cikin mutãnen ƙarshe.
37:130
  1. Abubakar Mahmoud GumiAminci ya tabbata ga Ilyãs.
37:131
  1. Abubakar Mahmoud GumiLalle Mũ kamar haka Muke sãka wa mãsu kyautatãwa.
37:132
  1. Abubakar Mahmoud GumiLalle shĩ, yanã daga bãyinMu mũminai.
37:133
  1. Abubakar Mahmoud GumiKuma lalle Lũdu, haƙĩƙa, yanã daga Manzanni.
37:134
  1. Abubakar Mahmoud GumiA lõkacin da Muka tsĩrar da shi, da mutãnensa gabã ɗaya.
37:135
  1. Abubakar Mahmoud GumiSai wata tsõhuwa tanã a cikin mãsu wanzuwa (a cikin azãba).
37:136
  1. Abubakar Mahmoud GumiSã'an nan Muka darkãke waɗansu mutãnen.
37:137
  1. Abubakar Mahmoud GumiKuma lalle kũ, haƙĩƙa, kunã shũɗewa a kansu, kunã mãsu asubanci.
37:138
  1. Abubakar Mahmoud GumiKuma da dare. Shin fa, bã zã ku hankalta ba?
37:139
  1. Abubakar Mahmoud GumiKuma lalle Yũnusa, haƙĩƙa, yanã daga Manzanni.
37:140
  1. Abubakar Mahmoud GumiA lõkacin da ya gudu zuwa ga jirgin ruwa wanda aka yi wa lõdi.
37:141
  1. Abubakar Mahmoud GumiSã'an nan ya yi ƙuri'a, sai ya kasance a cikin waɗanda aka rinjaya.
37:142
  1. Abubakar Mahmoud GumiSai kĩfi ya yi lõma da shi, alhãli kuwa yanã wanda ake zargi.
37:143
  1. Abubakar Mahmoud GumiTo, ba dõmin lalle shi ya kasance daga mãsu tasbĩhi ba,
37:144
  1. Abubakar Mahmoud GumiLalle dã ya zauna a cikin cikinsa har ya zuwa rãnar da zã a tãyar da su.
37:145
  1. Abubakar Mahmoud GumiSai Muka jẽfa shi ga wani fĩli alhãli kuwa yanã mai raunin rashin lãfiya.
37:146
  1. Abubakar Mahmoud GumiKuma Muka tsirar da wata itãciya ta kankana a kusa da shi.
37:147
  1. Abubakar Mahmoud GumiKuma Muka aika shi zuwa ga waɗansu mutãne dubuɗari, kõ sunã ƙaruwa (a kan haka).
37:148
  1. Abubakar Mahmoud GumiSai suka yi ĩmãni sabõda haka Muka jiyar da su dãdi har wani lõkaci.
37:149
  1. Abubakar Mahmoud GumiSabõda haka, ka tambaye su, "Shin, Ubangijinka ne da 'ya'ya mãtã, kuma su da ɗiya maza?"
37:150
  1. Abubakar Mahmoud GumiKõ kuma Mun halitta malã'iku mãtã ne, alhãli kuwa sũ sunãhalarce?
37:151
  1. Abubakar Mahmoud GumiTo! Lalle sũ, daga ƙiren ƙaryarsu sunã cẽwa.
37:152
  1. Abubakar Mahmoud Gumi"Allah Yã haihu," alhãli kuwa lalle sũ, haƙĩƙa maƙaryata ne.
37:153
  1. Abubakar Mahmoud GumiShin, Yã zãɓi 'yã'ya mãtã ne a kan ɗiya maza?
37:154
  1. Abubakar Mahmoud GumiMẽ ya same ku? Yãya kuke hukuntãwa (wannanhukunci)?
37:155
  1. Abubakar Mahmoud GumiShin, bã ku tunãni?
37:156
  1. Abubakar Mahmoud GumiKo kuma kunã da wani dalĩli bayyananne ne?
37:157
  1. Abubakar Mahmoud GumiTo, ku zo da littãfinku idan kun kasance mãsu gaskiya.
37:158
  1. Abubakar Mahmoud GumiKuma suka sanya nasaba a tsakãninSa da tsakãnin aljannu. Alhãli kuwa Lalle aljannu sun sani, "Lalle sũ, haƙĩƙa waɗanda ake halartarwa ne (a cikin wutã.)"
37:159
  1. Abubakar Mahmoud GumiTsarki ya tabbata ga Allah daga abin da suke siffantãwa.
37:160
  1. Abubakar Mahmoud GumiSai bãyin Allah waɗanda aka tsarkake.
37:161
  1. Abubakar Mahmoud GumiTo, lalle, ku da abin da kuke bautãwa,
37:162
  1. Abubakar Mahmoud GumiBa ku zama mãsu buwãya ba a gare Shi.
37:163
  1. Abubakar Mahmoud GumiSai wanda yake mai shiga babbar wutã Jahĩm.
37:164
  1. Abubakar Mahmoud Gumi"Kuma bãbu kõwa daga cikinmu, fãce yanã da matsayi sananne."
37:165
  1. Abubakar Mahmoud Gumi"Kuma lalle mu, haƙĩƙa, mũ ne mãsu yin sahu-sahu (dõmin ibãda)."
37:166
  1. Abubakar Mahmoud Gumi"Kuma lalle mũ haƙĩƙa, mũ ne mãsu yin tasbĩhi."
37:167
  1. Abubakar Mahmoud GumiKuma lalle sũ, sun kasance sunã cẽwa,
37:168
  1. Abubakar Mahmoud Gumi"Dã lalle munã da wani littãfi irin na mutãnen farko."
37:169
  1. Abubakar Mahmoud Gumi"Lalle dã mun kasance bãyin Allah waɗanda aka tsarkake."
37:170
  1. Abubakar Mahmoud GumiSai suka kãfirta da shi. Sabõda haka zã su sani.
37:171
  1. Abubakar Mahmoud GumiKuma lalle, haƙĩƙa kalmarMu ta gabãta ga bãyinMu, Manzanni.
37:172
  1. Abubakar Mahmoud GumiLalle sũ, haƙĩƙa, sũ ne waɗanda ake taimako.
37:173
  1. Abubakar Mahmoud GumiKuma lalle rundunarMu, haƙĩƙa, sũ ne marinjaya.
37:174
  1. Abubakar Mahmoud GumiSabõda haka juya daga barinsu, har a wani lõkaci.
37:175
  1. Abubakar Mahmoud GumiKa nũna musu (gaskiya), da haka zã su dinga gani.
37:176
  1. Abubakar Mahmoud GumiShin fa, da azabarMu suke nẽman gaggãwa?
37:177
  1. Abubakar Mahmoud GumiTo, idan ta sauka ga farfãjiyarsu, to, sãfiyar wadanda ake yi wa gargaɗi ta mũnana.
37:178
  1. Abubakar Mahmoud GumiKuma ka jũya daga barinsu har a wani lõkaci.
37:179
  1. Abubakar Mahmoud GumiKa nũna (musu gaskiya), da haka zã su dinga nũnãwa.
37:180
  1. Abubakar Mahmoud GumiTsarki ya tabbata ga Ubangijinka, Ubangijin rinjãye, daga barin abin da suke siffantãwa.
37:181
  1. Abubakar Mahmoud GumiKuma aminci ya tabbata ga Manzanni.
37:182
  1. Abubakar Mahmoud GumiKuma gõdiya ta tabbata ga Allah Ubangijin halittu.