القلم
Al-Qalam
Rubutu
Fassarori
Taɓa kalmar Larabci don ganin karatunta, tsarinta da tushenta.
بِسْمِ ٱللَّهِ ٱلرَّحْمَٰنِ ٱلرَّحِيمِ
- Abubakar Mahmoud GumiÑ. Na rantse da alƙalami da abin da (marubũta) suke rubũtãwa.
- Abubakar Mahmoud GumiKai, sabõda ni'imar Ubangijinka, bã mahaukaci kake ba.
- Abubakar Mahmoud GumiKuma, lalle, haƙĩƙa kanã da lãdar da bã ta yankewa.
- Abubakar Mahmoud GumiKuma, lalle haƙiƙa kana a kan hãlãyen kirki, manya.
- Abubakar Mahmoud GumiDon haka, zã ka gani, sũ kuma zã su gani.
- Abubakar Mahmoud GumiGa wanenku haukã take.
- Abubakar Mahmoud GumiLalle Ubangijinka Shi ne Mafi sani ga wanda ya ɓace daga tafarkinSa. Kuma Shi ne Mafi sani ga mãsu shiryuwa.
- Abubakar Mahmoud GumiSaboda haka kada ka bi mãsu ƙaryatãwa.
- Abubakar Mahmoud GumiSunã fatar ka sassauta, su kuma sũ sassauta.
- Abubakar Mahmoud GumiKada ka bi dukkan mai yawan rantsuwa, walãkantacce.
- Abubakar Mahmoud GumiMai zunɗe, mai yãwo da gulma.
- Abubakar Mahmoud GumiMai hana alhẽri mai zãlunci, mai zunubi.
- Abubakar Mahmoud GumiMai girman kai, bãyan haka kuma la'ĩmi (bã ya son alhẽri).
- Abubakar Mahmoud GumiSabõda yã kasance mai dũkiya da ɗiya.
- Abubakar Mahmoud GumiIdan ana karanta masa ãyõyinMu, sai ya ce: "Tatsũniyõyin mutãnen farko ne."
- Abubakar Mahmoud GumiZã Mu yi masa alãma a kan hanci.
- Abubakar Mahmoud GumiLalle Mun jarrabe su kamar yadda Muka jarrabi mãsu gonar lambu, a lokacin da suka yi rantsuwa, wai lalle zã su girbe amfãninta, suna mãsu asubanci.
- Abubakar Mahmoud GumiKuma (suka yi niyya), bã su kõ tõgẽwa.
- Abubakar Mahmoud GumiWani mai kẽwayãwa daga Ubangijinka ya kẽwayã a kanta, (ya ƙone ta,) alhãli sunã barci.
- Abubakar Mahmoud GumiSai ta wãyi gari (baƙa ƙirin) kamar dare.
- Abubakar Mahmoud GumiSai suka kirãyi jũna, sunã mãsu yin asubanci.
- Abubakar Mahmoud GumiCẽwa ku yi sammakõ ga amfãnin gõnarku, idan kun kasance mãsu girbewa.
- Abubakar Mahmoud GumiSai suka tafi sunã shãwara a ɓõye (sunã cẽwa).
- Abubakar Mahmoud Gumi"Lalle kada wani miskĩni ya shigar muku ita a yau!"
- Abubakar Mahmoud GumiKuma suka yi sammako akan (niyyar) rõwa, matuƙar iyãwarsu.
- Abubakar Mahmoud GumiLõkacin da suka gan ta, sai suka ce: "Lalle, mun saki hanya (mun ɓace)!"
- Abubakar Mahmoud Gumi"Ba haka ba, mũ dai, an hana mu ne."
- Abubakar Mahmoud GumiMafificinsu (hankali) ya ce: "Ban gaya muku ba, yã kamata ku tsarkake Allah?"
- Abubakar Mahmoud GumiSuka ce: "Tsarki ya tabbata ga Ubangijinmu! Lalle, mu mun kasance azzãlumai."
- Abubakar Mahmoud GumiSai suka fuskanci jũna, sunã zargin kansu.
- Abubakar Mahmoud GumiSuka ce: "Kaitonmu! Lalle, mũ ne muka kasance mãsu ƙẽtare iyãka."
- Abubakar Mahmoud Gumi"Mai yiwuwa ne Ubangijinmu Ya musanya mana da wani abu da yã fi ta. Lalle, mũ (ba mu yanke ƙauna ba) zuwa ga Ubangijinmu, mãsu kwaɗayi ne."
- Abubakar Mahmoud GumiHaka dai azãbar take, kuma lalle ne azãbar Lãhira ta fi girma, in da sun kasance zã su iya gãnẽwã.
- Abubakar Mahmoud GumiLalle ne mãsu taƙawa nã da a wurin Ubangijinsu, gidãjen Aljanna na ni'ima.
- Abubakar Mahmoud GumiShin ko zã Mu sanya waɗanda ke bi da ɗa'a kamar mãsu laifi?
- Abubakar Mahmoud GumiMe ya sãme ku, yãya kuke yin hukunci (da haka)?
- Abubakar Mahmoud GumiKo kuna da wani littafi, wanda a cikinsa, kuke karantãwa?
- Abubakar Mahmoud GumiCẽwã kunã da, a cikinsa lalle (duk) abin da rãyukanku suka zãɓa?
- Abubakar Mahmoud GumiKõ kunã (riƙe) da wasu rantsuwõyin alkawari a kanMu, har ya zuwa Rãnar ¡iyãma, cẽwa lalle ne kunã da abin da kuke hukuntã wa kanku?
- Abubakar Mahmoud GumiKa tambaye su, wãne, a cikinsu, ke lãmuncewã ga sãmun wannan (hukuncin)?
- Abubakar Mahmoud GumiKõ sunã da abõkan tãrẽwa (ga wannan ra'ayi)? To, sai su kãwo abõkan tãrayyarsu, idan sun kasance mãsu gaskiya.
- Abubakar Mahmoud GumiRanar da zã a kuranye ƙwabri, kuma a kira su zuwa ga yin sujũda, sai bã zã su iyãwa ba.
- Abubakar Mahmoud GumiSu fito da idãnu ƙasƙantattu, wulãkanci yana rufe su. Lalle ne a dã sun kasance anã kiran su zuwa, yin sujũdar, alhãli kuwa sunã lãfiya lau, (suka ƙi yi).
- Abubakar Mahmoud GumiSabõda haka ka bar Ni da mai ƙaryata wanna lãbãri (Alƙur'ãni). Zã Mu yi musu istidrãji daga inda ba su sani ba.
- Abubakar Mahmoud GumiIna jinkirtã musu, lalle kaidiNa mai ƙarfi ne.
- Abubakar Mahmoud GumiKõ kana tambayar su wata la'ada ne, sabõda haka sũ, daga wannan tãrar, suke jin an nauyaya musu?
- Abubakar Mahmoud GumiKo kuma sunã da ilmin gaibu ne, wãto sunã yin rubũtun (abin da suke faɗã daga gare shi) ne?
- Abubakar Mahmoud GumiSabõda haka, ka yi haƙuri da hukuncin Ubangijinka, kada ka zama kamar Ma'abũcin kĩfi, alõkacin da ya yi kira, alhãli yana cike da hushi.
- Abubakar Mahmoud GumiBa dõmin ni'ima daga wajen Ubangijinsa tã riske shi ba, lalle ne da an jẽfa shi a cikin wõfintacciyar ƙasa, alhãli yanã abin zargi.
- Abubakar Mahmoud GumiSai Ubangijinsa Ya zãɓe shi, sa'an nan Ya sanya shi a cikin mutãnen kirki.
- Abubakar Mahmoud GumiKuma lalle, ne waɗanda suka kãfirta sunã yin kamar su kãyar da kai sabõ da kallonsu (kallon mãmãki), a lokacin da suke jin karãtun Alƙur'ãni, kuma sunã cẽwa, "Lalle ne shi mahaukaci ne!"
- Abubakar Mahmoud GumiShi (Alƙur'ãni) bai kasance ba, fãce abin tunãtarwa ne ga duka dũniya.