الحاقة

Al-Haqqah

Sura ta 69 · ta Makka · ayoyi 52 · Tsarin saukarwa: 78

Rubutu
Fassarori

Taɓa kalmar Larabci don ganin karatunta, tsarinta da tushenta.

بِسْمِ ٱللَّهِ ٱلرَّحْمَٰنِ ٱلرَّحِيمِ
69:1
  1. Abubakar Mahmoud GumiKiran gaskiya!
69:2
  1. Abubakar Mahmoud GumiMẽne ne kiran gaskiya?
69:3
  1. Abubakar Mahmoud GumiKuma mẽ ya sanar da kai abin da ake cẽwa kiran gaskiya?
69:4
  1. Abubakar Mahmoud GumiSamũdãwa da Ãdãwa sun ƙaryatar da kiran gaskiya mai dũkar zũciya!
69:5
  1. Abubakar Mahmoud GumiTo, amma Samũdãwa to, an halakãsu da tsãwa mai tsanani.
69:6
  1. Abubakar Mahmoud GumiKuma amma Ãdãwa to, an halaka su da wata iska mai tsananin sauti wadda ta ƙẽtare haddi.
69:7
  1. Abubakar Mahmoud Gumi(Allah) Ya hõre ta a kansu a cikin dare bakwai da yini takwas, biye da jũna, sabõda haka, kana ganin mutãne a cikinta kwance. Kamar sũ ƙirãruwan dabĩno ne, waɗanda suka fãɗi.
69:8
  1. Abubakar Mahmoud GumiTo, kõ kanã ganin abin da ya yi saurã daga cikinsu?
69:9
  1. Abubakar Mahmoud GumiKuma Fir'auna yã zo da waɗanda ke gabãninsa, da waɗannan da aka kife ƙasarsu, sabõda laifi.
69:10
  1. Abubakar Mahmoud GumiDõmin sun sãɓã wa manzon Ubangijinsu, sabõda haka ya kãmã su da wani irin kãmu mai ƙãruwar (tsanani).
69:11
  1. Abubakar Mahmoud GumiLalle ne, Mũ, a lõkacin da ruwa ya ƙẽtare haddi, Munɗauke aaku a cikin jirgin ruwan nan.
69:12
  1. Abubakar Mahmoud GumiDõmin Mu sanya shi, gare ku abin tunãwa kuma wani kunne mai kiyayewa ya kiyaye (shi).
69:13
  1. Abubakar Mahmoud GumiTo, idan an yi bũsa a cikin ƙaho, bũsa ɗaya.
69:14
  1. Abubakar Mahmoud GumiKuma aka ɗauki ƙasa da duwãtsu, kuma aka niƙa su niƙãwa ɗaya.
69:15
  1. Abubakar Mahmoud GumiA ran nan, mai aukuwa zã ta auku.
69:16
  1. Abubakar Mahmoud GumiKuma sama zã ta tsãge, dõmin ita a ran nan, mai rauni ce.
69:17
  1. Abubakar Mahmoud GumiKuma malã'iku (su bayyana) a kan sãsanninta, kuma wasu (malã'iku) takwas na ɗauke da Al'arshin Ubangijinka, a sama da su, a wannan rãnar.
69:18
  1. Abubakar Mahmoud GumiA rãnar nan zã a bijirã ku (dõmin hisãbi), bãbu wani rai, mai ɓoyewa, daga cikinku, wanda zai iya ɓõyẽwa.
69:19
  1. Abubakar Mahmoud GumiTo, amma wanda aka bai wa littãfinsa a dãmansa, sai ya ce wa (makusantansa), "Ku karɓa, ku karanta littafina."
69:20
  1. Abubakar Mahmoud Gumi"Lalle ne ni, nã tabbata cewa ni mai haɗuwa da hisãbina ne."
69:21
  1. Abubakar Mahmoud GumiSabõda haka, shi yana cikin wata rãyuwa yardadda.
69:22
  1. Abubakar Mahmoud GumiA cikin Aljanna maɗaukakiya.
69:23
  1. Abubakar Mahmoud GumiNunannun 'yã'yan itãcenta makusantã ne (ga mai son ɗĩba),
69:24
  1. Abubakar Mahmoud Gumi(Ana ce musu) "Ku ci, kuma ku sha a cikin ni'ima, sabõda abin da kuka gabãtar a cikin kwãnukan da suka shige."
69:25
  1. Abubakar Mahmoud GumiKuma wanda aka bai wa littãfinsa ga hagunsa, sai ya ce: "Kaitona, ba a kãwo mini littãfina ba!"
69:26
  1. Abubakar Mahmoud Gumi"Kuma ban san abin da (ke sakamakon) hisãbina ba!"
69:27
  1. Abubakar Mahmoud Gumi"In dã dai ita, tã kasance mai halakã ni gabã ɗaya ce!
69:28
  1. Abubakar Mahmoud Gumi"Dukiyãta ba ta wadatar da ni ba!"
69:29
  1. Abubakar Mahmoud Gumi"Ĩkona ya ɓace mini!"
69:30
  1. Abubakar Mahmoud Gumi(Sai a ce wa malã'iku) "Ku kãmã shi, sa'an nan ku sanyã shi a cikin ƙuƙumi."
69:31
  1. Abubakar Mahmoud Gumi"Sa'an nan, a cikin Jahĩm, ku ƙõna shi."
69:32
  1. Abubakar Mahmoud Gumi"Sa'an nan, acikin sarƙa, tsawonta zirã'i saba'in, sai ku sanya shi."
69:33
  1. Abubakar Mahmoud Gumi"Lalle ne, shi ya kasance ba ya yin ĩmãni da Allah, Mai girma!"
69:34
  1. Abubakar Mahmoud Gumi"Kuma ba ya kwaɗaitarwa ga (bãyar da) abincin matalauci!"
69:35
  1. Abubakar Mahmoud Gumi"Sabõda haka, a yau, a nan, bã ya da masõyi."
69:36
  1. Abubakar Mahmoud Gumi"Kuma bãbu wani abinci, sai daga (itãcen) gislĩn."
69:37
  1. Abubakar Mahmoud Gumi"Bãbu mai cin sa sai mãsu ganganci."
69:38
  1. Abubakar Mahmoud GumiTo, ba sai Nã yi rantsuwa da abin da kuke iya gani ba,
69:39
  1. Abubakar Mahmoud GumiDa abin da bã ku iya gani.
69:40
  1. Abubakar Mahmoud GumiLalle ne, shi (Alƙur'ani) tabbas maganar wani manzo (Jibirilu) mai daraja ne.
69:41
  1. Abubakar Mahmoud GumiKuma shi ba maganar wani mawãƙi ba ne. Kaɗan ƙwarai zã ku gaskata.
69:42
  1. Abubakar Mahmoud GumiKuma bã maganar bõka ba ne. Kaɗan ƙwarai zã ku iya tunãwa.
69:43
  1. Abubakar Mahmoud GumiAbin saukarwã ne daga Ubangijin halitta duka.
69:44
  1. Abubakar Mahmoud GumiKuma dã (Muhammadu) yã faɗi wata maganã, yã jingina ta garẽ Mu.
69:45
  1. Abubakar Mahmoud GumiDã Mun kãma shi da dãma.
69:46
  1. Abubakar Mahmoud Gumisa'an nan, lalle ne, dã Mun kãtse masa lakã.
69:47
  1. Abubakar Mahmoud GumiKuma daga cikinku bãbu wasu mãsu iya kãre (azãbarMu) daga gare shi.
69:48
  1. Abubakar Mahmoud GumiKuma lalle ne shi (Alƙur'ãni) tanãtarwa ce ga mãsu taƙawa.
69:49
  1. Abubakar Mahmoud GumiKuma lalle, ne Mũ, wallahi Munã sane da cẽwa daga cikinku alwwai mãsu ƙaryatãwa.
69:50
  1. Abubakar Mahmoud GumiKuma lalle ne shi (Alƙarãni) wallahi baƙin ciki ne ga kãfirai.
69:51
  1. Abubakar Mahmoud GumiKuma lalle, ne shi gaskiya ce ta yaƙshẽni.
69:52
  1. Abubakar Mahmoud GumiSabõda haka, ka tsarkake sũnan Ubangjinka, mai girma.