الشعراء
Ash-Shu'ara
Hati
Tafsiri
Gusa neno la Kiarabu ili kuona usomaji, muundo na mzizi wake.
بِسْمِ ٱللَّهِ ٱلرَّحْمَٰنِ ٱلرَّحِيمِ
- Ali Muhsin Al-BarwaniT'aa Siin Miim. (T'. S. M.)
- Ali Muhsin Al-BarwaniHizi ni Aya za Kitabu kinacho bainisha.
- Ali Muhsin Al-BarwaniHuenda labda ukajikera nafsi yako kwa kuwa hawawi Waumini.
- Ali Muhsin Al-BarwaniTunge penda tungeli wateremshia kutoka mbinguni Ishara zikanyenyekea shingo zao.
- Ali Muhsin Al-BarwaniWala hauwafikii ukumbusho mpya kutoka kwa Arrahman ila wao hujitenga nao.
- Ali Muhsin Al-BarwaniKwa yakini wamekanusha; kwa hivyo zitakuja wafikia khabari za yale waliyo kuwa wakiyafanyia mzaha.
- Ali Muhsin Al-BarwaniJe! Hawakuiona ardhi, mimea mingapi tumeiotesha humo, ya kila namna nzuri?
- Ali Muhsin Al-BarwaniHakika katika haya zipo Ishara. Lakini wengi wao hawakuwa wenye kuamini.
- Ali Muhsin Al-BarwaniNa hakika Mola wako Mlezi ndiye Yeye Mwenye nguvu Mwenye kurehemu.
- Ali Muhsin Al-BarwaniNa Mola wako Mlezi, alipo mwita Musa, akamwambia: Fika kwa watu madhaalimu,
- Ali Muhsin Al-BarwaniWatu wa Firauni. Hawaogopi?
- Ali Muhsin Al-BarwaniAkasema: Hakika mimi nachelea wasinikanushe.
- Ali Muhsin Al-BarwaniNa kifua changu kina dhiki, na ulimi wangu haukunjuki vyema. Basi mtumie ujumbe Harun.
- Ali Muhsin Al-BarwaniNa wao wana kisasi juu yangu, kwa hivyo naogopa wasije kuniuwa.
- Ali Muhsin Al-BarwaniAkasema: Siyo hivyo kabisa! Nendeni na miujiza yetu. Hakika Sisi tu pamoja nanyi, tunasikiliza.
- Ali Muhsin Al-BarwaniBasi mfikieni Firauni na mwambieni: Hakika sisi ni Mitume wa Mola Mlezi wa walimwengu wote.
- Ali Muhsin Al-BarwaniWaachilie Wana wa Israili wende nasi.
- Ali Muhsin Al-Barwani(Firauni) akasema: Sisi hatukukulea wewe utotoni, na ukakaa kwetu katika umri wako miaka mingi?
- Ali Muhsin Al-BarwaniNa ukatenda kitendo chako ulicho tenda, nawe ukawa miongoni mwa wasio na shukrani?
- Ali Muhsin Al-Barwani(Musa) akasema: Nilitenda hayo hapo nilipo kuwa miongoni mwa wale walio potea.
- Ali Muhsin Al-BarwaniBasi nikakukimbieni nilipo kuogopeni, tena Mola wangu Mlezi akanitunukia hukumu, na akanijaalia niwe miongoni mwa Mitume.
- Ali Muhsin Al-BarwaniNa hiyo ndiyo neema ya kunisumbulia, na wewe umewatia utumwani Wana wa Israili?
- Ali Muhsin Al-BarwaniFirauni akasema: Na nani huyo Mola Mlezi wa walimwengu wote?
- Ali Muhsin Al-BarwaniAkasema: Ndiye Mola Mlezi wa mbingu na ardhi, na viliomo baina yao, ikiwa nyinyi ni wenye yakini.
- Ali Muhsin Al-Barwani(Firauni) akawaambia walio mzunguka: Hamsikilizi?
- Ali Muhsin Al-Barwani(Musa) akasema: Ndiye Mola wenu Mlezi, na Mola Mlezi wa baba zenu wa kwanza.
- Ali Muhsin Al-Barwani(Firauni) akasema: Hakika huyu Mtume wenu aliye tumwa kwenu ni mwendawazimu.
- Ali Muhsin Al-Barwani(Musa) akasema: Ndiye Mola Mlezi wa Mashariki na Magharibi na viliomo baina yao, ikiwa nyinyi mnatia akilini.
- Ali Muhsin Al-Barwani(Firauni) akasema: Ukimfuata mungu mwengine asiye kuwa mimi, basi bila ya shaka nitakufunga gerezani.
- Ali Muhsin Al-BarwaniAkasema: Je! Ijapo kuwa nitakuletea kitu cha kubainisha wazi?
- Ali Muhsin Al-BarwaniAkasema: Kilete basi, kama wewe ni katika wasemao kweli.
- Ali Muhsin Al-BarwaniBasi akaitupa fimbo yake, mara ikawa nyoka wa kuonekana dhaahiri.
- Ali Muhsin Al-BarwaniNa akautoa mkono wake, na mara ukawa mweupe kwa watazamao.
- Ali Muhsin Al-Barwani(Firauni) akawaambia waheshimiwa walio mzunguka: Hakika huyu ni mchawi mtaalamu.
- Ali Muhsin Al-BarwaniAnataka kukutoeni katika nchi yenu kwa uchawi wake. Basi mna shauri gani?
- Ali Muhsin Al-BarwaniWakasema: Mpe muda yeye na nduguye na uwatume mijini wapigao mbiu ya mgambo.
- Ali Muhsin Al-BarwaniWakuletee kila mchawi bingwa mtaalamu.
- Ali Muhsin Al-BarwaniBasi wakakusanywa wachawi wakati na siku maalumu.
- Ali Muhsin Al-BarwaniNa watu wakaambiwa: Je! Mtakusanyika?
- Ali Muhsin Al-BarwaniHuenda tutawafuata wachawi wakiwa wao ndio watakao shinda.
- Ali Muhsin Al-BarwaniBasi walipo kuja wachawi wakamwambia Firauni: Je! Tutapata ujira tukiwa sisi ndio tulio shinda?
- Ali Muhsin Al-BarwaniNaam! Na hakika mtakuwa katika watu wa mbele.
- Ali Muhsin Al-BarwaniMusa akwaambia: Tupeni mnavyo taka kutupa.
- Ali Muhsin Al-BarwaniBasi wakatupa kamba zao na fimbo zao, na wakasema: Kwa nguvu za Firauni hakika sisi hapana shaka ni wenye kushinda.
- Ali Muhsin Al-BarwaniMusa tena akatupa fimbo yake, nayo mara ikavimeza walivyo vizua.
- Ali Muhsin Al-BarwaniHapo wachawi walipinduka wakasujudu.
- Ali Muhsin Al-BarwaniWakasema: Tunamuamini Mola Mlezi wa walimwengu wote.
- Ali Muhsin Al-BarwaniMola Mlezi wa Musa na Harun.
- Ali Muhsin Al-Barwani(Firauni) akasema: Je! Mmemuamini kabla sijakuruhusuni? Bila ya shaka yeye basi ndiye mkubwa wenu aliye kufunzeni uchawi. Basi mtakuja jua! Nitakata mikono yenu na miguu yenu kwa kutafautisha. Na nitakubandikeni misalabani nyote.
- Ali Muhsin Al-BarwaniWakasema: Haidhuru, kwani sisi ni wenye kurejea kwa Mola wetu Mlezi.
- Ali Muhsin Al-BarwaniHakika sisi tunatumai Mola wetu Mlezi atatusamehe makosa yetu, kwa kuwa ndio wa kwanza wa kuamini.
- Ali Muhsin Al-BarwaniNa tulimuamrisha Musa kwa wahyi: Nenda na waja wangu wakati wa usiku. Kwa hakika mtafuatwa.
- Ali Muhsin Al-BarwaniBasi Firauni akawatuma mijini wapiga mbiu za mgambo.
- Ali Muhsin Al-Barwani(Wakieneza): Hakika hawa ni kikundi kidogo.
- Ali Muhsin Al-BarwaniNao wanatuudhi.
- Ali Muhsin Al-BarwaniNa sisi ni wengi, wenye kuchukua hadhari.
- Ali Muhsin Al-BarwaniBasi tukawatoa katika mabustani na chemchem,
- Ali Muhsin Al-BarwaniNa makhazina, na vyeo vya hishima,
- Ali Muhsin Al-BarwaniKadhaalika; na tukawarithisha hayo Wana wa Israili.
- Ali Muhsin Al-BarwaniBasi wakawafuata lilipo chomoza jua.
- Ali Muhsin Al-BarwaniNa yalipo onana majeshi mawili haya, watu wa Musa wakasema: Hakika sisi bila ya shaka tumepatikana!
- Ali Muhsin Al-Barwani(Musa) akasema: Hasha! Hakika yu pamoja nami Mola wangu Mlezi. Yeye ataniongoa!
- Ali Muhsin Al-BarwaniTulimletea wahyi Musa tukamwambia: Piga bahari kwa fimbo yako. Basi ikatengana, na kila sehemu ikawa kama mlima mkubwa.
- Ali Muhsin Al-BarwaniNa tukawajongeza hapo wale wengine.
- Ali Muhsin Al-BarwaniTukawaokoa Musa na walio kuwa pamoja naye wote.
- Ali Muhsin Al-BarwaniKisha tukawazamisha hao wengine.
- Ali Muhsin Al-BarwaniHakika bila ya shaka katika hayo ipo Ishara; lakini wengi wao si katika wenye kuamini.
- Ali Muhsin Al-BarwaniNa kwa hakika Mola wako Mlezi ndiye Mwenye nguvu Mwenye kurehemu.
- Ali Muhsin Al-BarwaniNa wasomee khabari za Ibrahim.
- Ali Muhsin Al-BarwaniAlipo mwambia baba yake na kaumu yake: Mnaabudu nini?
- Ali Muhsin Al-BarwaniWakasema: Tunaabudu masanamu, daima tunayanyenyekea.
- Ali Muhsin Al-BarwaniAkasema: Je! Yanakusikieni mnapo yaita?
- Ali Muhsin Al-BarwaniAu yanakufaeni, au yanakudhuruni?
- Ali Muhsin Al-BarwaniWakasema: Bali tumewakuta baba zetu wakifanya hivyo hivyo.
- Ali Muhsin Al-BarwaniJe! Mmewaona hawa mnao waabudu-
- Ali Muhsin Al-BarwaniNyinyi na baba zenu wa zamani?
- Ali Muhsin Al-BarwaniKwani hakika hao ni adui zangu, isipo kuwa Mola Mlezi wa walimwengu wote.
- Ali Muhsin Al-BarwaniAmbaye ndiye aliye niumba, na Yeye ndiye ananiongoa,
- Ali Muhsin Al-BarwaniNa ambaye ndiye ananilisha na kuninywesha.
- Ali Muhsin Al-BarwaniNa ninapo ugua ni Yeye ndiye anaye niponesha.
- Ali Muhsin Al-BarwaniNa ambaye atanifisha, na kisha atanihuisha.
- Ali Muhsin Al-BarwaniNa ambaye ndiye ninaye mtumai kunisamehe makosa yangu Siku ya Malipo.
- Ali Muhsin Al-BarwaniMola wangu Mlezi! Nitunukie hukumu na uniunganishe na watendao mema.
- Ali Muhsin Al-BarwaniNa unijaalie nitajwe kwa wema na watu watakao kuja baadaye.
- Ali Muhsin Al-BarwaniNa unijaalie katika warithi wa Bustani za neema.
- Ali Muhsin Al-BarwaniNa umsamehe baba yangu, kwani hakika alikuwa miongoni mwa wapotovu.
- Ali Muhsin Al-BarwaniWala usinihizi Siku watapo fufuliwa.
- Ali Muhsin Al-BarwaniSiku ambayo kwamba mali hayato faa kitu wala wana.
- Ali Muhsin Al-BarwaniIsipo kuwa mwenye kumjia Mwenyezi Mungu na moyo safi.
- Ali Muhsin Al-BarwaniNa Pepo itasogezwa kwa wachamngu.
- Ali Muhsin Al-BarwaniNa Jahannamu itadhihirishwa kwa wapotovu.
- Ali Muhsin Al-BarwaniNa wataambiwa: Wako wapi mlio kuwa mkiwaabudu
- Ali Muhsin Al-BarwaniBadala ya Mwenyezi Mungu? Je! Wanakusaidieni, au wanajisaidia wenyewe?
- Ali Muhsin Al-BarwaniBasi watavurumizwa humo wao na hao wakosefu,
- Ali Muhsin Al-BarwaniNa majeshi ya Ibilisi yote.
- Ali Muhsin Al-BarwaniWatasema, na hali ya kuwa wanazozana humo:
- Ali Muhsin Al-BarwaniWallahi! Kwa yakini tulikuwa katika upotovu ulio dhaahiri,
- Ali Muhsin Al-BarwaniTulipo kufanyeni ni sawa na Mola Mlezi wa walimwengu wote.
- Ali Muhsin Al-BarwaniNa hawakutupoteza ila wale wakosefu.
- Ali Muhsin Al-BarwaniBasi hatuna waombezi.
- Ali Muhsin Al-BarwaniWala rafiki wa dhati.
- Ali Muhsin Al-BarwaniLaiti tungeli pata kurejea tena tungeli kuwa katika Waumini.
- Ali Muhsin Al-BarwaniHakika katika haya ipo Ishara, lakini wengi wao hawakuwa wenye kuamini.
- Ali Muhsin Al-BarwaniNa hakika Mola wako Mlezi ndiye Mwenye nguvu Mwenye kurehemu.
- Ali Muhsin Al-BarwaniKaumu ya Nuhu waliwakadhibisha Mitume.
- Ali Muhsin Al-BarwaniAlipo waambia ndugu yao, Nuhu: Je! Hamchimngu?
- Ali Muhsin Al-BarwaniHakika mimi kwenu ni Mtume muaminifu.
- Ali Muhsin Al-BarwaniBasi Mcheni Mwenyezi Mungu, na nit'iini mimi.
- Ali Muhsin Al-BarwaniNa sikutakini juu yake ujira, kwani ujira wangu hauko ila kwa Mola Mlezi wa walimwengu wote.
- Ali Muhsin Al-BarwaniBasi Mcheni Mwenyezi Mungu, na nit'iini mimi.
- Ali Muhsin Al-BarwaniWakasema: Je! Tukuamini wewe, hali wanao kufuata ni watu wa chini?
- Ali Muhsin Al-BarwaniAkasema: Nayajuaje waliyo kuwa wakiyafanya?
- Ali Muhsin Al-BarwaniHisabu yao haiko ila kwa Mola wao Mlezi, laiti mngeli tambua!
- Ali Muhsin Al-BarwaniWala mimi si wa kuwafukuza Waumini.
- Ali Muhsin Al-BarwaniMimi si cho chote ila ni Mwonyaji wa dhaahiri shaahiri.
- Ali Muhsin Al-BarwaniWakasema: Ikiwa huachi, ewe Nuhu, bila ya shaka utapigwa mawe.
- Ali Muhsin Al-BarwaniAkasema: Mola wangu Mlezi! Hakika watu wangu wamenikanusha.
- Ali Muhsin Al-BarwaniBasi hukumu baina yangu na wao kwa hukumu yako, na uniokoe mimi na walio pamoja nami, Waumini.
- Ali Muhsin Al-BarwaniKwa hivyo tukamwokoa yeye na walio kuwa pamoja naye katika marikebu iliyo sheheni.
- Ali Muhsin Al-BarwaniKisha tukawazamisha baadaye walio bakia.
- Ali Muhsin Al-BarwaniHakika katika haya ipo Ishara, lakini si wengi wao walio kuwa Waumini.
- Ali Muhsin Al-BarwaniNa hakika Mola wako Mlezi ndiye Yeye Mwenye nguvu Mwenye kurehemu.
- Ali Muhsin Al-BarwaniKina A'd waliwakanusha Mitume.
- Ali Muhsin Al-BarwaniAlipo waambia ndugu yao, Hud: Je! Hamchimngu?
- Ali Muhsin Al-BarwaniHakika mimi kwenu ni Mtume muaminifu.
- Ali Muhsin Al-BarwaniBasi mcheni Mwenyezi Mungu, na nit'iini mimi.
- Ali Muhsin Al-BarwaniWala sikutakeni juu yake ujira, kwani ujira wangu hauko ila kwa Mola Mlezi wa walimwengu wote.
- Ali Muhsin Al-BarwaniJe! Mnajenga juu ya kila mnyanyuko kumbusho la kufanyia upuuzi?
- Ali Muhsin Al-BarwaniNa mnajenga majengo ya fakhari kama kwamba mtaishi milele!
- Ali Muhsin Al-BarwaniNa mnapo tumia nguvu mnatumia nguvu kwa ujabari.
- Ali Muhsin Al-BarwaniBasi mcheni Mwenyezi Mungu, na nit'iini.
- Ali Muhsin Al-BarwaniNa mcheni aliye kupeni haya mnayo yajua.
- Ali Muhsin Al-BarwaniAmekupeni wanyama wa kufuga na wana.
- Ali Muhsin Al-BarwaniNa mabustani na chemchem.
- Ali Muhsin Al-BarwaniHakika mimi ninakukhofieni adhabu ya Siku Kubwa.
- Ali Muhsin Al-BarwaniWakasema: Ni mamoja kwetu, ukitupa mawaidha au hukuwa miongoni mwa watoao mawaidha.
- Ali Muhsin Al-BarwaniHaya si chochote ila ni mtindo wa watu wa tokea zamani.
- Ali Muhsin Al-BarwaniWala sisi hatutaadhibiwa.
- Ali Muhsin Al-BarwaniWakamkanusha; nasi tukawaangamiza. Hakika bila ya shaka katika haya ipo Ishara. Lakini hawakuwa wengi wao wenye kuamini.
- Ali Muhsin Al-BarwaniNa hakika Mola wako Mlezi ndiye Mwenye nguvu Mwenye kurehemu.
- Ali Muhsin Al-BarwaniKina Thamud waliwakanusha Mitume.
- Ali Muhsin Al-BarwaniAlipo waambia ndugu yao Saleh: Je! Hamumchimngu?
- Ali Muhsin Al-BarwaniHakika mimi kwenu ni Mtume muaminifu.
- Ali Muhsin Al-BarwaniBasi mcheni Mwenyezi Mungu, na nit'iini.
- Ali Muhsin Al-BarwaniWala sikutakini ujira juu yake. Ujira wangu hauko ila kwa Mola Mlezi wa walimwengu wote.
- Ali Muhsin Al-BarwaniJe! Mtaachwa salama usalimina katika haya yaliyopo hapa?
- Ali Muhsin Al-BarwaniKatika mabustani, na chemchem?
- Ali Muhsin Al-BarwaniNa konde na mitende yenye makole yaliyo wiva.
- Ali Muhsin Al-BarwaniNa mnachonga milimani majumba kwa ustadi.
- Ali Muhsin Al-BarwaniBasi mcheni Mwenyezi Mungu, na nit'iini mimi.
- Ali Muhsin Al-BarwaniWala msit'ii amri za walio pindukia mipaka,
- Ali Muhsin Al-BarwaniAmbao wanafanya ufisadi katika nchi, wala hawatengenezi.
- Ali Muhsin Al-BarwaniWakasema: Hakika wewe ni miongoni mwa walio rogwa.
- Ali Muhsin Al-BarwaniWewe si chochote ila ni mtu kama sisi. Basi lete Ishara ukiwa wewe ni miongoni mwa wasemao kweli.
- Ali Muhsin Al-BarwaniAkasema: Huyu ngamia jike; awe na zamu yake ya kunywa, na nyinyi muwe na zamu yenu ya kunywa katika siku maalumu.
- Ali Muhsin Al-BarwaniWala msimguse kwa uwovu, isije ikakushikeni adhabu ya Siku Kubwa.
- Ali Muhsin Al-BarwaniLakini wakamuuwa, na wakawa wenye kujuta.
- Ali Muhsin Al-BarwaniBasi ikawapata adhabu. Hakika katika hayo ipo Ishara. Lakini hawakuwa wengi wao wenye kuamini.
- Ali Muhsin Al-BarwaniNa hakika Mola wako Mlezi ndiye Mwenye nguvu Mwenye kurehemu.
- Ali Muhsin Al-BarwaniWatu wa Lut'i waliwakanusha Mitume.
- Ali Muhsin Al-BarwaniAlipo waambia ndugu yao, Lut'i: Je! Hamumchimngu?
- Ali Muhsin Al-BarwaniHakika mimi kwenu ni Mtume muaminifu kwenu.
- Ali Muhsin Al-BarwaniBasi mcheni Mwenyezi Mungu na nit'iini mimi.
- Ali Muhsin Al-BarwaniWala mimi sikutakini ujira juu yake; ujira wangu hauko ila kwa Mola Mlezi wa walimwengu wote.
- Ali Muhsin Al-BarwaniJe! Katika viumbe vyote mnawaingilia wanaume?
- Ali Muhsin Al-BarwaniNa mnaacha alicho kuumbieni Mola wenu Mlezi katika wake zenu? Ama kweli nyinyi ni watu mnao ruka mipaka!
- Ali Muhsin Al-BarwaniWakasema: Ewe Lut'i! Usipo acha, hapana shaka utakuwa miongoni mwa wanao tolewa mji!
- Ali Muhsin Al-BarwaniAkasema: Hakika mimi ni katika wanao kichukia hichi kitendo chenu.
- Ali Muhsin Al-BarwaniMola wangu Mlezi! Niokoe mimi na ahali zangu na haya wayatendayo.
- Ali Muhsin Al-BarwaniBasi tukamwokoa yeye na ahali zake wote,
- Ali Muhsin Al-BarwaniIsipo kuwa kikongwe katika walio kaa nyuma.
- Ali Muhsin Al-BarwaniKisha tukawaangamiza wale wengine.
- Ali Muhsin Al-BarwaniNa tukawanyeshea mvua, basi ni ovu mno mvua ya waliyo onywa.
- Ali Muhsin Al-BarwaniHakika katika hayo ipo Ishara. Na hawakuwa wengi wao wenye kuamini.
- Ali Muhsin Al-BarwaniNa hakika Mola wako Mlezi bila ya shaka ndiye Mwenye nguvu, Mwenye kurehemu.
- Ali Muhsin Al-BarwaniWatu wa Machakani waliwakanusha Mitume.
- Ali Muhsin Al-BarwaniShuaibu alipo waambia: Je! Hamfanyi mkamchamngu?
- Ali Muhsin Al-BarwaniHakika mimi kwenu ni Mtume muaminifu.
- Ali Muhsin Al-BarwaniBasi mcheni Mwenyezi Mungu, na nit'iini mimi.
- Ali Muhsin Al-BarwaniWala sikutakini ujira juu yake. Ujira wangu hauko ila kwa Mola Mlezi wa walimwengu wote.
- Ali Muhsin Al-BarwaniTimizeni kipimo sawa sawa, wala msiwe katika wanao punja.
- Ali Muhsin Al-BarwaniNa pimeni kwa haki iliyo nyooka;
- Ali Muhsin Al-BarwaniWala msiwapunje watu vitu vyao, wala msifanye jeuri kwa ufisadi.
- Ali Muhsin Al-BarwaniNa mcheni aliye kuumbeni nyinyi na vizazi vilivyo tangulia.
- Ali Muhsin Al-BarwaniWakasema: Hakika wewe ni katika walio rogwa.
- Ali Muhsin Al-BarwaniNa wewe si chochote ila ni mtu tu kama sisi, na kwa yakini tunakuona wewe ni katika waongo.
- Ali Muhsin Al-BarwaniHebu tuangushie vipande kutoka mbinguni ikiwa wewe ni miongoni mwa wasemao kweli.
- Ali Muhsin Al-BarwaniAkasema: Mola wangu Mlezi anajua zaidi mnayo yatenda.
- Ali Muhsin Al-BarwaniBasi walimkanusha, na ikawashika adhabu ya siku ya kivuli. Hakika hiyo ilikuwa adhabu ya siku kubwa.
- Ali Muhsin Al-BarwaniHakika katika hayo ipo Ishara, lakini hawakuwa wengi wao wenye kuamini.
- Ali Muhsin Al-BarwaniNa hakika Mola wako Mlezi bila ya shaka ndiye Yeye Mwenye nguvu Mwenye kurehemu.
- Ali Muhsin Al-BarwaniNa bila ya shaka hii ni Uteremsho wa Mola Mlezi wa walimwengu wote.
- Ali Muhsin Al-BarwaniAmeuteremsha Roho muaminifu,
- Ali Muhsin Al-BarwaniJuu ya moyo wako, ili uwe katika Waonyaji,
- Ali Muhsin Al-BarwaniKwa ulimi wa Kiarabu ulio wazi.
- Ali Muhsin Al-BarwaniNa hakika bila ya shaka haya yamo katika Vitabu vya kale.
- Ali Muhsin Al-BarwaniJe! Haikuwa kwao ni Ishara kwamba wanayajua haya wanazuoni wa Wana wa Israili?
- Ali Muhsin Al-BarwaniNa lau kuwa tungeli iteremsha juu ya mmoja wa wasio kuwa Waarabu,
- Ali Muhsin Al-BarwaniNa akawasomea, wasingeli kuwa wenye kuamini.
- Ali Muhsin Al-BarwaniNamna hivi tunaingiza katika nyoyo za wakosefu.
- Ali Muhsin Al-BarwaniHawataiamini mpaka waione adhabu chungu.
- Ali Muhsin Al-BarwaniBasi itawafikia kwa ghafla, na hali hawana khabari.
- Ali Muhsin Al-BarwaniNa watasema: Je, tutapewa muhula?
- Ali Muhsin Al-BarwaniBasi, je, wanaihimiza adhabu yetu?
- Ali Muhsin Al-BarwaniWaonaje kama tukiwastarehesha kwa miaka,
- Ali Muhsin Al-BarwaniKisha yakawafikia waliyo kuwa wakiahidiwa,
- Ali Muhsin Al-BarwaniYatawafaa nini yale waliyo stareheshewa?
- Ali Muhsin Al-BarwaniWala hatukuangamiza mji wo wote ila ulikuwa na waonyaji -
- Ali Muhsin Al-BarwaniKuwa ni ukumbusho. Wala Sisi hatukuwa wenye kudhulumu.
- Ali Muhsin Al-BarwaniWala Mashet'ani hawakuteremka nayo,
- Ali Muhsin Al-BarwaniWala haitakiwi kwao, na wala hawawezi.
- Ali Muhsin Al-BarwaniHakika hao wametengwa na kusikia.
- Ali Muhsin Al-BarwaniBasi usimwombe mungu mwingine pamoja na Mwenyezi Mungu ukawa miongoni mwa watakao adhibiwa.
- Ali Muhsin Al-BarwaniNa uwaonye jamaa zako walio karibu nawe.
- Ali Muhsin Al-BarwaniNa watwae kwa upole wanao kufuata miongoni mwa Waumini.
- Ali Muhsin Al-BarwaniNa ikiwa watakuasi basi sema: Mimi najitenga mbali na hayo mnayo yatenda.
- Ali Muhsin Al-BarwaniNa umtegemee Mtukufu Mwenye nguvu Mwenye kurehemu.
- Ali Muhsin Al-BarwaniAmbaye anakuona unapo simama,
- Ali Muhsin Al-BarwaniNa mageuko yako kati ya wanao sujudu.
- Ali Muhsin Al-BarwaniHakika Yeye ndiye Mwenye kusikia Mwenye kujua.
- Ali Muhsin Al-BarwaniJe! Nikwambieni nani wanawashukia Mashet'ani?
- Ali Muhsin Al-BarwaniWanamshukia kila mzushi mkubwa mwingi wa dhambi.
- Ali Muhsin Al-BarwaniWanawapelekea yale wanayo yasikia; na wengi wao ni waongo.
- Ali Muhsin Al-BarwaniNa watungaji mashairi ni wapotofu ndio wanawafuata.
- Ali Muhsin Al-BarwaniJe! Huwaoni kwamba wao wanatangatanga katika kila bonde?
- Ali Muhsin Al-BarwaniNa kwamba wao husema wasiyo yatenda?
- Ali Muhsin Al-BarwaniIsipo kuwa wale walio amini, na wakatenda mema, na wakamkumbuka Mwenyezi Mungu kwa wingi, na wakajitetea wanapo dhulumiwa. Na wanao dhulumu watakuja jua mgeuko gani watakao geuka.