Sūrah Ash-Shu'ara (26) — ọ̀rọ̀ sí ọ̀rọ̀, gbòǹgbò àti ìtúmọ̀

26:1

Abu Rahimah Mikael AykyuniTọ̄ sīn mīm. (Allāhu ló mọ ohun tí Ó gbàlérò pẹ̀lú àwọn háràfí náà.)[1]

26:2

Abu Rahimah Mikael AykyuniÌwọ̀nyí ni àwọn āyah Tírà tó ń yanjú ọ̀rọ̀ ẹ̀dá.

26:3

Abu Rahimah Mikael AykyuniNítorí kí ni o ṣe máa para rẹ pé wọn kò jẹ́ onígbàgbọ́ òdodo.

26:4

Abu Rahimah Mikael AykyuniTí A bá fẹ́, A máa sọ àmì kan kalẹ̀ fún wọn láti sánmọ̀. Àwọn ọrùn wọn kò sì níí yé tẹríba fún un.

26:5

Abu Rahimah Mikael AykyuniKò sí ìrántí kan tí ó máa dé bá wọn ní titun láti ọ̀dọ̀ Àjọkẹ́-ayé àfi kí wọ́n jẹ́ olùgbúnrí kúrò níbẹ̀.

26:6

Abu Rahimah Mikael AykyuniDájúdájú wọ́n ti pe (āyah Wa) nírọ́. Nítorí náà, àwọn ìró ohun tí wọ́n ń fi ṣe yẹ̀yẹ́ ń bọ̀ wá bá wọn.

26:7

Abu Rahimah Mikael AykyuniṢé wọn kò rí ilẹ̀ pé mélòó mélòó nínú gbogbo oríṣiríṣi n̄ǹkan alápọ̀n-ọ́nlé tí A mú hù jáde láti inú rẹ̀?

26:8

Abu Rahimah Mikael AykyuniDájúdájú àmì wà nínú ìyẹn. Síbẹ̀síbẹ̀ ọ̀pọ̀lọ́pọ̀ wọn kò jẹ́ onígbàgbọ́ òdodo.

26:9

Abu Rahimah Mikael AykyuniDájúdájú Olúwa rẹ, Òun mà ni Alágbára, Àṣàkẹ́-ọ̀run.

26:10

Abu Rahimah Mikael Aykyuni(Rántí) nígbà tí Olúwa rẹ pe (Ànábì) Mūsā pé: “Lọ bá ìjọ alábòsí,

26:11

Abu Rahimah Mikael Aykyuniìjọ Fir‘aon (kí o sì sọ̱ fún wọn) pé, ‘Ṣé wọn kò níí bẹ̀rù (Allāhu) ni.’ ”

26:12

Abu Rahimah Mikael AykyuniÓ sọ pé: “Olúwa mi, dájúdájú èmi ń bẹ̀rù pé wọ́n máa pè mí ní òpùrọ́.

26:13

Abu Rahimah Mikael AykyuniÓ sì máa jẹ́ ìnira fún mi (tí wọ́n bá pè mí ní òpùrọ́). Ahọ́n mi kò sì já gaaraga. Nítorí náà, ránṣẹ́ sí Hārūn.

26:14

Abu Rahimah Mikael AykyuniÀti pé mo ní ẹ̀ṣẹ̀ kan lọ́rùn lọ́dọ̀ wọn. Nítorí náà, mò ń bẹ̀rù pé wọ́n máa pa mí.”

26:15

Abu Rahimah Mikael Aykyuni(Allāhu) sọ pé: “Rárá (wọn kò lè pa ọ́). Nítorí náà, kí ẹ̀yin méjèèjì mú àwọn àmì (iṣẹ́ ìyanu) Wa lọ (bá wọn). Dájúdájú Àwa ń bẹ pẹ̀lú yín; À ń gbọ́ (ọ̀rọ̀ yín).

26:16

Abu Rahimah Mikael AykyuniẸ̀yin méjèèjì, ẹ lọ bá Fir‘aon. Kí ẹ sọ fún un pé: “Dájúdájú àwa ni Òjíṣẹ́ Olúwa gbogbo ẹ̀dá.

26:17

Abu Rahimah Mikael Aykyuni(À ń sọ fún ọ) pé kí o jẹ́ kí àwọn ọmọ ’Isrọ̄’īl máa bá wa lọ.”

26:18

Abu Rahimah Mikael Aykyuni(Fir‘aon) wí pé: “Ṣé kì í ṣe ní ààrin wa ni a ti tọ́ ọ ní kékeré ni, tí o sì gbé ní ọ̀dọ̀ wa fún ọdún púpọ̀ nínú ìṣẹ̀mí ayé rẹ?

26:19

Abu Rahimah Mikael AykyuniO sì ṣe iṣẹ́ ọwọ́ rẹ tí o ṣe (sí wa). Ìwọ sì wà nínú àwọn aláìmoore.”

26:20

Abu Rahimah Mikael Aykyuni(Ànábì Mūsā) sọ pé: “Mo ṣe é nígbà náà nígbà tí mo wà nínú àwọn aláṣìṣe (èmi kò mọ̀ọ́mọ̀ ṣe é).

26:21

Abu Rahimah Mikael AykyuniMo sì sá fún yín nígbà tí mo bẹ̀rù yín. Lẹ́yìn náà, Allāhu ta mí lọ́rẹ ipò Ànábì. Ó sì ṣe mí ní (ọ̀kan) nínú àwọn Òjíṣẹ́.

26:22

Abu Rahimah Mikael AykyuniÀti pé ìyẹn ni ìdẹ̀ra tí ò ń ṣe ìrègún rẹ̀ lé mi lórí. Pé ó sọ àwọn ọmọ ’Isrọ̄’īl di ẹrú (ńkọ́?).[1]

26:23

Abu Rahimah Mikael AykyuniFir‘aon wí pé: “Kí ni Olúwa gbogbo ẹ̀dá?”

26:24

Abu Rahimah Mikael Aykyuni(Ànábì Mūsā) sọ pé: “(Allāhu ni) Olúwa àwọn sánmọ̀, ilẹ̀ àti ohunkóhun tó ń bẹ láààrin àwọn méjèèjì, tí ẹ̀yin bá jẹ́ alámọ̀dájú.”

26:25

Abu Rahimah Mikael Aykyuni(Fir‘aon) wí fún àwọn tó wà ní àyíká rẹ̀ pé: “Ṣé ẹ ẹ̀ gbọ́ ọ̀rọ̀ (tó ń sọ ni)?”

26:26

Abu Rahimah Mikael Aykyuni(Ànábì Mūsā) sọ pé: “(Allāhu ni) Olúwa yín àti Olúwa àwọn bàbá yín, àwọn ẹni àkọ́kọ́.”

26:27

Abu Rahimah Mikael Aykyuni(Fir‘aon) wí pé: “Dájúdájú Òjíṣẹ́ yín èyí tí wọ́n rán si yín, wèrè mà ni.”

26:28

Abu Rahimah Mikael Aykyuni(Ànábì Mūsā) sọ pé: “(Allāhu ni) Olúwa ibùyọ òòrùn, ibùwọ̀ òòrùn àti ohunkóhun tó ń bẹ láààrin àwọn méjèèjì, tí ẹ bá máa ń ṣe làákàyè.”

26:29

Abu Rahimah Mikael Aykyuni(Fir‘aon) wí pé: “Dájúdájú tí o bá fi lè jọ́sìn fún ọlọ́hun kan yàtọ̀ sí mi, dájúdájú mo máa sọ ọ́ di ara àwọn ẹlẹ́wọ̀n.”

26:30

Abu Rahimah Mikael Aykyuni(Ànábì Mūsā) sọ pé: “Tí ó bá jẹ́ pé mo mú kiní kan tó yanjú wá fún ọ ńkọ́?”

26:31

Abu Rahimah Mikael Aykyuni(Fir‘aon) wí pé: “Mú un wá nígbà náà tí ìwọ bá wà nínú àwọn olódodo.”

26:32

Abu Rahimah Mikael AykyuniNítorí náà, ó ju ọ̀pá rẹ̀ sílẹ̀, ó sì di ejò pọ́nńbélé.

26:33

Abu Rahimah Mikael AykyuniÓ tún fa ọwọ́ rẹ̀ yọ síta, ó sì di funfun fún àwọn olùwòran.

26:34

Abu Rahimah Mikael Aykyuni(Fir‘aon) wí fún àwọn ìjòyè tí wọ́n wà ní àyíká rẹ̀ pé: “Dájúdájú èyí ni onímọ̀ nípa idán pípa.

26:35

Abu Rahimah Mikael AykyuniÓ fẹ́ fi idán rẹ̀ kó yín kúrò lórí ilẹ̀ yín ni. Kí ni ohun tí ẹ máa mú wá ní ìmọ̀ràn?”[1]

26:36

Abu Rahimah Mikael AykyuniWọ́n wí pé: “Dá òun àti arákùnrin rẹ̀ dúró ná, kí o sì rán àwọn akónijọ[1] sí àwọn ìlú

26:37

Abu Rahimah Mikael Aykyuni(pé) kí gbogbo onímọ̀ nípa idán pípa wá bá ọ.”

26:38

Abu Rahimah Mikael AykyuniWọ́n sì kó àwọn òpìdán jọ ní àsìkò tí wọ́n fi àdéhùn sí ní ọjọ́ tí (gbogbo ìlú) ti mọ̀.

26:39

Abu Rahimah Mikael AykyuniWọ́n sì wí fún àwọn ènìyàn pé: “Ṣé ẹ̀yin máa kó jọ (síbẹ̀) bí?

26:40

Abu Rahimah Mikael AykyuniNítorí kí á lè tẹ̀lé àwọn òpìdán tí ó bá jẹ́ pé àwọn ni olùborí.”

26:41

Abu Rahimah Mikael AykyuniNígbà tí àwọn òpìdán dé, wọ́n wí fún Fir‘aon pé: “Ǹjẹ́ owó-ọ̀yà kan wà fún wa, tí ó bá jẹ́ pé àwa gan-an la jẹ́ olùborí?”

26:42

Abu Rahimah Mikael Aykyuni(Fir‘aon) wí pé: “Bẹ́ẹ̀ ni, dájúdájú nígbà náà ẹ máa wà nínú àwọn alásùn-únmọ́ (mi).”

26:43

Abu Rahimah Mikael Aykyuni(Ànábì) Mūsā sọ fún wọn pé: “Ẹ ju ohun tí ẹ fẹ́ jù sílẹ̀.”

26:44

Abu Rahimah Mikael AykyuniWọ́n sì ju àwọn okùn wọn àti ọ̀pá wọn sílẹ̀. Wọ́n wí pé: “Pẹ̀lú ògo Fir‘aon, dájúdájú àwa, àwa ni olùborí.”

26:45

Abu Rahimah Mikael AykyuniNígbà náà, (Ànábì) Mūsā ju ọ̀pá rẹ̀ sílẹ̀. Ó sì ń gbé ohun tí wọ́n pa nírọ́ kalẹ̀ mì kálókáló.

26:46

Abu Rahimah Mikael AykyuniNítorí náà, iṣẹ́ ìyanu (Ànábì Mūsā) mú àwọn òpìdán wó lulẹ̀, tí wọ́n forí kanlẹ̀ (fún Allāhu).

26:47

Abu Rahimah Mikael AykyuniWọ́n sọ pé: “A gbàgbọ́ nínú Olúwa gbogbo ẹ̀dá,

26:48

Abu Rahimah Mikael AykyuniOlúwa (Ànábì) Mūsā àti Hārūn.”

26:49

Abu Rahimah Mikael AykyuniFir‘aon wí pé: “Ẹ gbà Á gbọ́ ṣíwájú kí n̄g tó yọ̀ǹda fún yín! Dájúdájú òun ni àgbà yín tí ó kọ yín ní idán pípa. Láìpẹ́ ẹ̀ ń bọ̀ wá mọ̀. Dájúdájú mo máa gé ọwọ́ yín àti ẹsẹ̀ yín ní ìpasípayọ. Lẹ́yìn náà, dájúdájú mo máa kan gbogbo yín mọ́gi.”

26:50

Abu Rahimah Mikael Aykyuni(Àwọn òpìdán) sọ pé: “Kò sí ìnira fún wa! Dájúdájú àwa yó sì fàbọ̀ sí ọ̀dọ̀ Olúwa wa.

26:51

Abu Rahimah Mikael AykyuniDájúdájú àwa n retí pé Olúwa wa yóò ṣe àforíjìn àwọn àṣìṣe wa fún wa nítorí pé àwa jẹ́ ẹni àkọ́kọ́ (tí ó jẹ́) onígbàgbọ́ òdodo.”[1]

26:52

Abu Rahimah Mikael AykyuniA fi ìmísí ránṣẹ́ sí (Ànábì) Mūsā pé: “Mú àwọn ẹrúsìn Mi rìn ní òru (nítorí pé), dájúdájú wọn yóò lépa yín.”

26:53

Abu Rahimah Mikael AykyuniFir‘aon sì rán àwọn akónijọ sínú àwọn ìlú (láti sọ pé):

26:54

Abu Rahimah Mikael Aykyuni“Dájúdájú àwọn (ọmọ ’Isrọ̄’īl) wọ̀nyí, ìjọ péréte díẹ̀ ni wọ́n.

26:55

Abu Rahimah Mikael AykyuniÀti pé dájúdájú wọ́n ti ṣe ohun tó ń bí wa nínú.

26:56

Abu Rahimah Mikael AykyuniDájúdájú gbogbo wa ni kí á sì wà tìfura-tìfura.”

26:57

Abu Rahimah Mikael AykyuniNítorí náà, A mú (ìjọ Fir‘aon) jáde kúrò nínú àwọn ọgbà oko àti ìṣẹ́lẹ̀rú omi,

26:58

Abu Rahimah Mikael Aykyuniàti àwọn ilé ọrọ̀ àti ibùjókòó àpọ́nlé.

26:59

Abu Rahimah Mikael AykyuniBáyẹn (lọ̀rọ̀ rí). A sì jogún rẹ̀ fún àwọn ọmọ ’Isrọ̄’īl.

26:60

Abu Rahimah Mikael AykyuniWọ́n sì lépa wọn ní àsìkò tí òòrùn yọ.

26:61

Abu Rahimah Mikael AykyuniNígbà tí ìjọ méjèèjì ríra wọn, àwọn ìjọ (Ànábì) Mūsā sọ pé: “Dájúdájú wọn yóò lé wa bá.”

26:62

Abu Rahimah Mikael Aykyuni(Ànábì) Mūsā sọ pé: “Rárá, dájúdájú Olúwa mi ń bẹ pẹ̀lú mi. Ó sì máa fi ọ̀nà mọ̀ mí.”

26:63

Abu Rahimah Mikael AykyuniA sì fi ìmísí ránṣẹ́ sí (Ànábì) Mūsā pé: “Fi ọ̀pá rẹ na agbami òkun.” (Ó fi nà án). Ó sì pín (sí ọ̀tọ̀ọ̀tọ̀).[1] Ìpín kọ̀ọ̀kan sì dà bí àpáta ńlá.

26:64

Abu Rahimah Mikael AykyuniA sì mú ìjọ kejì (ìyẹn, ìjọ Fir‘aon) súnmọ́ ibẹ̀ yẹn.

26:65

Abu Rahimah Mikael AykyuniA gba (Ànábì) Mūsā àti gbogbo àwọn tó ń bẹ pẹ̀lú rẹ̀ là pátápátá.

26:66

Abu Rahimah Mikael AykyuniLẹ́yìn náà, A tẹ ìjọ kejì rì (sínú agbami).

26:67

Abu Rahimah Mikael AykyuniDájúdájú àmì wà nínú ìyẹn. Síbẹ̀síbẹ̀ ọ̀pọ̀lọ́pọ̀ wọn kò jẹ́ onígbàgbọ́ òdodo.

26:68

Abu Rahimah Mikael AykyuniDájúdájú Olúwa rẹ, Òun mà ni Alágbára, Àṣàkẹ́-ọ̀run.

26:69

Abu Rahimah Mikael AykyuniKa ìtàn (Ànábì) ’Ibrọ̄hīm fún wọn.

26:70

Abu Rahimah Mikael AykyuniNígbà tí ó sọ fún bàbá rẹ̀ àti àwọn ènìyàn rẹ̀ pé: “Kí ni n̄ǹkan tí ẹ̀ ń jọ́sìn fún ná?”

26:71

Abu Rahimah Mikael AykyuniWọ́n wí pé: “À ń jọ́sìn fún àwọn ère òrìṣà kan ni. A ò sì níí yé takú tì wọ́n lọ́rùn.”

26:72

Abu Rahimah Mikael Aykyuni(Ànábì ’Ibrọ̄hīm) sọ pé: “Ǹjẹ́ wọ́n ń gbọ́ ọ̀rọ̀ yín nígbà tí ẹ bá ń pè wọ́n?

26:73

Abu Rahimah Mikael AykyuniTàbí (ṣé) wọ́n lè ṣe yín ní àǹfààní tàbí wọ́n lè fi ìnira kàn yín?”

26:74

Abu Rahimah Mikael AykyuniWọ́n wí pé: “Rárá o! A bá àwọn bàbá wa tí wọ́n ń ṣe bẹ́ẹ̀ ni”

26:75

Abu Rahimah Mikael Aykyuni(Ànábì ’Ibrọ̄hīm) sọ pé: “ Ẹ sọ fún mi, kí ni n̄ǹkan tí ẹ̀ ń jọ́sìn fún,

26:76

Abu Rahimah Mikael Aykyuniẹ̀yin àti àwọn bàbá yín àwọn ẹni ìṣáájú?

26:77

Abu Rahimah Mikael AykyuniDájúdájú àwọn ni ọ̀tá fún mi àyàfi Olúwa gbogbo ẹ̀dá.

26:78

Abu Rahimah Mikael Aykyuni(Òun ni) Ẹni tí Ó ṣẹ̀dá mi. Nítorí náà, Ó máa fi ọ̀nà mọ̀ mí;

26:79

Abu Rahimah Mikael AykyuniẸni tó ń fún mi ní jíjẹ, tó ń fún mi ní mímu;

26:80

Abu Rahimah Mikael AykyuniÀti pé nígbà tí ara mi kò bá yá, Òun l’Ó ń wò mí sàn;

26:81

Abu Rahimah Mikael AykyuniẸni tí Ó máa pa mí, lẹ́yìn náà, Ó máa sọ mí di alààyè;

26:82

Abu Rahimah Mikael AykyuniẸni tí mo ní ìrètí sí pé Ó máa forí àwọn àṣìṣe mi jìn mí ní Ọjọ́ Ẹ̀san.

26:83

Abu Rahimah Mikael AykyuniOlúwa mi, ta mí ní ọrẹ ipò Ànábì. Dà mí pọ̀ mọ́ àwọn ẹni rere.

26:84

Abu Rahimah Mikael AykyuniFi òdodo sórí ahọ́n àwọn tó ń bọ̀ lẹ́yìn mi nìpa mi (ìyẹn ni pé, jẹ́ kí àwọn tó ń bọ̀ lẹ́yìn mi máa sọ̀rọ̀ mi ní dáadáa).[1]

26:85

Abu Rahimah Mikael AykyuniṢe mí ní ọ̀kan nínú àwọn olùjogún Ọgbà Ìdẹ̀ra.

26:86

Abu Rahimah Mikael AykyuniKí O sì foríjin bàbá mi. Dájúdájú ó jẹ́ ọ̀kan nínú àwọn olùṣìnà.

26:87

Abu Rahimah Mikael AykyuniMá ṣe dójú tì mí ní ọjọ́ tí wọn yóò gbé ẹ̀dá dìde.

26:88

Abu Rahimah Mikael AykyuniỌjọ́ tí dúkìá kan tàbí àwọn ọmọ kò níí ṣàǹfààní.

26:89

Abu Rahimah Mikael AykyuniÀyàfi ẹni tí ó bá dé ọ̀dọ̀ Allāhu pẹ̀lú ọkàn mímọ́.”[1]

26:90

Abu Rahimah Mikael AykyuniA máa mú Ọgbà Ìdẹ̀ra súnmọ́ àwọn olùbẹ̀rù (Allāhu).

26:91

Abu Rahimah Mikael AykyuniWọ́n sì máa fi iná Jẹhīm han àwọn olùṣìnà,

26:92

Abu Rahimah Mikael Aykyuniwọn yó sì sọ fún wọn pé: “Níbo ni n̄ǹkan tí ẹ̀ ń jọ́sìn fún wà?”

26:93

Abu Rahimah Mikael Aykyuni(N̄ǹkan tí ẹ̀ ń jọ́sìn fún) lẹ́yìn Allāhu, ṣé wọ́n lè ràn yín lọ́wọ́ tàbí ṣé wọ́n lè ran ara wọn lọ́wọ́?

26:94

Abu Rahimah Mikael AykyuniWọ́n sì máa taari gbogbo wọn ṣubú sínú Iná; àwọn (olùṣìnà) àti àwọn ọ̀gá wọn (nínú ìṣìnà),

26:95

Abu Rahimah Mikael Aykyuniàti àwọn ọmọ ogun ’Iblīs pátápátá.

26:96

Abu Rahimah Mikael Aykyuni(Àwọn aláìgbàgbọ́), nígbà tí wọ́n bá ń bá ara wọn jiyàn nínú Iná, wọ́n á wí pé:

26:97

Abu Rahimah Mikael Aykyuni“A fi Allāhu búra, dájúdájú àwa kúkú ti wà nínú ìṣìnà pọ́nńbélé

26:98

Abu Rahimah Mikael Aykyuninígbà tí a fi yín ṣe akẹgbẹ́ Olúwa gbogbo ẹ̀dá.

26:99

Abu Rahimah Mikael AykyuniKò sí ohun tí ó ṣì wá lọ́nà bí kò ṣe àwọn (aṣ-ṣaetọ̄n) ẹlẹ́ṣẹ̀.

26:100

Abu Rahimah Mikael AykyuniKò sì sí àwọn olùṣìpẹ̀ kan fún wa mọ́.

26:101

Abu Rahimah Mikael AykyuniKò tún sí ọ̀rẹ́ ìmùlẹ̀ kan (fún wa.)

26:102

Abu Rahimah Mikael AykyuniTí ó bá jẹ́ pé ìpadà sí ilé ayé wà fún wa ni, nígbà náà àwa ìbá wà nínú àwọn onígbàgbọ́ òdodo.”

26:103

Abu Rahimah Mikael AykyuniDájúdájú àmì wà nínú ìyẹn. Síbẹ̀síbẹ̀ ọ̀pọ̀lọ́pọ̀ wọn ni kò sì jẹ́ onígbàgbọ́ òdodo.

26:104

Abu Rahimah Mikael AykyuniDájúdájú Olúwa rẹ, Òun mà ni Alágbára, Àṣàkẹ́-ọ̀run.

26:105

Abu Rahimah Mikael AykyuniÌjọ (Ànábì) Nūh pe àwọn Òjíṣẹ́ ní òpùrọ́.

26:106

Abu Rahimah Mikael AykyuniNígbà tí arákùnrin wọn, (Ànábì) Nūh, sọ pé: “Ṣé ẹ kò níí bẹ̀rù (Allāhu) ni?

26:107

Abu Rahimah Mikael AykyuniDájúdájú èmi ni Òjíṣẹ́ olùfọkàntán fún yín.

26:108

Abu Rahimah Mikael AykyuniNítorí náà, ẹ bẹ̀rù Allāhu, kí ẹ sì tẹ̀lé mi.

26:109

Abu Rahimah Mikael AykyuniÈmi kò sì bèèrè owó-ọ̀yà kan ní ọwọ́ yín lórí rẹ̀. Kò sí ẹ̀san mi lọ́dọ̀ ẹnì kan àfi lọ́dọ̀ Olúwa gbogbo ẹ̀dá.

26:110

Abu Rahimah Mikael AykyuniNítorí náà, ẹ bẹ̀rù Allāhu, kí ẹ sì tẹ̀lé mi.”

26:111

Abu Rahimah Mikael AykyuniWọ́n wí pé: “Ṣé kí á gbà ọ́ gbọ́ nígbà tí ó jẹ́ pé àwọn ènìyàn yẹpẹrẹ l’ó ń tẹ̀lé ọ!?”

26:112

Abu Rahimah Mikael AykyuniÓ sọ pé: “Èmi kò nímọ̀ sí ohun tí wọ́n ń ṣe (lẹ́yìn mi).

26:113

Abu Rahimah Mikael AykyuniKò sí ìṣírò-iṣẹ́ wọn lọ́dọ̀ ẹnì kan bí kò ṣe lọ́dọ̀ Olúwa mi, tí ó bá jẹ́ pé ẹ bá fura.

26:114

Abu Rahimah Mikael AykyuniÈmi kò sì níí lé àwọn onígbàgbọ́ òdodo dànù.

26:115

Abu Rahimah Mikael AykyuniÈmi kò sì jẹ́ kiní kan bí kò ṣe olùkìlọ̀ pọ́nńbélé.”

26:116

Abu Rahimah Mikael AykyuniWọ́n wí pé: “Dájúdájú tí ìwọ Nūh kò bá jáwọ́ (nibí ìpèpè rẹ) dájúdájú o máa wà nínú àwọn tí a máa jù lókò.”

26:117

Abu Rahimah Mikael AykyuniÓ sọ pé: “Olúwa mi, dájúdájú àwọn ènìyàn mi ti pè mí ní òpùrọ́.

26:118

Abu Rahimah Mikael AykyuniNítorí náà, ṣèdájọ́ tààrà láààrin èmi àti àwọn. Kí o sì la èmi àti àwọn tó wà pẹ̀lú mi nínú àwọn onígbàgbọ́ òdodo.”

26:119

Abu Rahimah Mikael AykyuniA la òun àti àwọn tó wà pẹ̀lú rẹ̀ nínú ọkọ̀ ojú-omi tó kún kẹ́kẹ́.

26:120

Abu Rahimah Mikael AykyuniLẹ́yìn náà, A tẹ àwọn tó ṣẹ́kù lẹ́yìn wọn rì sínú omi.

26:121

Abu Rahimah Mikael AykyuniDájúdájú àmì wà nínú ìyẹn. Ọ̀pọ̀lọ́pọ̀ wọn ni kò sì jẹ́ onígbàgbọ́ òdodo.

26:122

Abu Rahimah Mikael AykyuniDájúdájú Olúwa rẹ, Òun mà ni Alágbára, Àṣàkẹ́-ọ̀run.

26:123

Abu Rahimah Mikael AykyuniÀwọn ìran ‘Ād pe àwọn Òjíṣẹ́ ní òpùrọ́.

26:124

Abu Rahimah Mikael AykyuniNígbà tí arákùnrin wọn, (Ànábì) Hūd sọ fún wọn pé: “Ṣé ẹ kò níí bẹ̀rù (Allāhu) ni?

26:125

Abu Rahimah Mikael AykyuniDájúdájú èmi ni Òjíṣẹ́ olùfọkàntán fún yín.

26:126

Abu Rahimah Mikael AykyuniNítorí náà, ẹ bẹ̀rù Allāhu, kí ẹ sì tẹ̀lé mi.

26:127

Abu Rahimah Mikael AykyuniÈmi kò sì bèèrè owó-ọ̀yà kan ní ọwọ́ yín lórí rẹ̀. Kò sí ẹ̀san mi lọ́dọ̀ ẹnì kan àfi lọ́dọ̀ Olúwa gbogbo ẹ̀dá.

26:128

Abu Rahimah Mikael AykyuniṢé ẹ óò máa kọ́ ilé ńlá ńlá sí àwọn àyè gíga (kí ẹ lè) máa fi àwọn olùrékọjá ṣẹ̀fẹ̀?

26:129

Abu Rahimah Mikael AykyuniẸ sì ń kọ́ àwọn ilé ńlá ńlá bí ẹni pé ẹ máa ṣe gbére (nílé ayé yìí).

26:130

Abu Rahimah Mikael AykyuniNígbà tí ẹ bá sì gbá (ènìyàn mú láti fìyà jẹ wọ́n), ẹ̀ ń gbá wọn mú ní ìgbámú aláìlójú-àánú.

26:131

Abu Rahimah Mikael AykyuniNítorí náà, ẹ bẹ̀rù Allāhu, kí ẹ sì tẹ̀lé mi.

26:132

Abu Rahimah Mikael AykyuniẸ bẹ̀rù Ẹni tí Ó ràn yín lọ́wọ́ pẹ̀lú ohun tí ẹ mọ̀;

26:133

Abu Rahimah Mikael AykyuniÓ ràn yín lọ́wọ́ pẹ̀lú àwọn ẹran-ọ̀sìn àti àwọn ọmọ,

26:134

Abu Rahimah Mikael Aykyuniàti àwọn ọgbà oko pẹ̀lú àwọn ìṣẹ́lẹ̀rú omi.

26:135

Abu Rahimah Mikael AykyuniDájúdájú èmi ń páyà ìyà ọjọ́ ńlá fún yín.”

26:136

Abu Rahimah Mikael AykyuniWọ́n wí pé: “Bákan náà ni fún wa; yálà o ṣe wáàsí fún wa tàbí o ò sí nínú àwọn oníwáàsí.”

26:137

Abu Rahimah Mikael Aykyuni- Èyí kò jẹ́ kiní kan bí kò ṣe ìwà àwọn ẹni àkọ́kọ́.[1] –

26:138

Abu Rahimah Mikael AykyuniWọn kò sì níí jẹ wá níyà.”

26:139

Abu Rahimah Mikael AykyuniNítorí náà, wọ́n pè é ní òpùrọ́. A sì pa wọ́n run. Dájúdájú àmì wà nínú ìyẹn. Ọ̀pọ̀lọ́pọ̀ wọn ni kò sì jẹ́ onígbàgbọ́ òdodo.

26:140

Abu Rahimah Mikael AykyuniDájúdájú Olúwa rẹ, Òun mà ni Alágbára, Àṣàkẹ́-ọ̀run.

26:141

Abu Rahimah Mikael AykyuniÀwọn ìran Thamūd pe àwọn Òjíṣẹ́ ní òpùrọ́.

26:142

Abu Rahimah Mikael AykyuniNígbà tí arákùnrin wọn, (Ànábì) Sọ̄lih, sọ fún wọn pé: “Ṣé ẹ kò níí bẹ̀rù (Allāhu) ni?

26:143

Abu Rahimah Mikael AykyuniDájúdájú emi ni Òjíṣẹ́ olùfọkàntán fún yín.

26:144

Abu Rahimah Mikael AykyuniNítorí náà, ẹ bẹ̀rù Allāhu, kí ẹ sì tẹ̀lé mi.

26:145

Abu Rahimah Mikael AykyuniÈmi kò sì bèèrè owó-ọ̀yà kan ní ọwọ́ yín lórí rẹ̀. Kò sí ẹ̀san mi lọ́dọ̀ ẹnì kan àfi lọ́dọ̀ Olúwa gbogbo ẹ̀dá.

26:146

Abu Rahimah Mikael AykyuniṢé kí wọ́n fi yín sílẹ̀ síbi n̄ǹkan tí ó wà (nílé ayé) níbí yìí (nínú ìgbádùn ayé, kí ẹ jẹ́) olùfọkànbalẹ̀

26:147

Abu Rahimah Mikael Aykyuninínú àwọn ọgbà oko àti ìṣẹ́lẹ̀rú omi.

26:148

Abu Rahimah Mikael Aykyuniàti oko irúgbìn pẹ̀lú igi dàbínù tí àwọn èso wọn ti gbó?

26:149

Abu Rahimah Mikael AykyuniẸ sì ń gbẹ́ àwọn ilé sínú àwọn àpáta (gẹ́gẹ́ bí) akọ́ṣẹ́-mọṣẹ́ olùgbéraga!

26:150

Abu Rahimah Mikael AykyuniNítorí náà, ẹ bẹ̀rù Allāhu, kí ẹ sì tẹ̀lé mi.

26:151

Abu Rahimah Mikael AykyuniKí ẹ sì má ṣe tẹ̀lé àṣẹ àwọn alákọyọ (aláṣejù),

26:152

Abu Rahimah Mikael Aykyuniàwọn tó ń ṣèbàjẹ́ lórí ilẹ̀, tí wọn kò sì ṣe rere.”

26:153

Abu Rahimah Mikael AykyuniWọ́n wí pé: “Ìwọ kúkú wà nínú àwọn eléèdì.

26:154

Abu Rahimah Mikael AykyuniÌwọ kò sì jẹ́ kiní kan bí kò ṣe abara bí irú wa. Nítorí náà, mú àmì kan wá tí o bá wà nínú àwọn olódodo.”

26:155

Abu Rahimah Mikael AykyuniÓ sọ pé: “Èyí ni abo ràkúnmí kan. Omi wà fún òhun, omi sì wà fún ẹ̀yin náà ní ọjọ́ tí a ti mọ̀ (ní ọ̀tọ̀ọ̀tọ̀).

26:156

Abu Rahimah Mikael AykyuniẸ má ṣe fi aburú kan kàn án nítorí kí ìyà ọjọ́ ńlá má baà jẹ yín.”

26:157

Abu Rahimah Mikael AykyuniWọ́n sì gún un pa. Nítorí náà, wọ́n sì di alábàámọ̀.

26:158

Abu Rahimah Mikael AykyuniÌyà náà jẹ wọ́n. Dájúdájú àmì wà nínú ìyẹn. Ọ̀pọ̀lọ́pọ̀ wọn ni kò sì jẹ́ onígbàgbọ́ òdodo.

26:159

Abu Rahimah Mikael AykyuniDájúdájú Olúwa rẹ, Òun mà ni Alágbára, Àṣàkẹ́-ọ̀run.

26:160

Abu Rahimah Mikael AykyuniÌjọ Lūt pe àwọn Òjíṣẹ́ ní òpùrọ́.

26:161

Abu Rahimah Mikael AykyuniNígbà tí arákùnrin wọn, (Ànábì) Lūt, sọ fún wọn pé: “Ṣé ẹ kò níí bẹ̀rù (Allāhu) ni?

26:162

Abu Rahimah Mikael AykyuniDájúdájú èmi ni Òjíṣẹ́ olùfọkàntán fún yín.

26:163

Abu Rahimah Mikael AykyuniNítorí náà, ẹ bẹ̀rù Allāhu, kí ẹ sì tẹ̀lé mi.

26:164

Abu Rahimah Mikael AykyuniÈmi kò sì bèèrè owó-ọ̀yà kan ní ọwọ́ yín lórí rẹ̀. Kò sí ẹ̀san mi lọ́dọ̀ ẹnì kan àfi lọ́dọ̀ Olúwa gbogbo ẹ̀dá.

26:165

Abu Rahimah Mikael AykyuniṢé àwọn ọkùnrin nínú ẹ̀dá ni ẹ̀yin ọkùnrin yóò lọ máa bá (fún adùn ìbálòpọ̀)?

26:166

Abu Rahimah Mikael AykyuniẸ sì ń pa ohun tí Olúwa yín dá fún yín tì nínú àwọn ìyàwó yín! Àní sẹ́, ìjọ alákọyọ ni ẹ̀yin.”

26:167

Abu Rahimah Mikael AykyuniWọ́n wí pé: “Tí ìwọ Lūt kò bá jáwọ́ (nibí ìpèpè rẹ) dájúdájú o máa wà nínú àwọn tí a máa lé jáde kúrò nínú ìlú.”

26:168

Abu Rahimah Mikael AykyuniÓ sọ pé: “Dájúdájú èmi wà nínú àwọn olùkórira sí iṣẹ́ (aburú) ọwọ́ yín.

26:169

Abu Rahimah Mikael AykyuniOlúwa mi, la èmi àti àwọn ènìyàn mi níbí ohun tí wọ́n ń ṣe níṣẹ́ (aburú).”

26:170

Abu Rahimah Mikael AykyuniNítorí náà, A la òun àti àwọn ènìyàn rẹ̀ pátápátá.

26:171

Abu Rahimah Mikael AykyuniÀfi arúgbóbìnrin kan tí ó wà nínú àwọn tó ṣẹ́ kù lẹ́yìn (láààrin àwọn tí A parẹ́).[1]

26:172

Abu Rahimah Mikael AykyuniLẹ́yìn náà, A pa àwọn yòókù run.

26:173

Abu Rahimah Mikael AykyuniA rọ òjò lé wọn lórí tààrà. Òjò àwọn tí A kìlọ̀ fún sì burú.

26:174

Abu Rahimah Mikael AykyuniDájúdájú àmì wà nínú ìyẹn. Ọ̀pọ̀lọ́pọ̀ wọn ni kò sì jẹ́ onígbàgbọ́ òdodo.

26:175

Abu Rahimah Mikael AykyuniDájúdájú Olúwa rẹ, Òun mà ni Alágbára, Àṣàkẹ́-ọ̀run.

26:176

Abu Rahimah Mikael AykyuniÀwọn ará ’Aekah pe àwọn Òjíṣẹ́ ní òpùrọ́.

26:177

Abu Rahimah Mikael AykyuniNígbà tí arákùnrin wọn, (Ànábì) Ṣu‘aeb, sọ fún wọn pé: “Ṣé ẹ̀yin kò níí bẹ̀rù (Allāhu) ni?

26:178

Abu Rahimah Mikael AykyuniDájúdájú èmi ni Òjíṣẹ́ olùfọkàntán fún yín.

26:179

Abu Rahimah Mikael AykyuniNítorí náà, ẹ bẹ̀rù Allāhu, kí ẹ sì tẹ̀lé mi.

26:180

Abu Rahimah Mikael AykyuniÈmi kò sì bèèrè owó-ọ̀yà kan ní ọwọ́ yín lórí rẹ̀. Kò sí ẹ̀san mi lọ́dọ̀ ẹnì kan àfi lọ́dọ̀ Olúwa gbogbo ẹ̀dá.

26:181

Abu Rahimah Mikael AykyuniẸ wọn òṣùwọ̀n kún. Kí ẹ sì má ṣe wà nínú àwọn tó ń dín òṣùwọ̀n kù.

26:182

Abu Rahimah Mikael AykyuniẸ fi ìwọ̀n tó tọ́[1] wọn n̄ǹkan.

26:183

Abu Rahimah Mikael AykyuniẸ má ṣe dín n̄ǹkan àwọn ènìyàn kù. Kí ẹ sì má ṣèbàjẹ́ sórí ilẹ̀.

26:184

Abu Rahimah Mikael AykyuniKí ẹ sì bẹ̀rù Ẹni tí Ó dá yín àti àwọn ẹ̀dá àkọ́kọ́.”

26:185

Abu Rahimah Mikael AykyuniWọ́n wí pé: “Ìwọ kúkú wà nínú àwọn eléèdì.

26:186

Abu Rahimah Mikael AykyuniÌwọ kò sì jẹ́ kiní kan bí kò ṣe abara bí irú wa. Àti pé a kò rò ọ́ sí kiní kan bí kò ṣe pé o wà nínú àwọn òpùrọ́.

26:187

Abu Rahimah Mikael AykyuniNítorí náà, jẹ́ kí apá kan nínú sánmọ̀ ya lù wá mọ́lẹ̀, tí o bá wà nínú àwọn olódodo.”

26:188

Abu Rahimah Mikael AykyuniÓ sọ pé: “Olúwa mi nímọ̀ jùlọ nípa ohun tí ẹ̀ ń ṣe níṣẹ́.

26:189

Abu Rahimah Mikael AykyuniWọ́n sì pè é ní òpùrọ́. Nítorí náà, ìyà ọjọ́ ẹ̀ṣújò sì jẹ wọ́n. Dájúdájú ó jẹ́ ìyà ọjọ́ ńlá.

26:190

Abu Rahimah Mikael AykyuniDájúdájú àmì wà nínú ìyẹn. Ọ̀pọ̀lọ́pọ̀ wọn ni kò sì jẹ́ onígbàgbọ́ òdodo.

26:191

Abu Rahimah Mikael AykyuniDájúdájú Olúwa rẹ, Òun mà ni Alágbára, Àṣàkẹ́-ọ̀run.

26:192

Abu Rahimah Mikael AykyuniDájúdájú al-Ƙur’ān, wọ́n sọ̀ ọ́ kalẹ̀ ni láti ọ̀dọ̀ Olúwa gbogbo ẹ̀dá.

26:193

Abu Rahimah Mikael AykyuniMọlāika Jibrīl, olùfọkàntán l’ó sọ̀ ọ́ kalẹ̀

26:194

Abu Rahimah Mikael Aykyunisínú ọkàn rẹ nítorí kí o lè wà nínú àwọn olùkìlọ̀

26:195

Abu Rahimah Mikael Aykyunipẹ̀lú èdè Lárúbáwá pọ́nńbélé.

26:196

Abu Rahimah Mikael AykyuniDájúdájú (ọ̀rọ̀ nípa rẹ̀) wà nínú ìpín-ìpín Tírà àwọn ẹni àkọ́kọ́.

26:197

Abu Rahimah Mikael AykyuniṢé kò jẹ́ àmì kan fún wọn pé àwọn onímọ̀ (nínú) àwọn ọmọ ’Isrọ̄’īl nímọ̀ (sí àsọọ́lẹ̀ nípa) rẹ̀ (nínú tírà ọwọ́ wọn)?[1]

26:198

Abu Rahimah Mikael AykyuniTí ó bá jẹ́ pé A sọ̀ ọ́ kalẹ̀ fún apá kan àwọn elédè mìíràn ni,

26:199

Abu Rahimah Mikael Aykyunití ó sì ké e fún wọn, wọn kò níí gbà á gbọ́ ní òdodo.

26:200

Abu Rahimah Mikael AykyuniBáyẹn ni A ṣe mú (àtakò) wọ inú ọkàn àwọn ẹlẹ́ṣẹ̀.

26:201

Abu Rahimah Mikael AykyuniWọn kò níí gbà á gbọ́ ní òdodo títí wọn yóò fi rí ìyà ẹlẹ́ta-eléro.

26:202

Abu Rahimah Mikael Aykyuni(Ìyà náà) yóò dé bá wọn ní òjijì; wọn kò sì níí fura.

26:203

Abu Rahimah Mikael AykyuniNígbà náà ni wọn yóò wí pé: “Ǹjẹ́ wọ́n lè lọ́ wa lára bí?”

26:204

Abu Rahimah Mikael AykyuniṢé ìyà Wa ni wọ́n ń wá pẹ̀lú ìkánjú?[1]

26:205

Abu Rahimah Mikael AykyuniSọ fún Mi tí A bá fún wọn ní ìgbádùn ayé fún ọdún gbọọrọ!

26:206

Abu Rahimah Mikael AykyuniLẹ́yìn náà, kí ohun tí À ń ṣe ní ìlérí fún wọn dé bá wọn.

26:207

Abu Rahimah Mikael AykyuniOhun tí A ṣe ní ìgbádùn fún wọn kò sì níí rọ̀ wọ́n lọ́rọ̀.

26:208

Abu Rahimah Mikael AykyuniA ò sì pa ìlú kan run àfi kí wọ́n ti ní àwọn olùkìlọ̀.

26:209

Abu Rahimah Mikael AykyuniÌrántí (dé fún wọn sẹ́). Àti pé Àwa kì í ṣe alábòsí.

26:210

Abu Rahimah Mikael AykyuniKì í ṣe àwọn aṣ-ṣaetọ̄n ni wọ́n sọ (al-Ƙur’ān) kalẹ̀.

26:211

Abu Rahimah Mikael AykyuniKò yẹ fún wọn. Wọn kò sì lágbára rẹ̀.

26:212

Abu Rahimah Mikael AykyuniDájúdájú A ti mú wọn takété sí gbígbọ́ rẹ̀ (láti ojú sánmọ̀).

26:213

Abu Rahimah Mikael AykyuniNítorí náà, má ṣe pe ọlọ́hun mìíràn mọ́ Allāhu, nítorí kí ìwọ má baà wà nínú àwọn tí A máa jẹ níyà.

26:214

Abu Rahimah Mikael AykyuniKí o sì kìlọ̀ fún àwọn ẹbí rẹ tó súnmọ́ jùlọ.

26:215

Abu Rahimah Mikael AykyuniKí o sì rẹ apá rẹ nílẹ̀ fún àwọn tó tẹ̀lé ọ nínú àwọn onígbàgbọ́ òdodo.

26:216

Abu Rahimah Mikael AykyuniTí wọ́n bá sì yapa (àṣẹ) rẹ, sọ pé: “Dájúdájú èmi yọwọ́ yọsẹ̀ nínú ohun tí ẹ̀ ń ṣe (níṣẹ́ aburú).”

26:217

Abu Rahimah Mikael AykyuniKí o sì gbáralé Alágbára, Àṣàkẹ́-ọ̀run;

26:218

Abu Rahimah Mikael AykyuniẸni tó ń rí ọ nígbà tí ò ń dìde nàró (fún ìrun kíkí)

26:219

Abu Rahimah Mikael Aykyuniàti ìyírapadà rẹ (fún rukuu àti ìforíkanlẹ̀) láààrin àwọn olùforíkanlẹ̀.

26:220

Abu Rahimah Mikael AykyuniDájúdájú Òun mà ni Olùgbọ́, Onímọ̀.

26:221

Abu Rahimah Mikael AykyuniṢé kí n̄g sọ ẹni tí àwọn aṣ-ṣaetọ̄n ń sọ̀kalẹ̀ wá bá fún yín?

26:222

Abu Rahimah Mikael AykyuniWọ́n ń sọ̀kalẹ̀ wá bá gbogbo àwọn òpùrọ́, ẹlẹ́ṣẹ̀.

26:223

Abu Rahimah Mikael Aykyuni(Àwọn aṣ-ṣaetọ̄n) ń dẹtí (sí ìró sánmọ̀). Ọ̀pọ̀lọ́pọ̀ wọn sì ni òpùrọ́.

26:224

Abu Rahimah Mikael AykyuniÀwọn eléwì, àwọn olùṣìnà l’ó ń tẹ̀lé wọn.

26:225

Abu Rahimah Mikael AykyuniṢé o ò rí i pé gbogbo ọ̀gbun ọ̀rọ̀ ni wọ́n ń tẹnu bọ̀ ni?

26:226

Abu Rahimah Mikael AykyuniÀti pé dájúdájú wọ́n ń sọ ohun tí wọn kò níí ṣe.

26:227

Abu Rahimah Mikael AykyuniÀfi àwọn tó gbàgbọ́ ní òdodo, tí wọ́n ṣe iṣẹ́ rere, tí wọ́n rántí Allāhu ní ọ̀pọ̀lọ́pọ̀, tí wọ́n sì jàjà gbara lẹ́yìn tí wọ́n ti ṣàbòsí sí wọn. Àwọn tó ṣàbòsí sì máa mọ irú ìkángun tí wọ́n máa gúnlẹ̀ sí.