Sūrah As-Saffat (37) — ọ̀rọ̀ sí ọ̀rọ̀, gbòǹgbò àti ìtúmọ̀

37:1

Abu Rahimah Mikael AykyuniAllāhu fi àwọn mọlāika tí ó ń tò ní ọ̀wọ̀ọ̀wọ́ búra.

37:2

Abu Rahimah Mikael AykyuniAllāhu tún fi àwọn mọlāika tó ń wọ́ ẹ̀ṣújò kiri tààrà bura.

37:3

Abu Rahimah Mikael AykyuniAllāhu tún fi àwọn mọlāika tó ń ka ìrántí bura.

37:4

Abu Rahimah Mikael AykyuniDájúdájú ọ̀kan ṣoṣo ni Ọlọ́hun yín tí ẹ gbọ́dọ̀ jọ́sìn fún ní ọ̀nà òdodo.

37:5

Abu Rahimah Mikael AykyuniOlúwa àwọn sánmọ̀ àti ilẹ̀ àti ohunkóhun tí ń bẹ láààrin àwọn méjèèjì. Òun sì ni Olúwa àwọn ibùyọ òòrùn.

37:6

Abu Rahimah Mikael AykyuniDájúdájú Àwa fi àwọn ìràwọ̀ ṣe sánmọ̀ ilé ayé ní ọ̀ṣọ́

37:7

Abu Rahimah Mikael Aykyuniàti ìṣọ́ kúrò níbi (aburú) gbogbo aṣ-Ṣaetọ̄n olóríkunkun.

37:8

Abu Rahimah Mikael Aykyuni(Àwọn aṣ-Ṣaetọ̄n) kò sì níí lè tẹ́tí sí ìjọ (mọlāika tó wà ní) àyè gíga jùlọ (nínú sánmọ̀. Bí wọ́n bá sì gbìyànjú láti yọ́ ọ̀rọ̀ gbọ́ láti sánmọ̀, àwọn mọlāika) yó sì máa kù wọ́n lókò (ẹ̀ta ìràwọ̀) ní gbogbo agbègbè (sánmọ̀).

37:9

Abu Rahimah Mikael AykyuniWọ́n máa lé wọn dànù. Ìyà àìlópin sì wà fún wọn.

37:10

Abu Rahimah Mikael Aykyuni(Wọn kò níí gbọ́ ọ̀rọ̀ ní ẹ̀kúnrẹ́rẹ́) àyàfi ẹni tí ó bá rí ọ̀rọ̀ àjígbọ́ gbé, nígbà náà (ni mọlāika) yó sì fi ẹ̀ta ìràwọ̀ iná tó máa jó o tẹ̀lé e.[1]

37:11

Abu Rahimah Mikael AykyuniBi wọ́n léèrè wò pé, ṣé àwọn (ènìyàn) ni ìṣẹ̀dá wọn lágbára jùlọ ni tàbí àwọn (n̄ǹkan mìíràn)[1] tí A dá? Dájúdájú Àwa dá àwọn (ènìyàn) láti ara ẹrẹ̀ tó lẹ̀ mọ́ra wọn.

37:12

Abu Rahimah Mikael AykyuniRárá (kò jọra wọn); ìwọ ṣèèmọ̀ (nípa al-Ƙur’ān), àwọn sì ń ṣe yẹ̀yẹ́.

37:13

Abu Rahimah Mikael AykyuniÀti pé nígbà tí wọ́n bá ṣe ìrántí fún wọn, wọn kò níí lo ìrántí.

37:14

Abu Rahimah Mikael AykyuniNígbà tí wọ́n bá tún rí àmì kan, wọn yóò máa ṣe yẹ̀yẹ́.

37:15

Abu Rahimah Mikael AykyuniWọ́n sì wí pé: “Èyí kò jẹ́ kiní kan bí kò ṣe idán pọ́nńbélé.

37:16

Abu Rahimah Mikael AykyuniṢé nígbà tí a bá kú tán, tí a ti di erùpẹ̀ àti egungun, ṣé dájúdájú Wọn yóò tún gbé wa dìde ni?

37:17

Abu Rahimah Mikael AykyuniṢé àti àwọn bàbá wa, àwọn ẹni àkọ́kọ́?”

37:18

Abu Rahimah Mikael AykyuniSọ pé: “Bẹ́ẹ̀ ni. Ẹ̀yin yó sì di ẹni yẹpẹrẹ.”

37:19

Abu Rahimah Mikael AykyuniNítorí náà, igbe ẹyọ kan mà ni. Nígbà náà ni wọn yóò máa wò sùn.

37:20

Abu Rahimah Mikael AykyuniWọ́n á wí pé: “Ègbé wa ò! Èyí ni Ọjọ́ ẹ̀san.”

37:21

Abu Rahimah Mikael AykyuniÈyí ni ọjọ́ Ìdájọ́ èyí tí ẹ̀ ń pè ní irọ́.

37:22

Abu Rahimah Mikael AykyuniẸ kó àwọn tó ṣàbòsí jọ, àwọn ìyàwó wọn àti ohun tí wọ́n ń jọ́sìn fún

37:23

Abu Rahimah Mikael Aykyunilẹ́yìn Allāhu. Kí ẹ sì júwe wọn sí ojú ọ̀nà iná Jẹhīm.

37:24

Abu Rahimah Mikael AykyuniẸ dá wọn dúró ná, dájúdájú wọ́n máa bi wọ́n léèrè ìbéèrè.

37:25

Abu Rahimah Mikael AykyuniKí ni kò jẹ́ kí ẹ ran ara yín lọ́wọ́?

37:26

Abu Rahimah Mikael AykyuniRárá, wọ́n ti juwọ́ jusẹ̀ sílẹ̀ ní òní ni.

37:27

Abu Rahimah Mikael AykyuniApá kan wọn yóò dojú kọ apá kan, tí wọn yóò máa bi ara wọn léèrè ìbéèrè.[1]

37:28

Abu Rahimah Mikael Aykyuni(Àwọn ènìyàn) wí pé: “Dájúdájú ẹ̀yin l’ẹ̀ ń gba ọ̀tún wọlé sí wa lára (láti ṣì wá lọ́nà).”[1]

37:29

Abu Rahimah Mikael Aykyuni(Àwọn àlùjànnú) wí pé: “Rárá o (àwa kọ́), ẹ̀yin ni ẹ kò jẹ́ onígbàgbọ́ òdodo.

37:30

Abu Rahimah Mikael AykyuniÀti pé àwa kò ní agbára kan lórí yín, ṣùgbọ́n ẹ̀yin jẹ́ ìjọ olùtayọ-ẹnu ààlà.

37:31

Abu Rahimah Mikael AykyuniỌ̀rọ̀ Olúwa wa sì kò lé wa lórí pé dájúdájú àwa yóò tọ́ Iná wò.

37:32

Abu Rahimah Mikael AykyuniNítorí náà, a ṣì yín lọ́nà. Dájúdájú àwa náà sì jẹ́ olùṣìnà.”

37:33

Abu Rahimah Mikael AykyuniDájúdájú ní ọjọ́ yẹn, akẹgbẹ́ ni wọ́n nínú Ìyà. (Wọ́n dìjọ máa wà nínú Iná.)

37:34

Abu Rahimah Mikael AykyuniDájúdájú báyẹn ni Àwa yóò ti ṣe pẹ̀lú àwọn ẹlẹ́ṣẹ̀.

37:35

Abu Rahimah Mikael AykyuniDájúdájú nígbà tí wọ́n bá sọ fún wọn pé “Kò sí ọlọ́hun kan tí a gbọ́dọ̀ jọ́sìn fún ní ọ̀nà òdodo àyàfi Allāhu.”, wọn yóò máa ṣègbéraga.

37:36

Abu Rahimah Mikael AykyuniWọ́n sì ń wí pé: “Ṣé a máa fi àwọn òrìṣà wa sílẹ̀ nítorí eléwì wèrè kan?”

37:37

Abu Rahimah Mikael AykyuniKò rí bẹ́ẹ̀. Ó mú òdodo wá ni. Ó sì ń jẹ́rìí sí òdodo àwọn Òjíṣẹ́ náà.

37:38

Abu Rahimah Mikael AykyuniDájúdájú ẹ máa tọ́ ìyà ẹlẹ́ta-eléro wò.

37:39

Abu Rahimah Mikael AykyuniA kò níí san yín ní ẹ̀san kan àfi ohun tí ẹ̀ ń ṣe níṣẹ́.

37:40

Abu Rahimah Mikael AykyuniÀfi àwọn ẹrúsìn Allāhu, àwọn tí A ṣà lẹ́ṣà (fún ìgbàgbọ́ òdodo).

37:41

Abu Rahimah Mikael AykyuniTi àwọn wọ̀nyẹn sì ni arísìkí tí wọ́n ti mọ̀;

37:42

Abu Rahimah Mikael Aykyuniàwọn èso. Àwọn sì ni alápọ̀n-ọ́nlé

37:43

Abu Rahimah Mikael Aykyuninínú àwọn Ọgbà Ìdẹ̀ra.

37:44

Abu Rahimah Mikael AykyuniLórí àwọn ìtẹ́ ni wọn yóò ti kọjú síra wọn.

37:45

Abu Rahimah Mikael AykyuniWọn yóò máa gbé ife ọtí mímọ́ láti inú odò kan tó ń ṣàn káà kiri ọ̀dọ̀ wọn.

37:46

Abu Rahimah Mikael AykyuniFunfun ni (ọtí náà). Ó ń dùn lẹ́nu àwọn tó máa mu ún.

37:47

Abu Rahimah Mikael AykyuniKò sí ìpalára kan fún wọn nínú rẹ̀, wọn kò sì níí hunrírà lórí rẹ̀.

37:48

Abu Rahimah Mikael AykyuniÀwọn obìnrin tí kì í wo ẹlòmíìràn, àwọn ẹlẹ́yinjú ẹgẹ́ yó sì wà lọ́dọ̀ wọn.

37:49

Abu Rahimah Mikael AykyuniWọ́n dà bí ẹyin tí wọn kò ì bó èèpo rẹ̀ kúrò lára rẹ̀.[1]

37:50

Abu Rahimah Mikael AykyuniApá kan wọn yóò dojú kọ apá kan, tí wọn yóò máa bira wọn léèrè ìbéèrè.

37:51

Abu Rahimah Mikael AykyuniÒǹsọ̀rọ̀ kan nínú wọn yóò sọ pé: "Dájúdájú èmi ní ọ̀rẹ́ kan

37:52

Abu Rahimah Mikael Aykyunití ó ń wí pé, “Ṣé dájúdájú ìwọ wà nínú àwọn onígbàgbọ́ nínú Ọjọ́ Àjíǹde?

37:53

Abu Rahimah Mikael AykyuniṢé nígbà tí a bá kú tán, tí a ti di erùpẹ̀ àti egungun, ṣé dájúdájú Wọn yóò san wá ní ẹ̀san ni?”

37:54

Abu Rahimah Mikael AykyuniÓ sọ pé: "Ṣé ẹ̀yin yóò yọjú wo (ẹni náà tí kò gbàgbọ́ nínú Ọjọ́ àjíǹde)?”

37:55

Abu Rahimah Mikael AykyuniÓ yọjú wò ó. Ó sì rí i láààrin gbùngbùn nínú iná Jẹhīm.

37:56

Abu Rahimah Mikael AykyuniÓ (sì) sọ pé: “Mó fi Allāhu búra, ìwọ fẹ́ẹ̀ kó ìparun bá mi tán.

37:57

Abu Rahimah Mikael AykyuniÀti pé tí kì í bá ṣe ìdẹ̀ra Olúwa mi ni, èmi náà ìbá wà nínú ẹni tí wọ́n máa mú wá sínú Iná.

37:58

Abu Rahimah Mikael AykyuniÀwa kò sá níí kú mọ́ báyìí?

37:59

Abu Rahimah Mikael AykyuniÀfi ikú wa àkọ́kọ́. Wọn kò sì níí jẹ àwa níyà.

37:60

Abu Rahimah Mikael AykyuniDájúdájú èyí, òhun ni èrèǹjẹ ńlá.”

37:61

Abu Rahimah Mikael AykyuniNítorí irú èyí, kí àwọn olùṣẹ̀sìn máa ṣẹ̀sìn lọ.

37:62

Abu Rahimah Mikael AykyuniǸjẹ́ ìyẹn l’ó lóore jùlọ ní ibùdésí ni tàbí igi zaƙūm (igi ẹlẹ́gùn-ún)?

37:63

Abu Rahimah Mikael AykyuniDájúdájú Àwa ṣe é ní àdánwò fún àwọn alábòsí.

37:64

Abu Rahimah Mikael AykyuniDájúdájú òhun ni igi kan tí ó máa hù jáde láti ìdí iná Jẹhīm.

37:65

Abu Rahimah Mikael AykyuniÈso rẹ̀ dà bí orí àwọn aṣ-Ṣaetọ̄n.

37:66

Abu Rahimah Mikael AykyuniDájúdájú wọn yóò máa jẹ nínú rẹ̀. Wọ́n sì máa jẹ ẹ́ ní àjẹyo bámúbámú.

37:67

Abu Rahimah Mikael AykyuniLẹ́yìn náà, dájúdájú wọn yóò mu àwọnúwẹ̀jẹ̀ olómi gbígbóná tó gbóná parí lé e lórí.

37:68

Abu Rahimah Mikael AykyuniLẹ́yìn náà, dájúdájú ibùpadàsí wọn ni iná Jẹhīm.

37:69

Abu Rahimah Mikael AykyuniDájúdájú wọ́n bá àwọn bàbá wọn ní olùṣìnà.

37:70

Abu Rahimah Mikael AykyuniÀwọn náà sì ń yára tẹ̀lé orípa wọn.

37:71

Abu Rahimah Mikael AykyuniDájúdájú ọ̀pọ̀lọ́pọ̀ àwọn ẹni àkọ́kọ́ ti ṣìnà ṣíwájú wọn.

37:72

Abu Rahimah Mikael AykyuniDájúdájú A ti rán àwọn olùkìlọ̀ sí wọn.

37:73

Abu Rahimah Mikael AykyuniNítorí náà, wo bí àtubọ̀tán àwọn ẹni-akìlọ̀-fún ti rí.

37:74

Abu Rahimah Mikael AykyuniÀfi àwọn ẹrúsìn Allāhu, àwọn tí A ṣà lẹ́ṣà (fún ìgbàgbọ́ òdodo).

37:75

Abu Rahimah Mikael AykyuniDájúdájú (Ànábì) Nūh pè Wá. A sì dára ní olùjẹ́pè.

37:76

Abu Rahimah Mikael AykyuniA gba òun àti àwọn ará ilé rẹ̀ là kúrò nínú ìbànújẹ́ ńlá náà.

37:77

Abu Rahimah Mikael AykyuniA dá àwọn àrọ́mọdọ́mọ rẹ̀ sí lẹ́yìn rẹ̀.

37:78

Abu Rahimah Mikael AykyuniA sì fún un ní orúkọ rere láààrin àwọn ẹni ìkẹ́yìn.

37:79

Abu Rahimah Mikael AykyuniÀlàáfíà kí ó máa bá (Ànábì) Nūh láààrin gbogbo ẹ̀dá.

37:80

Abu Rahimah Mikael AykyuniDájúdájú báyẹn ni Àwa ṣe ń san àwọn olùṣe-rere ní ẹ̀san (rere).

37:81

Abu Rahimah Mikael AykyuniDájúdájú ó wà nínú àwọn ẹrúsìn Wa, àwọn onígbàgbọ́ òdodo.

37:82

Abu Rahimah Mikael AykyuniLẹ́yìn náà, A tẹ àwọn yòókù rì sínú agbami.

37:83

Abu Rahimah Mikael AykyuniDájúdájú (Ànábì) ’Ibrọ̄hīm wà nínú ìjọ (tí ó tẹ̀lé ìlànà) rẹ̀.[1]

37:84

Abu Rahimah Mikael Aykyuni(Ẹ rántí) nígbà tí ó dojú kọ Olúwa rẹ̀ pẹ̀lú ọkàn mímọ́.

37:85

Abu Rahimah Mikael Aykyuni(Rántí) nígbà tí ó sọ fún bàbá rẹ̀ àti àwọn ènìyàn rẹ̀ pé: "Kí ni ẹ̀ ń jọ́sìn fún?

37:86

Abu Rahimah Mikael AykyuniṢé ẹ̀ ń gbèrò láti sọ irọ́ di ọlọ́hun lẹ́yìn Allāhu?

37:87

Abu Rahimah Mikael AykyuniKí sì ni èrò ọkàn yín sí Olúwa gbogbo ẹ̀dá?”[1]

37:88

Abu Rahimah Mikael AykyuniÓ ṣíjú wo àwọn ìràwọ̀ ní wíwò kan.

37:89

Abu Rahimah Mikael AykyuniÓ sì sọ pé: “Dájúdájú ó rẹ̀ mí.”

37:90

Abu Rahimah Mikael AykyuniNítorí náà, wọ́n pa á tì, wọ́n sì lọ.

37:91

Abu Rahimah Mikael AykyuniNígbà náà, ó lọ sí ọ̀dọ̀ àwọn òrìṣà wọn. Ó sì sọ pé: “Ṣé ẹ kò níí jẹun ni?

37:92

Abu Rahimah Mikael AykyuniKí ni ó ṣe yín tí ẹ kò sọ̀rọ̀?”

37:93

Abu Rahimah Mikael AykyuniNígbà náà, ó dojú lílù kọ wọ́n pẹ̀lú ọwọ́ ọ̀tún (ó sì rún wọn wómúwómú).

37:94

Abu Rahimah Mikael Aykyuni(Àwọn abọ̀rìṣà) sáré wá dojú kọ ọ́.

37:95

Abu Rahimah Mikael AykyuniÓ sọ pé: “Ṣé ẹ óò máa jọ́sìn fún n̄ǹkan tí ẹ gbẹ́ kalẹ̀ lére ni?

37:96

Abu Rahimah Mikael AykyuniAllāhu l’Ó sì dá ẹ̀yin àti n̄ǹkan tí ẹ̀ ń ṣe níṣẹ́.”

37:97

Abu Rahimah Mikael AykyuniWọ́n wí pé: “Ẹ mọ ilé kan fún un, kí ẹ sì jù ú sínú iná.”

37:98

Abu Rahimah Mikael AykyuniWọ́n gbèrò ète sí i. A sì sọ wọ́n di ẹni yẹpẹrẹ.

37:99

Abu Rahimah Mikael AykyuniÓ sọ pé: “Dájúdájú mo máa lọ sí (ìlú tí) Olúwa mi (pa mí láṣẹ láti lọ). Ó sì máa tọ́ mi sọ́nà (láti dé ibẹ̀).[1]

37:100

Abu Rahimah Mikael AykyuniOlúwa mi, ta mí lọ́rẹ ọmọ nínú àwọn ẹni rere.”

37:101

Abu Rahimah Mikael AykyuniA sì fún un ní ìró ìdùnnú (nípa bíbí) ọmọkùnrin kan tí ó máa ní ìfaradà.

37:102

Abu Rahimah Mikael AykyuniNígbà tí (ọmọ náà) dàgbà, tí ó tó bá (bàbá rẹ̀) ṣe iṣẹ́, (bàbá rẹ̀) sọ pé: "Ọmọ mi, dájúdájú èmi lá àlá pé dájúdájú mò ń dúńbú rẹ. Nítorí náà, wòye sí i, kí ni o rí sí i." Ó sọ pé: “Bàbá mi, ṣe ohun tí Wọ́n pa láṣẹ fún ọ. O máa bá mi nínú àwọn onísùúrù, tí Allāhu bá fẹ́.”

37:103

Abu Rahimah Mikael AykyuniNígbà tí àwọn méjèèjì juwọ́ jusẹ̀ sílẹ̀, tí (Ànábì ’Ibrọ̄hīm) sì dojú[1] (ọmọ) rẹ̀ bolẹ̀,

37:104

Abu Rahimah Mikael AykyuniA pè é (báyìí) pé, ’Ibrọ̄hīm,

37:105

Abu Rahimah Mikael Aykyunio kúkú ti mú àlá náà ṣẹ. Dájúdájú báyẹn ni Àwa ṣe ń san àwọn olùṣe-rere ní ẹ̀san (rere).

37:106

Abu Rahimah Mikael AykyuniDájúdájú èyí, òhun ni àdánwò pọ́nńbélé.

37:107

Abu Rahimah Mikael AykyuniA sì fi àgbò ńlá ṣèràpadà rẹ̀.

37:108

Abu Rahimah Mikael AykyuniA tún fún un ní orúkọ rere láààrin àwọn ẹni ìkẹ́yìn.

37:109

Abu Rahimah Mikael AykyuniÀlàáfíà kí ó máa bá (Ànábì) ’Ibrọ̄hīm.

37:110

Abu Rahimah Mikael AykyuniBáyẹn ni A ṣe ń san àwọn olùṣe-rere ní ẹ̀san (rere).

37:111

Abu Rahimah Mikael AykyuniDájúdájú ó wà nínú àwọn ẹrúsìn Wa, àwọn onígbàgbọ́ òdodo.

37:112

Abu Rahimah Mikael AykyuniA tún fún un ní ìró ìdùnnú (nípa bíbí) ’Ishāƙ, (ó máa jẹ́) Ànábì. (Ó sì máa wà) nínú àwọn ẹni rere.

37:113

Abu Rahimah Mikael AykyuniÀti pé A fún òun àti ’Ishāƙ ní ìbùkún. Ẹni rere àti alábòsí pọ́nńbélé (tó ń ṣàbòsí sí) ẹ̀mí ara rẹ̀ wà nínú àrọ́mọdọ́mọ àwọn méjèèjì.[1]

37:114

Abu Rahimah Mikael AykyuniDájúdájú A ṣoore fún (Ànábì) Mūsā àti Hārūn.

37:115

Abu Rahimah Mikael AykyuniA gba àwọn méjèèjì àti ìjọ àwọn méjèèjì là kúrò nínú ìbànújẹ́ ńlá náà.

37:116

Abu Rahimah Mikael AykyuniA tún ṣàrànṣe fún wọn. Àwọn ni wọ́n jẹ́ olùborí (ọ̀tá wọn).

37:117

Abu Rahimah Mikael AykyuniA sì fún àwọn méjèèjì ní Tírà tó yanjú.

37:118

Abu Rahimah Mikael AykyuniA tún fi àwọn méjèèjì mọ̀nà tààrà.

37:119

Abu Rahimah Mikael AykyuniA fún àwọn méjèèjì ní orúkọ rere láààrin àwọn ẹni ìkẹ́yìn.

37:120

Abu Rahimah Mikael AykyuniÀlàáfíà kí ó máa bá (Ànábì) Mūsā àti Hārūn.

37:121

Abu Rahimah Mikael AykyuniDájúdájú báyẹn ni Àwa ṣe ń san àwọn olùṣe-rere ní ẹ̀san (rere).

37:122

Abu Rahimah Mikael AykyuniDájúdájú àwọn méjèèjì wà nínú àwọn ẹrúsìn Wa, àwọn onígbàgbọ́ òdodo.

37:123

Abu Rahimah Mikael AykyuniDájúdájú (Ànábì) ’Ilyās wà nínú àwọn Òjíṣẹ́.

37:124

Abu Rahimah Mikael Aykyuni(Ẹ rántí) nígbà tí ó sọ fún ìjọ rẹ̀ pé: “Ṣé ẹ ò níí bẹ̀rù Allāhu ni?

37:125

Abu Rahimah Mikael AykyuniṢé ẹ óò máa pe òrìṣà kan, ẹ sì máa fi Ẹni tó dára jùlọ nínú àwọn ẹlẹ́dàá sílẹ̀?[1]

37:126

Abu Rahimah Mikael Aykyuni(ẹ̀ ń fi) Allāhu (sílẹ̀), Olúwa yín àti Olúwa àwọn bàbá yín, àwọn ẹni àkọ́kọ́?”

37:127

Abu Rahimah Mikael AykyuniWọ́n sì pè é ní òpùrọ́. Nítorí náà, wọ́n máa mú wọn wá sínú Iná.

37:128

Abu Rahimah Mikael AykyuniÀfi àwọn ẹrúsìn Allāhu, àwọn tí A ṣà lẹ́ṣà (fún ìgbàgbọ́ òdodo).

37:129

Abu Rahimah Mikael AykyuniA fún un ní orúkọ rere láààrin àwọn ẹni ìkẹ́yìn.

37:130

Abu Rahimah Mikael AykyuniÀlàáfíà kí ó máa bá (Ànábì) ’Ilyās.

37:131

Abu Rahimah Mikael AykyuniDájúdájú báyẹn ni Àwa ṣe ń san àwọn olùṣe-rere ní ẹ̀san (rere).

37:132

Abu Rahimah Mikael AykyuniDájúdájú ó wà nínú àwọn ẹrúsìn Wa, àwọn onígbàgbọ́ òdodo.

37:133

Abu Rahimah Mikael AykyuniDájúdájú (Ànábì) Lūt wà nínú àwọn Òjíṣẹ́.

37:134

Abu Rahimah Mikael Aykyuni(Ẹ rántí) nígbà tí A gba òun àti gbogbo àwọn ará ilé rẹ̀ là.

37:135

Abu Rahimah Mikael AykyuniÀyàfi arúgbóbìnrin kan tí ó wà nínú àwọn tó ṣẹ́ kù lẹ́yìn (láààrin àwọn tí A parẹ́).[1]

37:136

Abu Rahimah Mikael AykyuniLẹ́yìn náà, A pa àwọn yòókù run.

37:137

Abu Rahimah Mikael AykyuniDájúdájú ẹ̀yin náà kúkú ń gba ọ̀dọ̀ wọn kọjá láàárọ̀-láàárọ̀

37:138

Abu Rahimah Mikael Aykyuniàti ní alaalẹ́. Ṣé ẹ kò níí ṣe làákàyè ni?

37:139

Abu Rahimah Mikael AykyuniDájúdájú (Ànábì) Yūnus kúkú wà nínú àwọn Òjíṣẹ́.

37:140

Abu Rahimah Mikael Aykyuni(Ẹ rántí) nígbà tí ó sá lọ sínú ọkọ̀ ojú-omi tó kún (fún èrò).

37:141

Abu Rahimah Mikael AykyuniÓ sì bá wọn ṣe kúríà papọ̀. Ó sì wà nínú àwọn tí kúrìá já.[1]

37:142

Abu Rahimah Mikael AykyuniNítorí náà, ẹja gbé e mì; ó sì ń dá ara rẹ̀ lẹ́bi.

37:143

Abu Rahimah Mikael AykyuniNítorí náà, tí kò bá jẹ́ pé ó wà nínú àwọn olùṣàfọ̀mọ́ fún Allāhu,

37:144

Abu Rahimah Mikael Aykyunidájúdájú ìbá wà nínú ẹja títí di ọjọ́ tí wọn yóò gbé ẹ̀dá dìde.

37:145

Abu Rahimah Mikael AykyuniNítorí náà, A jù ú sí orí ilẹ́ gban̄sasa létí omi. Ó sì jẹ́ aláìlera.

37:146

Abu Rahimah Mikael AykyuniA sì mú igi Yẹƙtīn hù jáde láti ṣíji bò ó.

37:147

Abu Rahimah Mikael AykyuniA tún rán an níṣẹ́ sí ọ̀kẹ́ márùn-ún (ènìyàn) tàbí kí wọ́n lékún sí i.[1]

37:148

Abu Rahimah Mikael AykyuniWọ́n gbàgbọ́ ní òdodo. A sì fún wọn ní ìgbádùn títí di ìgbà díẹ̀.

37:149

Abu Rahimah Mikael AykyuniBi wọ́n léèrè wò pé: “Ṣé Olúwa rẹ l’ó ni àwọn ọmọbìnrin, tiwọn sì ni ọmọkùnrin?

37:150

Abu Rahimah Mikael AykyuniTàbí A dá àwọn mọlāika ní obìnrin, tí àwọn sì jẹ́ ẹlẹ́rìí?”

37:151

Abu Rahimah Mikael AykyuniGbọ́, nínú irọ́ wọn ni pé dájúdájú wọ́n ń wí pé:

37:152

Abu Rahimah Mikael Aykyuni“Allāhu bímọ.” Dájúdájú òpùrọ́ sì ni wọ́n.

37:153

Abu Rahimah Mikael AykyuniṢé (Allāhu) ṣẹ̀ṣà àwọn ọmọbìnrin lórí àwọn ọmọkùnrin ni?

37:154

Abu Rahimah Mikael AykyuniKí l’ó ń ṣe yín tí ẹ fi ń dájọ́ báyìí?

37:155

Abu Rahimah Mikael AykyuniṢé ẹ kò níí lo ìrántí ni?

37:156

Abu Rahimah Mikael AykyuniTàbí ẹ ní ẹ̀rí tó yanjú lọ́wọ́ ni?

37:157

Abu Rahimah Mikael AykyuniẸ mú tírà yín wà nígbà náà tí ẹ bá jẹ́ olódodo.

37:158

Abu Rahimah Mikael AykyuniWọ́n tún fi ìbátan sáààrin (Allāhu) àti àlùjànnú! Àwọn àlùjànnú sì ti mọ̀ pé, dájúdájú wọ́n kúkú máa mú àwọn wá sínú Iná ni.

37:159

Abu Rahimah Mikael AykyuniMímọ́ ni fún Allāhu tayọ ohun tí wọ́n ń fi ròyìn (Rẹ̀).

37:160

Abu Rahimah Mikael AykyuniÀfi àwọn ẹrúsìn Allāhu, àwọn tí A ṣà lẹ́ṣà (fún ìgbàgbọ́ òdodo).

37:161

Abu Rahimah Mikael AykyuniDájúdájú ẹ̀yin àti n̄ǹkan tí ẹ̀ ń jọ́sìn fún (lẹ́yìn Allāhu),

37:162

Abu Rahimah Mikael Aykyuniẹ kò lè fi ṣi ẹnì kan kan lọ́nà

37:163

Abu Rahimah Mikael Aykyuniàfi ẹni tí ó bá fẹ́ wọ inú iná Jẹhīm.

37:164

Abu Rahimah Mikael AykyuniKò sí ẹnì kan nínú àwa (mọlāika) àfi kí ó ní ibùdúró tí wọ́n ti mọ̀.

37:165

Abu Rahimah Mikael AykyuniDájúdájú àwa, a kúkú wà ní ọ̀wọ̀ọ̀wọ́ ni.

37:166

Abu Rahimah Mikael AykyuniÀti pé dájúdájú àwa, àwa kúkú ni olùṣàfọ̀mọ́ (fún Allāhu).

37:167

Abu Rahimah Mikael AykyuniWọ́n kúkú ń wí pé:

37:168

Abu Rahimah Mikael Aykyuni“Tí ó bá jẹ́ pé dájúdájú a bá ní (tírà) ìrántí kan nínú (àwọn tírà) àwọn ẹni àkọ́kọ́,

37:169

Abu Rahimah Mikael Aykyunidájúdájú àwa ìbá jẹ́ ẹrúsìn Allāhu, àwọn tí A ṣà lẹ́ṣà (fún ìgbàgbọ́ òdodo).”

37:170

Abu Rahimah Mikael AykyuniṢùgbọ́n wọ́n ṣàì gbàgbọ́ nínú (Allāhu). Láìpẹ́ wọ́n máa mọ̀.

37:171

Abu Rahimah Mikael AykyuniDájúdájú ọ̀rọ̀ Wa ti ṣíwájú fún àwọn ẹrúsìn Wa, àwọn Òjíṣẹ́.

37:172

Abu Rahimah Mikael AykyuniDájúdájú àwọn, àwọn l’a kúkú máa ṣàrànṣe fún.

37:173

Abu Rahimah Mikael AykyuniÀti pé dájúdájú àwọn ọmọ ogun Wa, àwọn kúkú ni olùborí.

37:174

Abu Rahimah Mikael AykyuniNítorí náà, ṣẹ́rí kúrò lọ́dọ̀ wọn fún ìgbà díẹ̀.

37:175

Abu Rahimah Mikael AykyuniÀti pé máa wò wọ́n níran ná, àwọn náà ń bọ̀ wá ríran wò.

37:176

Abu Rahimah Mikael AykyuniṢé ìyà Wa ni wọ́n ń wá pẹ̀lú ìkánjú?

37:177

Abu Rahimah Mikael AykyuniNígbà tí ó bá sọ̀kalẹ̀ sí gbàgede wọn, òwúrọ̀ ọjọ́ náà yó sì burú fún àwọn ẹni-akìlọ̀-fún.

37:178

Abu Rahimah Mikael AykyuniKúrò lọ́dọ̀ wọn títí di ìgbà kan ná.

37:179

Abu Rahimah Mikael AykyuniÀti pé máa wò wọ́n níran ná, àwọn náà ń bọ̀ wá ríran wò.

37:180

Abu Rahimah Mikael AykyuniMímọ́ ni fún Olúwa rẹ, Olúwa (tó ni) agbára, tayọ ohun tí wọ́n ń fi ròyìn (Rẹ̀).

37:181

Abu Rahimah Mikael AykyuniKí àlàáfíà máa bá àwọn Òjíṣẹ́

37:182

Abu Rahimah Mikael AykyuniGbogbo ẹyìn ń jẹ́ ti Allāhu, Olúwa gbogbo ẹ̀dá.