Sūrah Al-Qalam (68) — ọ̀rọ̀ sí ọ̀rọ̀, gbòǹgbò àti ìtúmọ̀

68:1

Abu Rahimah Mikael AykyuniNūn. (Allāhu ló mọ ohun tí Ó gbàlérò pẹ̀lú háràfí náà.)[1] Allāhu fi gègé ìkọ̀wé àti ohun tí àwọn mọlāika ń kọ sílẹ̀ búra.

68:2

Abu Rahimah Mikael AykyuniÌwọ kì í ṣe wèrè nípa ìdẹ̀ra Olúwa rẹ.

68:3

Abu Rahimah Mikael AykyuniÀti pé dájúdájú ẹ̀san tí kò níí dáwọ́ dúró ti wà fún ọ.

68:4

Abu Rahimah Mikael AykyuniDájúdájú ìwọ sì wà lórí ìwà ńlá (ìwà alápọ̀n-ọ́nlé).

68:5

Abu Rahimah Mikael AykyuniLáìpẹ́ ìwọ yóò rí i, àwọn náà yó sì rí i;

68:6

Abu Rahimah Mikael Aykyunièwo nínú yín ni aládàn-ánwò (wèrè)?

68:7

Abu Rahimah Mikael AykyuniDájúdájú Olúwa rẹ, Ó nímọ̀ jùlọ nípa ẹni tó ṣìnà kúrò lójú ọ̀nà Rẹ̀. Ó sì nímọ̀ jùlọ nípa àwọn olùmọ̀nà.

68:8

Abu Rahimah Mikael AykyuniNítorí náà, má ṣe tẹ̀lé àwọn olùpe-òdodo-nírọ́.

68:9

Abu Rahimah Mikael AykyuniÀti pé wọ́n fẹ́ kí o dẹwọ́, kí àwọn náà sì dẹwọ́.

68:10

Abu Rahimah Mikael AykyuniMá ṣe tẹ̀lé gbogbo ẹni tí ìbúra rẹ̀ pọ̀, ẹni yẹpẹrẹ,

68:11

Abu Rahimah Mikael Aykyuniabúni, alárìnká tó ń sòfófó kiri,

68:12

Abu Rahimah Mikael Aykyuniolùdènà iṣẹ́ rere, alákọyọ, ẹlẹ́ṣẹ̀,

68:13

Abu Rahimah Mikael Aykyuniọ̀dájú. Lẹ́yìn ìyẹn, ògbólógbòó ẹni ibi (àsáwọ̀[1], ọmọ zina) ni.

68:14

Abu Rahimah Mikael AykyuniNítorí pé ó ní dúkìá àti àwọn ọmọkùnrin,

68:15

Abu Rahimah Mikael Aykyuninígbà tí wọ́n bá ń ké àwọn āyah Wa fún un, ó máa wí pé: “Àkọsílẹ̀ àlọ́ àwọn ẹni àkọ́kọ́ (nìwọ̀nyí)”.

68:16

Abu Rahimah Mikael AykyuniA máa fi àmì sí i ní góńgórí imú.

68:17

Abu Rahimah Mikael AykyuniDájúdájú Àwa dán wọn wò gẹ́gẹ́ bí A ṣe dán àwọn ọlọ́gbà wò nígbà tí wọ́n búra pé, dájúdájú àwọn yóò ká gbogbo èso ọgbà náà ní òwúrọ̀ kùtùkùtù.

68:18

Abu Rahimah Mikael AykyuniWọn kò sì ṣe àyàfi pé, “tí Allāhu bá fẹ́”.

68:19

Abu Rahimah Mikael AykyuniÀdánwò tó ń yí n̄ǹkan po láti ọ̀dọ̀ Olúwa rẹ sì yí ọgbà náà po, nígbà tí wọ́n sùn lọ.

68:20

Abu Rahimah Mikael AykyuniÓ sì dà bí oko àgédànù (tí wọ́n ti résun).

68:21

Abu Rahimah Mikael AykyuniWọ́n ń pera wọn ní òwúrọ̀ kùtùkùtù

68:22

Abu Rahimah Mikael Aykyunipé ẹ jí lọ sí oko yín tí ẹ bá fẹ́ ká èso.

68:23

Abu Rahimah Mikael AykyuniWọ́n lọ, wọ́n sì ń fi ohùn jẹ́ẹ́jẹ́ bára wọn sọ̀rọ̀

68:24

Abu Rahimah Mikael Aykyunipé ní òní mẹ̀kúnnù kan kò gbọdọ̀ wọnú rẹ̀ wá ba yín.

68:25

Abu Rahimah Mikael AykyuniWọ́n jí lọ (sí oko wọn) lórí èrò-ọkàn kan (pé) àwọn lágbára.

68:26

Abu Rahimah Mikael AykyuniNígbà tí wọ́n rí i, wọ́n wí pé: “Dájúdájú àwa ti ṣìnà.

68:27

Abu Rahimah Mikael AykyuniRárá o, wọ́n ṣe ìkórè oko léèwọ̀ fún wa ni.”

68:28

Abu Rahimah Mikael AykyuniẸni tó dúró déédé jùlọ nínú wọn sọ pé: “Ṣé èmi kò sọ fún yín pé ẹ̀yin kò ṣe ṣàfọ̀mọ́ fún Allāhu (pé “a máa kórè oko wa, ’in ṣā ’Allāhu.)”?

68:29

Abu Rahimah Mikael AykyuniWọ́n wí pé: “Mímọ́ ni fún Olúwa wa, dájúdájú àwa jẹ́ alábòsí.”

68:30

Abu Rahimah Mikael AykyuniApá kan wọn kọjú sí apá kan; wọ́n sì ń dára wọn lẹ́bi.

68:31

Abu Rahimah Mikael AykyuniWọ́n wí pé: “Ègbé wa ò! Dájúdájú àwa jẹ́ olùtayọ-ẹnu ààlà.

68:32

Abu Rahimah Mikael AykyuniÓ ṣeé ṣe kí Olúwa wa fi èyí tó dára ju èyí lọ pààrọ̀ rẹ̀ fún wa. Dájúdájú ọ̀dọ̀ Olúwa wa ni àwa ń rokàn oore sí.”

68:33

Abu Rahimah Mikael AykyuniBáyẹn ni ìyà náà ṣe rí (fún wọn). Ìyà ọ̀run sì tóbi jùlọ, tí ó bá jẹ́ pé wọ́n mọ̀.

68:34

Abu Rahimah Mikael AykyuniDájúdájú àwọn Ọgbà Ìdẹ̀ra wà fún àwọn olùbẹ̀rù Allāhu lọ́dọ̀ Olúwa wọn.

68:35

Abu Rahimah Mikael AykyuniṢé A máa ṣe àwọn mùsùlùmí bí (A ṣe máa ṣe) àwọn ẹlẹ́ṣẹ̀ bí?

68:36

Abu Rahimah Mikael AykyuniKí l’ó ń ṣe yín tí ẹ fi ń dájọ́ báyìí ná?[1]

68:37

Abu Rahimah Mikael AykyuniTàbí tírà kan wà fún yín tí ẹ̀ ń kẹ́kọ̀ọ́ nínú rẹ̀

68:38

Abu Rahimah Mikael Aykyunipé dájúdájú ẹ̀yin lẹ ni ohun tí ẹ bá ń ṣà lẹ́ṣà nínú ìdájọ́?

68:39

Abu Rahimah Mikael AykyuniǸjẹ́ ẹ ni àwọn àdéhùn kan lọ́dọ̀ wa tí ó máa wà títí di Ọjọ́ Àjíǹde pé: “Dájúdájú tiyín ni ìdájọ́ tí ẹ bá ti mú wá.”?

68:40

Abu Rahimah Mikael AykyuniBi wọ́n léèrè wò pé èwo nínú wọn l’ó lè fọwọ́ ìyẹn sọ̀yà!

68:41

Abu Rahimah Mikael AykyuniTàbí wọ́n ní (àwọn òrìṣà kan) tí wọ́n jẹ́ akẹgbẹ́ Wa? Kí wọ́n mú àwọn òrìṣà wọn wá nígbà náà tí wọ́n bá jẹ́ olódodo.

68:42

Abu Rahimah Mikael AykyuniNí ọjọ́ tí A máa ṣí ojúgun sílẹ̀, A sì máa pè wọ́n síbi ìforíkanlẹ̀, wọn kò sì níí lè ṣe é.

68:43

Abu Rahimah Mikael AykyuniOjú wọn yóò wálẹ̀. Ìyẹpẹrẹ máa bò wọ́n mọ́lẹ̀. Wọ́n kúkú ti pè wọ́n síbi ìforíkanlẹ̀ nígbà tí wọ́n ní àlàáfíà (wọn kò sì kírun).

68:44

Abu Rahimah Mikael AykyuniNítorí náà, fi Èmi àti ẹni tó ń pe ọ̀rọ̀ yìí ní irọ́ sílẹ̀. A óò máa dẹ wọ́n lẹ́kẹ láti jẹ wọ́n níyà ní àyè tí wọn kò mọ̀.

68:45

Abu Rahimah Mikael AykyuniMò ń lọ́ra fún wọn ni. Dájúdájú ète Mi lágbára.[1]

68:46

Abu Rahimah Mikael AykyuniTàbí ò ń bèèrè owó-ọ̀yà kan lọ́wọ́ wọn, ni gbèsè fi wọ̀ wọ́n lọ́rùn?

68:47

Abu Rahimah Mikael AykyuniTàbí lọ́dọ̀ wọn ni (wàláà) ìkọ̀kọ̀ wà ni wọ́n bá ń kọ ọ́ (síta)?

68:48

Abu Rahimah Mikael AykyuniNítorí náà, ṣe sùúrù fún ìdájọ́ Olúwa rẹ. Kí ìwọ má sì ṣe dà bí ẹlẹ́ja (ìyẹn, Ànábì Yūnus) nígbà tí ó pe (Allāhu) pẹ̀lú ìbànújẹ́.

68:49

Abu Rahimah Mikael AykyuniTí kò bá jẹ́ pé ìkẹ́ kan láti ọ̀dọ̀ Olúwa rẹ̀ lé e bá, wọn ìbá jù ú sórí ilẹ̀ gban̄sasa (láti inú ẹja) ní ẹni-èébú.

68:50

Abu Rahimah Mikael AykyuniNítorí náà, Olúwa rẹ̀ ṣà á lẹ́ṣà. Ó sì ṣe é ní ara àwọn ẹni rere.

68:51

Abu Rahimah Mikael AykyuniÀwọn tó ṣàì gbàgbọ́ fẹ́ẹ̀ fi ojú wọn gbé ọ ṣubú nígbà tí wọ́n gbọ́ ìrántí náà. Wọ́n sì ń wí pé: “Dájúdájú wèrè mà ni.”

68:52

Abu Rahimah Mikael AykyuniKí sì ni al-Ƙur’ān bí kò ṣe ìrántí fún gbogbo ẹ̀dá.