Sūrah Al-Haqqah (69) — ọ̀rọ̀ sí ọ̀rọ̀, gbòǹgbò àti ìtúmọ̀

69:1

Abu Rahimah Mikael AykyuniÌṣẹ̀lẹ̀ Òdodo náà!

69:2

Abu Rahimah Mikael AykyuniKí ni Ìṣẹ̀lẹ̀ Òdodo náà?

69:3

Abu Rahimah Mikael AykyuniKí sì ni ó mú ọ mọ ohun tó ń jẹ́ Ìṣẹ̀lẹ̀ Òdodo náà?

69:4

Abu Rahimah Mikael AykyuniÀwọn ìjọ Thamūd àti ìjọ ‘Ād pe Àjíǹde (ajámọláya bí àrá) ní irọ́.[1]

69:5

Abu Rahimah Mikael AykyuniNí ti ìjọ Thamūd, wọ́n fi igbe tó tayọ ẹnu-ààlà pa wọ́n rẹ́.

69:6

Abu Rahimah Mikael AykyuniNí ti ìjọ ‘Ād, wọ́n fi atẹ́gùn líle tó tayọ ẹnu-ààlà pa wọ́n rẹ́.

69:7

Abu Rahimah Mikael AykyuniÓ dẹ ẹ́ sí wọn fún òru méje àti ọ̀sán mẹ́jọ láì dáwọ́ dúró. O sì máa rí ìjọ náà tí wọ́n ti kú sínú rẹ̀ bí ẹni pé kùkùté igi dàbínù tó ti luhò nínú ni wọ́n.[1]

69:8

Abu Rahimah Mikael AykyuniǸjẹ́ o rí ẹnì kan nínú wọn tó ṣẹ́ kù bí?

69:9

Abu Rahimah Mikael AykyuniFir‘aon àti àwọn tó ṣíwájú rẹ̀ àti àwọn ìlú tí wọ́n dojú rẹ̀ bolẹ̀ dé pẹ̀lú àwọn àṣìṣe.

69:10

Abu Rahimah Mikael AykyuniWọ́n yapa Òjíṣẹ́ Olúwa wọn. Ó sì gbá wọn mú ní ìgbámú tóléken̄kà.

69:11

Abu Rahimah Mikael AykyuniDájúdájú nígbà tí omi tayọ ẹnu-ààlà. A gbe yín gun ọkọ̀ ojú-omi.

69:12

Abu Rahimah Mikael AykyuniNítorí kí Á lè fi ṣe ìrántí fún yín àti nítorí kí etí tó ń ṣọ́ n̄ǹkan lè ṣọ́ ọ.

69:13

Abu Rahimah Mikael AykyuniNígbà tí wọ́n bá fọn fèrè oníwo fún ikú ní fífọn ẹyọ kan,

69:14

Abu Rahimah Mikael Aykyunití wọ́n gbé ilẹ̀ àti àpáta sókè, tí wọ́n sì rún méjèèjì wómúwómú ní rírún ẹ̀ẹ̀ kan,

69:15

Abu Rahimah Mikael Aykyuniní ọjọ́ yẹn ni Ìṣẹ̀lẹ̀ máa ṣẹlẹ̀.

69:16

Abu Rahimah Mikael AykyuniÀti pé sánmọ̀ yó fàya pẹ́rẹpẹ̀rẹ. Ó sì máa fúyẹ́ gẹgẹ ní ọjọ́ yẹn.

69:17

Abu Rahimah Mikael AykyuniÀwọn mọlāika sì máa wà ní àwọn ẹ̀gbẹ́ẹ̀gbẹ́ rẹ̀. Àti pé ní ọjọ́ yẹn, lókè wọn, àwọn (mọlāika) mẹ́jọ ni wọ́n máa ru Ìtẹ́ Olúwa rẹ.

69:18

Abu Rahimah Mikael AykyuniNí ọjọ́ yẹn, wọn yóò máa ṣẹ́rí yín wá (fún ìṣírò-iṣẹ́). Kò sì níí sí àṣírí yín kan tó máa pamọ́ (fún Wa).

69:19

Abu Rahimah Mikael AykyuniNítorí náà, ní ti ẹni tí wọ́n bá fún ní tírà rẹ̀ ní ọwọ́ ọ̀tún rẹ̀, ó máa sọ pé: “Ẹ gbà, ẹ ka tírà mi wò.

69:20

Abu Rahimah Mikael AykyuniDájúdájú èmi ti mọ àmọ̀dájú pé dájúdájú èmi yóò bá ìṣírò-iṣẹ́ mi pàdé.”

69:21

Abu Rahimah Mikael AykyuniNítorí náà, ó máa wà nínú ìṣẹ̀mí tó máa yọ́nú sí

69:22

Abu Rahimah Mikael Aykyuninínú Ọgbà Ìdẹ̀ra gíga.

69:23

Abu Rahimah Mikael AykyuniÀwọn èso rẹ̀ (sì) máa wà ní àrọ́wọ́tó.

69:24

Abu Rahimah Mikael AykyuniẸ jẹ, kí ẹ sì mu pẹ̀lú ìgbàdún nítorí ohun tí ẹ tì síwájú nínú àwọn ọjọ́ tí ó ti ré kọjá.

69:25

Abu Rahimah Mikael AykyuniNí ti ẹni tí wọ́n bá sì fún ní tírà rẹ̀ ní ọwọ́ òsì rẹ̀, ó máa wí pé: “Háà! Kí wọ́n sì má fún mi ni tírà mi![1]

69:26

Abu Rahimah Mikael AykyuniÀti pé kí èmi sì má mọ ohun tí ìṣírò-iṣẹ́ mi jẹ́.

69:27

Abu Rahimah Mikael AykyuniHáà! Kí ikú sì jẹ́ òpin (ọ̀rọ̀ ẹ̀dá).

69:28

Abu Rahimah Mikael AykyuniDúkìá mi kò sì rọ̀ mí lọ́rọ̀.

69:29

Abu Rahimah Mikael AykyuniAgbára mi sì ti parun.”

69:30

Abu Rahimah Mikael AykyuniẸ mú un, kí ẹ dè é ní ọwọ́ mọ́ ọrùn.

69:31

Abu Rahimah Mikael AykyuniLẹ́yìn náà, inú iná Jẹhīm ni kí ẹ mú un wọ̀.

69:32

Abu Rahimah Mikael AykyuniLẹ́yìn náà, inú ẹ̀wọ̀n tí gígùn rẹ̀ jẹ́ àádọ́rin gígùn thar‘u[1] ni kí ẹ kì í sí.

69:33

Abu Rahimah Mikael AykyuniDájúdájú òun kì í gbàgbọ́ nínú Allāhu, Atóbi.

69:34

Abu Rahimah Mikael AykyuniKì í sì gba ènìyàn níyànjú láti bọ́ àwọn mẹ̀kúnnù.

69:35

Abu Rahimah Mikael AykyuniNítorí náà, kò níí sí ọ̀rẹ́ ìmùlẹ̀ kan fún un níbí yìí ní òní.

69:36

Abu Rahimah Mikael AykyuniKò sì níí sí oúnjẹ kan (fún un) bí kò ṣe (oúnjẹ) àwọnúwẹ̀jẹ̀.

69:37

Abu Rahimah Mikael AykyuniKò sí ẹni tí ó máa jẹ ẹ́ bí kò ṣe àwọn ẹlẹ́ṣẹ̀.

69:38

Abu Rahimah Mikael AykyuniNítorí náà, Èmi ń fi ohun tí ẹ̀ ń fojú rí búra

69:39

Abu Rahimah Mikael Aykyuniàti ohun tí ẹ ò fojú rí.

69:40

Abu Rahimah Mikael AykyuniDájúdájú al-Ƙur’ān ni ọ̀rọ̀ (tí A fi rán) Òjíṣẹ́, alápọ̀n-ọ́nlé.[1]

69:41

Abu Rahimah Mikael AykyuniKì í ṣe ọ̀rọ̀ eléwì. Ohun tí ẹ gbàgbọ́ kéré púpọ̀.

69:42

Abu Rahimah Mikael AykyuniKì í sì ṣe ọ̀rọ̀ adábigba. Díẹ̀ lẹ̀ ń lò nínú ìrántí.

69:43

Abu Rahimah Mikael AykyuniWọ́n sọ̀ ọ́ kalẹ̀ láti ọ̀dọ̀ Olúwa gbogbo ẹ̀dá.

69:44

Abu Rahimah Mikael AykyuniTí ó bá jẹ́ pé (Ànábì - kí ìkẹ́ àti ọlà Allāhu máa bá a - ) dá àdápa apá kan ọ̀rọ̀ náà mọ́ Wa ni,

69:45

Abu Rahimah Mikael AykyuniÀwa ìbá gbá a mú lọ́wọ́ ọ̀tún.

69:46

Abu Rahimah Mikael AykyuniLẹ́yìn náà, Àwa ìbá já isan ọrùn rẹ̀.

69:47

Abu Rahimah Mikael AykyuniKò sì sí ẹnì kan nínú yín tí ó máa gbà á sílẹ̀ lọ́wọ́ (Wa).

69:48

Abu Rahimah Mikael AykyuniDájúdájú (al-Ƙur’ān) ni ìrántí fún àwọn olùbẹ̀rù (Allāhu).

69:49

Abu Rahimah Mikael AykyuniDájúdájú Àwa sì mọ̀ pé àwọn tó ń pe al-Ƙur’ān ní irọ́ wà nínú yín.

69:50

Abu Rahimah Mikael AykyuniDájúdájú al-Ƙur’ān máa jẹ́ àbámọ̀ ńlá fún àwọn aláìgbàgbọ́.

69:51

Abu Rahimah Mikael AykyuniDájúdájú al-Ƙur’ān ni òdodo tó dájú.

69:52

Abu Rahimah Mikael AykyuniNítorí náà, ṣàfọ̀mọ́ fún orúkọ Olúwa Rẹ, Atóbi.