Sūrah Al-Ma'arij (70) — ọ̀rọ̀ sí ọ̀rọ̀, gbòǹgbò àti ìtúmọ̀

70:1

Abu Rahimah Mikael AykyuniOníbèéèrè kan bèèrè nípa ìyà tó máa ṣẹlẹ̀

70:2

Abu Rahimah Mikael Aykyunisí àwọn aláìgbàgbọ́. Kò sì sí ẹni tí ó máa dí i lọ́wọ́

70:3

Abu Rahimah Mikael Aykyunilọ́dọ̀ Allāhu, Onípò-àyè gíga.

70:4

Abu Rahimah Mikael AykyuniÀwọn mọlāika àti mọlāika Jibrīl ń gùnkè wá sí ọ̀dọ̀ Rẹ̀ nínú ọjọ́ kan tí òdiwọ̀n rẹ̀ jẹ́ ọ̀kẹ́ méjì ààbọ̀ ọdún (tí ẹ bá fẹ́ rìn ín).[1]

70:5

Abu Rahimah Mikael AykyuniNítorí náà, ṣe sùúrù ní sùúrù tó rẹwà.

70:6

Abu Rahimah Mikael AykyuniDájúdájú wọ́n ń wo (ìyà náà) ní ohun tó jìnnà.

70:7

Abu Rahimah Mikael AykyuniA sì ń wò ó ní ohun tó súnmọ́.

70:8

Abu Rahimah Mikael Aykyuni(Ọjọ́ náà ni) ọjọ́ tí sánmọ̀ yó dà bí ògéré epo gbígbóná,

70:9

Abu Rahimah Mikael Aykyuniàwọn àpáta yó sì dà bí ẹ̀gbọ̀n òwú-irun,

70:10

Abu Rahimah Mikael Aykyuniọ̀rẹ́ ìmùlẹ̀ kan kò sì níí bèèrè ọ̀rẹ́ ìmùlẹ̀ (rẹ̀).

70:11

Abu Rahimah Mikael AykyuniWọ́n máa rí ara wọn (wọ́n sì máa dára wọn mọ̀). Ẹlẹ́ṣẹ̀ sì máa fẹ́ kí òun fi àwọn ọmọ rẹ̀ ṣèràpadà ẹ̀mí ara rẹ̀ níbi Ìyà ní ọjọ́ yẹn.

70:12

Abu Rahimah Mikael AykyuniÌyàwó rẹ̀ àti arákùnrin rẹ̀,

70:13

Abu Rahimah Mikael Aykyuniàti àwọn ẹbí rẹ̀ tó pa tì, tí àwọn sì ń gbà á sọ́dọ̀ nílé ayé,

70:14

Abu Rahimah Mikael Aykyuniàti gbogbo ẹni tó wà lórí ilẹ̀ ayé pátápátá, (ó máa fẹ́ fi wọ́n ṣèràpadà ẹ̀mí ara rẹ̀ níbi Ìyà). Lẹ́yìn náà, (ó máa fẹ́) kí Allāhu gba òun là (nínú ìyà Iná).

70:15

Abu Rahimah Mikael AykyuniRárá! Dájúdájú (ó máa wọ) iná Laṭḥọ̄ (iná tó ń jò fòfò).

70:16

Abu Rahimah Mikael AykyuniÓ máa bó awọ orí tòró.

70:17

Abu Rahimah Mikael Aykyuni(Iná) yó máa ké sí ẹni tó kẹ̀yìn sí (ìgbágbọ́ òdodo), tí ó sì takété sí i,

70:18

Abu Rahimah Mikael Aykyunió kó (ọrọ̀) jọ, ó sì fi pamọ́ (kò ná an fún ẹ̀sìn).

70:19

Abu Rahimah Mikael AykyuniDájúdájú ènìyàn, A ṣẹ̀dá rẹ̀ ní aláìlọ́kàn, ọ̀kánjúà.

70:20

Abu Rahimah Mikael AykyuniNígbà tí aburú bá fọwọ́ bà á, ó máa kanra gógó.

70:21

Abu Rahimah Mikael AykyuniNígbà tí ọwọ́ rẹ̀ bá sì ba oore, ó máa yahun.

70:22

Abu Rahimah Mikael AykyuniÀyàfi àwọn olùkírun,

70:23

Abu Rahimah Mikael Aykyuniàwọn tí wọ́n dúnnímọ́ ìrun wọn;

70:24

Abu Rahimah Mikael Aykyuniàwọn tó mọ ojúṣe (wọn) nínú dúkìá wọn

70:25

Abu Rahimah Mikael Aykyunisí alágbe àti ẹni tí A ṣe arísìkí ní èèwọ̀ fún;

70:26

Abu Rahimah Mikael Aykyuniàwọn tó ń gba ọjọ́ ẹ̀san gbọ́ ní òdodo;

70:27

Abu Rahimah Mikael Aykyuniàwọn tó ń páyà ìyà Olúwa wọn,

70:28

Abu Rahimah Mikael Aykyunidájúdájú ìyà Olúwa wọn kò ṣeé fàyàbalẹ̀ sí;

70:29

Abu Rahimah Mikael Aykyuniàwọn tó ń ṣọ́ abẹ́ wọn,

70:30

Abu Rahimah Mikael Aykyuniàyàfi lọ́dọ̀ àwọn ìyàwó wọn tàbí ẹrúbìnrin wọn ni wọn kò ti lè jẹ́ ẹni-èébú,

70:31

Abu Rahimah Mikael Aykyuninítorí náà, ẹnikẹ́ni tó bá ń wá n̄ǹkan mìíràn lẹ́yìn ìyẹn, àwọn wọ̀nyẹn gan-an ni olùtayọ-ẹnu ààlà;

70:32

Abu Rahimah Mikael Aykyuniàwọn tó ń ṣọ́ àgbàfipamọ́ wọn àti àdéhùn wọn;

70:33

Abu Rahimah Mikael Aykyuniàwọn tó ń dúró ti ìjẹ́rìí (òdodo) wọn;

70:34

Abu Rahimah Mikael Aykyuniàti àwọn tó ń ṣọ́ àwọn ìrun wọn.

70:35

Abu Rahimah Mikael AykyuniÀwọn wọ̀nyẹn ni alápọ̀n-ọ́nlé nínú àwọn Ọgbà Ìdẹ̀ra.

70:36

Abu Rahimah Mikael AykyuniKí ló mú àwọn tí kò gbàgbọ́ tí ara wọn kò balẹ̀ níwájú rẹ,

70:37

Abu Rahimah Mikael Aykyunití wọ́n sì jókòó ní ìsọ̀rí ìsọ̀rí sí ọwọ́ ọ̀tún àti ọwọ́ òsì (rẹ)?

70:38

Abu Rahimah Mikael AykyuniṢé ẹnì kọ̀ọ̀kan nínú wọn ń jẹ̀rankàn pé A óò mú òun wọ inú Ọgbà Ìdẹ̀ra ni?

70:39

Abu Rahimah Mikael AykyuniRárá o! Dájúdájú Àwa ṣẹ̀dá wọn láti inú ohun tí wọ́n mọ̀.

70:40

Abu Rahimah Mikael AykyuniNítorí náà, Èmi ń fi Olúwa àwọn ibùyọ òòrùn àti àwọn ibùwọ̀ òòrùn[1] búra, dájúdájú Àwa ni Alágbára

70:41

Abu Rahimah Mikael Aykyuniláti yí (ìrísí wọn) padà (ní ọjọ́ Àjíǹde) sí (ìrísí kan) tó máa dára ju (ìrísí) wọn (tayé). Kò sì sí ẹni tó lè dá Wa lágara.[1]

70:42

Abu Rahimah Mikael AykyuniNítorí náà, fi wọ́n sílẹ̀ kí wọ́n máa sọ ìsọkúsọ (wọn), kí wọ́n sì máa ṣeré títí wọn yóò fi pàdé ọjọ́ wọn tí À ń ṣe ní àdéhùn fún wọn.

70:43

Abu Rahimah Mikael AykyuniỌjọ́ tí wọn yóò sáré jáde wéréwéré láti inú àwọn sàréè, wọn yó sì dà bí ẹni pé wọ́n ń yára lọ sídìí ohun àfojúsùn kan.

70:44

Abu Rahimah Mikael AykyuniOjú wọn yóò wálẹ̀. Ìyẹpẹrẹ máa bò wọ́n mọ́lẹ̀. Ọjọ́ yẹn ni èyí tí À ń ṣe ní àdéhùn fún wọn.