القيامة

Al-Qiyamah

Sūrah 75 · ti Mọkkah · āyah 40 · Ètò ìsọ̀kalẹ̀: 31

Kíkọ

Ìtúmọ̀ ọ̀rọ̀ Kíkà ní lẹ́tà Látìnì

Àwọn ìtúmọ̀

Tẹ ọ̀rọ̀ Lárúbáwá kan láti rí kíkà rẹ̀, ìgbékalẹ̀ rẹ̀ àti gbòǹgbò rẹ̀.

بِسْمِ ٱللَّهِ ٱلرَّحْمَٰنِ ٱلرَّحِيمِ

75:1

Abu Rahimah Mikael AykyuniÈmi (Allāhu) ń fi Ọjọ́ Àjíǹde búra.

75:2

Abu Rahimah Mikael AykyuniMo tún ń fi ẹ̀mí tó máa dá ara rẹ̀ ní ẹ̀bi búra.

75:3

Abu Rahimah Mikael AykyuniṢé ènìyàn lérò pé A kò níí kó àwọn eegun rẹ̀ jọ ni?

75:4

Abu Rahimah Mikael AykyuniRárá. (À ń jẹ́) Alágbára láti to eegun ọmọníka rẹ̀ dọ́gba.

75:5

Abu Rahimah Mikael AykyuniRárá ènìyàn fẹ́ máa ṣe aburú lọ bẹ́ẹ̀ nínú ìṣẹ̀mí ayé rẹ̀

75:6

Abu Rahimah Mikael Aykyunini ó fi ń bèèrè pé: “Ìgbà wo ni Ọjọ́ Àjíǹde?”

75:7

Abu Rahimah Mikael AykyuniNígbà tí ojú bá rí ìdààmú tó sì yà sílẹ̀ tí kò lè padé,

75:8

Abu Rahimah Mikael Aykyuniàti (nígbà) tí òṣùpá bá wọ̀ọ̀kùn,

75:9

Abu Rahimah Mikael Aykyuniàti (nígbà) tí wọ́n bá pa òòrùn àti òṣùpá pọ̀ mọ́ra wọn tí ìmọ́lẹ̀ méjèèjì pòóró,

75:10

Abu Rahimah Mikael Aykyuniènìyàn yóò wí ní ọjọ́ yẹn pé: “Níbo ni ibùsásí wà?”

75:11

Abu Rahimah Mikael AykyuniRárá, kò sí ibùsásí.

75:12

Abu Rahimah Mikael AykyuniỌ̀dọ̀ Olúwa rẹ ni ibùdúró ní ọjọ́ yẹn.

75:13

Abu Rahimah Mikael AykyuniWọ́n máa fún ènìyàn ní ìró ní ọjọ́ yẹn nípa ohun tó tì síwájú (nínú iṣẹ́ rẹ̀) àti ohun tó fi kẹ́yìn (nínú orípa iṣẹ́ rẹ̀).

75:14

Abu Rahimah Mikael AykyuniṢebí ènìyàn dá ara rẹ̀ mọ̀,

75:15

Abu Rahimah Mikael Aykyuniìbáà mú àwọn àwáwí rẹ̀ wá.

75:16

Abu Rahimah Mikael AykyuniMá ṣe gbé ahọ́n rẹ sí ìmísí láti kánjú ké e.

75:17

Abu Rahimah Mikael AykyuniDájúdájú Àwa l’A máa ṣe àkójọ rẹ̀ (sínú ọkàn rẹ) àti kíké rẹ̀.

75:18

Abu Rahimah Mikael AykyuniNígbà tí A bá ń ké e (fún ọ), kí o sì máa tẹ̀lé kíké rẹ̀.

75:19

Abu Rahimah Mikael AykyuniLẹ́yìn náà, dájúdájú Àwa l’A máa ṣe àlàyé rẹ̀ fún ọ.

75:20

Abu Rahimah Mikael AykyuniKò rí bẹ́ẹ̀, bí kò ṣe pé, ẹ nífẹ̀ẹ́ ayé ni.

75:21

Abu Rahimah Mikael AykyuniẸ sì ń gbé ọ̀run jù sílẹ̀.

75:22

Abu Rahimah Mikael AykyuniÀwọn ojú kan ní ọjọ́ yẹn yóò tutù (fún ìdùnnú).

75:23

Abu Rahimah Mikael AykyuniOlúwa wọn ni wọn yóò máa wò.

75:24

Abu Rahimah Mikael AykyuniÀwọn ojú kan ní ọjọ́ yẹn sì máa bàjẹ́.

75:25

Abu Rahimah Mikael Aykyuni(Ojú náà) yóò mọ̀ dájú pé wọ́n máa fi aburú kan òhun.

75:26

Abu Rahimah Mikael AykyuniKò rí bẹ́ẹ̀, nígbà tí ẹ̀mí bá dé gògòńgò.

75:27

Abu Rahimah Mikael AykyuniA sì máa sọ pé: “Ǹjẹ́ olùpọfọ̀ kan wà bí (tí ó máa pọfọ̀ láti gbà á sílẹ̀ lọ́wọ́ ikú)?

75:28

Abu Rahimah Mikael AykyuniÓ sì máa dá a lójú pé dájúdájú ìpínyà ayé ti dé.

75:29

Abu Rahimah Mikael AykyuniOjúgun yó sì lọ́mọ́ ojúgun.

75:30

Abu Rahimah Mikael AykyuniỌ̀dọ̀ Olúwa rẹ sì ni wíwa ẹ̀dá lọ ní ọjọ́ yẹn.

75:31

Abu Rahimah Mikael AykyuniKò kúkú gba òdodo gbọ́, kò sì kírun.

75:32

Abu Rahimah Mikael AykyuniṢùgbọ́n ó pe òdodo ní irọ́. Ó sì kẹ̀yìn sí i.

75:33

Abu Rahimah Mikael AykyuniLẹ́yìn náà, ó lọ sí ọ̀dọ̀ àwọn ènìyàn rẹ̀, ó sì ń ṣe fáàrí.

75:34

Abu Rahimah Mikael Aykyuni(Ìparun nílé ayé) ló tọ́ sí ọ jùlọ (lórí àwọn ẹ̀ṣẹ̀ rẹ wọ̀nyẹn). (Ìyẹn) ló sì tọ́ sí ọ jùlọ.

75:35

Abu Rahimah Mikael AykyuniLẹ́yìn náà, (Iná) ló tọ́ sí ọ jùlọ (ní ọ̀run). (Ìyẹn) ló sì tọ́ sí ọ jùlọ.

75:36

Abu Rahimah Mikael AykyuniṢé ènìyàn lérò pé A máa fi òun sílẹ̀ lásán ni?

75:37

Abu Rahimah Mikael AykyuniṢé kò ti jẹ́ àtọ̀ mọnī tí wọ́n dà jáde sínú àpòlùkẹ́ ni?

75:38

Abu Rahimah Mikael AykyuniLẹ́yìn náà, ó di ẹ̀jẹ̀ dídì. (Allāhu) sì ṣẹ̀dá (rẹ̀). Ó sì ṣe é tó dọ́gba jálẹ̀ léèyàn.

75:39

Abu Rahimah Mikael Aykyuni(Allāhu) sì ṣe ìran méjì jáde láti ara rẹ̀, akọ àti abo.

75:40

Abu Rahimah Mikael AykyuniǸjẹ́ Ẹni tí Ó ṣe ìyẹn kò níí ní agbára láti jí àwọn òkú dìde bí?