Sūrah Al-Muddaththir (74) — ọ̀rọ̀ sí ọ̀rọ̀, gbòǹgbò àti ìtúmọ̀

Abu Rahimah Mikael AykyuniÀwa kò ṣe ẹnì kan ní ẹ̀ṣọ́ Iná àfi àwọn mọlāika. Àwa kò sì ṣe òǹkà wọn (bẹ́ẹ̀) bí kò ṣe (nítorí kí ó lè jẹ́) àdánwò fún àwọn tó ṣàì gbàgbọ́, àti nítorí kí àwọn tí A fún ní Tírà lè ní àmọ̀dájú àti nítorí kí àwọn tí wọ́n gbàgbọ́ ní òdodo lè lékún ní ìgbàgbọ́ òdodo. (Ó rí bẹ́ẹ̀) nítorí kí àwọn tí A fún ní Tírà àti àwọn onígbàgbọ́ òdodo má baà ṣeyèméjì àti nítorí kí àwọn tí àrùn wà nínú ọkàn wọn àti àwọn aláìgbàgbọ́ lè wí pé: “Kí ni Allāhu gbà lérò pẹ̀lú àpèjúwe yìí?” Báyẹn ni Allāhu ṣe ń ṣi ẹni tí Ó bá fẹ́ lọ́nà, Ó sì ń tọ́ ẹni tí Ó bá fẹ́ sọ́nà. Kò sì sí ẹni tí ó mọ àwọn ọmọ ogun Olúwa rẹ àfi Òun náà. (Iná Saƙọr) kò sì jẹ́ kiní kan bí kò ṣe ìrántí fún abara.

74:32

Abu Rahimah Mikael AykyuniẸ gbọ́! Allāhu fi òṣùpá búra.

74:33

Abu Rahimah Mikael AykyuniÓ tún fi alẹ́ nígbà tí ó bá lọ búra.

74:34

Abu Rahimah Mikael AykyuniÓ tún fi òwúrọ̀ nígbà tí ojúmọ́ bá mọ́ búra.

74:35

Abu Rahimah Mikael AykyuniDájúdájú (iná Saƙọr) ni ọ̀kan nínú (àwọn àdánwò) tó tóbi.

74:36

Abu Rahimah Mikael Aykyuni(Ó jẹ́) ìkìlọ̀ fún abara.

74:37

Abu Rahimah Mikael AykyuniFún ẹni tí ó bá fẹ́ nínú yín láti tẹ̀ síwájú tàbí láti fà sẹ́yìn (nínú ẹ̀ṣẹ̀).

74:38

Abu Rahimah Mikael AykyuniẸ̀mí kọ̀ọ̀kan ni onídùúró fún ohun tó ṣe níṣẹ́.

74:39

Abu Rahimah Mikael AykyuniÀyàfi àwọn èrò ọwọ́ ọ̀tún.

74:40

Abu Rahimah Mikael AykyuniWọn yóò máa bira wọn léèrè ọ̀rọ̀ nínú àwọn Ọgbà Ìdẹ̀ra

74:41

Abu Rahimah Mikael Aykyuninípa àwọn ẹlẹ́ṣẹ̀ pé:

74:42

Abu Rahimah Mikael Aykyuni“Kí ni ó mu yín wọ inú iná Saƙọr?”

74:43

Abu Rahimah Mikael AykyuniWọn yóò wí pé: “Àwa kò sí nínú àwọn olùkírun ni.

74:44

Abu Rahimah Mikael AykyuniÀwa kò sì sí nínú àwọn tó ń bọ́ àwọn mẹ̀kúnnù.

74:45

Abu Rahimah Mikael AykyuniÀwa sì máa ń sọ ìsọkúsọ pẹ̀lú àwọn onísọkúsọ.

74:46

Abu Rahimah Mikael AykyuniÀti pé àwa máa ń pe Ọjọ́ ẹ̀san ní irọ́

74:47

Abu Rahimah Mikael Aykyunitítí ikú fi dé bá wa.”

74:48

Abu Rahimah Mikael AykyuniÌpẹ̀ àwọn olùṣìpẹ̀ kò sì níí ṣe wọ́n ní àǹfààní.

74:49

Abu Rahimah Mikael AykyuniKí ló mú wọn ná tí wọ́n ń gbúnrí kúrò níbi ìrántí

74:50

Abu Rahimah Mikael Aykyunibí ẹni pé àwọn ni kẹ́tẹ́kẹ́tẹ́ tó ń sá lọ,

74:51

Abu Rahimah Mikael Aykyunitó sá fún kìnìhún?

74:52

Abu Rahimah Mikael AykyuniRárá, ńṣe ni ẹnì kọ̀ọ̀kan nínú wọn ń fẹ́ kí Á fún òun náà ní Tírà tí ó máa ṣeé tẹ́ han àwọn ènìyàn (bíi ti al-Ƙur’ān).

74:53

Abu Rahimah Mikael AykyuniRárá. Wọn kò páyà ọ̀run ni.

74:54

Abu Rahimah Mikael AykyuniẸ gbọ́! Dájúdájú al-Ƙur’ān ni ìrántí.

74:55

Abu Rahimah Mikael AykyuniNítorí náà, ẹni tí ó bá fẹ́, kí ó rántí rẹ̀.

74:56

Abu Rahimah Mikael AykyuniWọn kò sì níí rántí (al-Ƙur’ān) àfi tí Allāhu bá fẹ́. (Allāhu) Òun l’a gbọ́dọ̀ bẹ̀rù. Òun l’ó sì ni àforíjìn.