Sūrah Al-Mursalat (77) — ọ̀rọ̀ sí ọ̀rọ̀, gbòǹgbò àti ìtúmọ̀

77:1

Abu Rahimah Mikael AykyuniAllāhu fi àwọn atẹ́gùn tó ń sáré ní tẹ̀léǹtẹ̀lé búra.

77:2

Abu Rahimah Mikael AykyuniÓ fi àwọn ìjì atẹ́gùn tó ń jà búra.

77:3

Abu Rahimah Mikael AykyuniÓ fi àwọn atẹ́gùn tó ń tú èṣújò ká búra.

77:4

Abu Rahimah Mikael AykyuniÓ fi àwọn tó ń ṣèpínyà láààrin òdodo àti irọ́ búra.

77:5

Abu Rahimah Mikael AykyuniÓ fi àwọn mọlāika tó ń mú ìrántí wá (bá àwọn Òjíṣẹ́) búra.

77:6

Abu Rahimah Mikael Aykyuni(Ìrántí náà jẹ́) àwíjàre tàbí ìkìlọ̀.

77:7

Abu Rahimah Mikael AykyuniDájúdájú ohun tí A ṣe ní àdéhùn fún yín kúkú máa ṣẹlẹ̀.

77:8

Abu Rahimah Mikael AykyuniNítorí náà, nígbà tí wọ́n bá pa (ìmọ́lẹ̀) ìràwọ̀ rẹ́,

77:9

Abu Rahimah Mikael Aykyuniàti nígbà tí wọ́n bá ṣí sánmọ̀ sílẹ̀ gbagada,

77:10

Abu Rahimah Mikael Aykyuniàti nígbà tí wọ́n bá ku àwọn àpáta dànù,

77:11

Abu Rahimah Mikael Aykyuniàti nígbà tí wọ́n bá fún àwọn Òjíṣẹ́ ní àsìkò láti kójọ (pẹ̀lú ìjọ wọn),

77:12

Abu Rahimah Mikael Aykyuniọjọ́ wo ni wọ́n so (àwọn ìṣẹ̀lẹ̀ wọ̀nyí) rọ̀ fún ná?

77:13

Abu Rahimah Mikael AykyuniFún ọjọ́ ìpínyà (láààrin àwọn ẹ̀dá) ni.

77:14

Abu Rahimah Mikael AykyuniKí sì ni ó mú ọ mọ ohun tó ń jẹ́ Ọjọ́ ìpínyà?

77:15

Abu Rahimah Mikael AykyuniÈgbé ni ní ọjọ́ yẹn fún àwọn olùpe-òdodo-nírọ́.

77:16

Abu Rahimah Mikael AykyuniǸjẹ́ Àwa kò ti pa àwọn ẹni àkọ́kọ́ rẹ́ bí?

77:17

Abu Rahimah Mikael AykyuniLẹ́yìn náà, A sì máa fi àwọn ẹni Ìkẹ́yìn tẹ̀lé wọn (nínú ìparun).

77:18

Abu Rahimah Mikael AykyuniBáyẹn ni A ó ti ṣe pẹ̀lú àwọn ẹlẹ́ṣẹ̀.

77:19

Abu Rahimah Mikael AykyuniÈgbé ni ní ọjọ́ yẹn fún àwọn olùpe-òdodo-nírọ́.

77:20

Abu Rahimah Mikael AykyuniṢé A kò ṣẹ̀dá yin láti inú omi lílẹ yẹpẹrẹ bí?

77:21

Abu Rahimah Mikael AykyuniLẹ́yìn náà, A fi sínú àyè ààbò (ìyẹn, ilé-ọmọ)

77:22

Abu Rahimah Mikael Aykyunitítí di gbèdéke àkókò kan tí A ti mọ̀ (ìyen, ọjọ́ ìbímọ).

77:23

Abu Rahimah Mikael AykyuniA sì ní ìkápá àti àyànmọ́ (lórí rẹ̀. Àwa sì ni) Olùkápá àti Olùpèbùbù ẹ̀dá tó dára.

77:24

Abu Rahimah Mikael AykyuniÈgbé ni ní ọjọ́ yẹn fún àwọn olùpe-òdodo-nírọ́.

77:25

Abu Rahimah Mikael AykyuniǸjẹ́ Àwa kò ṣe ilẹ̀ ní ohun tó ń kó ẹ̀dá jọ mọ́ra wọn;

77:26

Abu Rahimah Mikael Aykyuni(ìyẹn) àwọn alààyè àti àwọn òkú?

77:27

Abu Rahimah Mikael AykyuniA sì fi àwọn àpáta gbagidi gíga-gíga sínú rẹ̀. A sì fún yín ní omi dídùn mu.

77:28

Abu Rahimah Mikael AykyuniÈgbé ni ní ọjọ́ yẹn fún àwọn olùpe-òdodo-nírọ́.

77:29

Abu Rahimah Mikael AykyuniẸ máa lọ sí ibi tí ẹ̀ ń pè ní irọ́.

77:30

Abu Rahimah Mikael AykyuniẸ máa lọ sí ibi èéfín ẹlẹ́ka mẹ́ta.

77:31

Abu Rahimah Mikael AykyuniKì í ṣe ibòji tútù. Kò sì níí rọ̀ wọ́n lọ́rọ̀ nínú ìjòfòfò Iná.

77:32

Abu Rahimah Mikael AykyuniDájúdájú (Iná náà) yóò máa ju ẹ̀tapàrà (rẹ̀ sókè tó máa dà) bí pẹ̀tẹ́ẹ̀sì.

77:33

Abu Rahimah Mikael Aykyuni(Ó máa dà) bí àwọn ràkúnmí aláwọ̀ omi ọsàn.

77:34

Abu Rahimah Mikael AykyuniÈgbé ni ní ọjọ́ yẹn fún àwọn olùpe-òdodo-nírọ́

77:35

Abu Rahimah Mikael AykyuniÈyí ni ọjọ́ tí wọn kò níí sọ̀rọ̀.

77:36

Abu Rahimah Mikael AykyuniA kò sì níí yọ̀ǹda (ọ̀rọ̀ sísọ) fún wọn, áḿbọ̀sìbọ́sí pé wọ́n yóò mú àwáwí wá.

77:37

Abu Rahimah Mikael AykyuniÈgbé ni ní ọjọ́ yẹn fún àwọn olùpe-òdodo-nírọ́.

77:38

Abu Rahimah Mikael AykyuniÈyí ni ọjọ́ ìpínyà. Àwa yó sì kó ẹ̀yin àti àwọn ẹni àkọ́kọ́ jọ.

77:39

Abu Rahimah Mikael AykyuniTí ẹ bá ní ète kan lọ́wọ́, ẹ déte sí Mi wò.

77:40

Abu Rahimah Mikael AykyuniÈgbé ni ní ọjọ́ yẹn fún àwọn olùpe-òdodo-nírọ́.

77:41

Abu Rahimah Mikael AykyuniDájúdájú àwọn olùbẹ̀rù Allāhu yóò wà níbi ibòji àti àwọn omi ìṣẹ́lẹ̀rú,

77:42

Abu Rahimah Mikael Aykyuniàti àwọn èso èyí tí wọ́n bá ń fẹ́.

77:43

Abu Rahimah Mikael AykyuniẸ jẹ, kí ẹ sì mu pẹ̀lú ìgbádùn nítorí ohun tí ẹ̀ ń ṣe níṣẹ́.

77:44

Abu Rahimah Mikael AykyuniDájúdájú báyẹn ni Àwa ṣe ń san àwọn olùṣe-rere ní ẹ̀san (rere).

77:45

Abu Rahimah Mikael AykyuniÈgbé ni ní ọjọ́ yẹn fún àwọn olùpe-òdodo-nírọ́.

77:46

Abu Rahimah Mikael AykyuniẸ jẹ, kí ẹ sì gbádùn fún ìgbà díẹ̀. Dájúdájú ẹlẹ́ṣẹ̀ ni yín.

77:47

Abu Rahimah Mikael AykyuniÈgbé ni ní ọjọ́ yẹn fún àwọn olùpe-òdodo-nírọ́.

77:48

Abu Rahimah Mikael AykyuniNígbà tí wọ́n bá sọ fún wọn pé kí wọ́n kírun, wọn kò níí kírun.

77:49

Abu Rahimah Mikael AykyuniÈgbé ni ní ọjọ́ yẹn fún àwọn olùpe-òdodo-nírọ́.

77:50

Abu Rahimah Mikael AykyuniNígbà náà, ọ̀rọ̀ wo ni wọn yóò gbàgbọ́ lẹ́yìn rẹ̀?[1]