المزمل

Al-Muzzammil

ሱራ 73 · መካ · 20 አንቀጾች · የወረደበት ቅደም ተከተል፦ 3

ጽሕፈት
ትርጉሞች

ንባቡን፣ አወቃቀሩንና ሥሩን ለማየት የዐረብኛ ቃል ይንኩ።

بِسْمِ ٱللَّهِ ٱلرَّحْمَٰنِ ٱلرَّحِيمِ
73:1
  1. Sadiq & Sani Habibአንተ ተከናናቢው ሆይ፡፡
73:2
  1. Sadiq & Sani Habibሌሊቱን ሁሉ ጥቂት ሲቀር ቁም፤ (ስገደ)፡፡
73:3
  1. Sadiq & Sani Habibግማሹን (ቁም)፤ ወይም ከርሱ ጥቂትን ቀንስ፡፡
73:4
  1. Sadiq & Sani Habibወይም በእርሱ ላይ ጨምር፡፡ ቁርኣንንም በዝግታ ማንበብን አንብብ፡፡
73:5
  1. Sadiq & Sani Habibእኛ ባንተ ላይ ከባድ ቃልን እንጥላለንና፡፡
73:6
  1. Sadiq & Sani Habibየሌሊት መነሳት እርሷ (ሕዋሳትንና ልብን) ለማስማማት በጣም ብርቱ ናት፡፡ ለማንበብም ትክክለኛ ናት፡፡
73:7
  1. Sadiq & Sani Habibላንተ በቀን ውስጥ ረዥም መዘዋወር አልለህ፡፡
73:8
  1. Sadiq & Sani Habibየጌታህንም ስም አውሳ፤ ወደእርሱም (መግገዛት) መቋረጥን ተቋረጥ ፡፡
73:9
  1. Sadiq & Sani Habib(እርሱም) የምሥራቅና የምዕራብ ጌታ ነው፡፡ ከእርሱ ሌላ አምላክ የለም፡፡ መጠጊያ አድርገህም ያዘው፡፡
73:10
  1. Sadiq & Sani Habib(ከሓዲዎች) በሚሉትም ላይ ታገሥ፡፡ መልካምንም መተው ተዋቸው፡፡
73:11
  1. Sadiq & Sani Habibየድሎት ባለቤቶችም ከኾኑት አስተባባዮች ጋር ተዎኝ፡፡ ጥቂትንም ጊዜ አቆያቸው፡፡
73:12
  1. Sadiq & Sani Habibእኛ ዘንድ ከባድ ማሰሪያዎች እሳትም አልለና፡፡
73:13
  1. Sadiq & Sani Habibየሚያንቅ ምግብም፤ አሳማሚ ቅጣትም (አልለ)
73:14
  1. Sadiq & Sani Habibምድርና ገራዎች በሚርገፈገፉበት፣ ጋራዎችም ፈሳሽ የአሸዋ ክምር በሚኾኑበት ቀን፡፡
73:15
  1. Sadiq & Sani Habibእኛ በእናንተ ላይ መስካሪ መልክተኛን ወደእናንተ ላክን፡፡ ወደ ፈርዖን መልክተኛን እንደላክን፡፡
73:16
  1. Sadiq & Sani Habibፈርዖንም መልክተኛውን አመጸ፤ ብርቱ መያዝንም ያዝነው፡፡
73:17
  1. Sadiq & Sani Habibብትክዱ ልጆችን ሸበቶዎች የሚያደርገውን ቀን (ቅጣት) እንዴት ትጠበቃላችሁ፡፡
73:18
  1. Sadiq & Sani Habibሰማዩ በርሱ (በዚያ ቀን) ተሰንጣቂ ነው፡፡ ቀጠሮው ተፈጻሚ ነው፡፡
73:19
  1. Sadiq & Sani Habibይህቺ መገሠጫ ናት፡፡ (መዳንን) የሻም ሰው ወደ ጌታው መንገድን ይይዛል፡፡
73:20
  1. Sadiq & Sani Habibአንተ ከሌሊቱ ሁለት እጅ ያነሰን ግማሹንም ሲሶውንም የምትቆም መኾንህን ጌታህ በእርግጥ ያውቃል፡፡ ከእነዚያም አብረውህ ካሉት ከፊሎች (የሚቆሙ መኾናቸውን ያውቃል)፡፡ አላህም ሌሊትንና ቀንን ይለክካል፡፡ (ሌሊቱን) የማታዳርሱት መኾናችሁን ዐወቀ፡፡ በእናንተ ላይም (ወደ ማቃለል) ተመለሰላችሁ፡፡ ስለዚህ ከቁርኣን (በስግደት) የተቻላችሁን አንብቡ፡፡ ከእናንተ ውስጥ በሽተኞች፣ ሌሎችም ከአላህ ችሮታ ለመፈለግ በምድር ላይ የሚጓዙ፣ ሌሎችም በአላህ መንገድ (ሃይማኖት) የሚጋደሉ እንደሚኖሩ ዐወቀ፡፡ (አቃለለላቸውም)፡፡ ከእርሱም የተቻለችሁን አንብቡ፡፡ ሶላትንም ስገዱ፡፡ ዘካንም ስጡ፡፡ ለአላህም መልካም ብደርን አበድሩ፡፡ ከመልካም ሥራም ለነፍሶቻችሁ የምታስቀድሙትን ሁሉ እርሱ የተሻለና በምንዳም ታላቅ ኾኖ አላህ ዘንድ ታገኙታላችሁ፡፡ አላህንም ምሕረትን ለምኑት፡፡ አላህ በጣም መሓሪ አዛኝ ነውና፡፡