القمر

Al-Qamar

Sura ta 54 · ta Makka · ayoyi 55 · Tsarin saukarwa: 37

Rubutu
Fassarori

Taɓa kalmar Larabci don ganin karatunta, tsarinta da tushenta.

بِسْمِ ٱللَّهِ ٱلرَّحْمَٰنِ ٱلرَّحِيمِ
54:1
  1. Abubakar Mahmoud GumiSã'a ta yi kusa, kuma wata ya tsãge.
54:2
  1. Abubakar Mahmoud GumiKuma idan sun ga wata ãyã, sai su juya baya su ce: "Sihiri ne mai dõgẽwa!"
54:3
  1. Abubakar Mahmoud GumiKuma suka ƙaryata, kuma suka bi son zũciyarsu, alhãli kuwa kõwane al'amari (wanda suke son su tũre daga Annabi) an tabbatar da shi.
54:4
  1. Abubakar Mahmoud GumiKuma lalle, abin da yake akwai tsãwatarwa a cikinsa na lãbãraiya zo musu.
54:5
  1. Abubakar Mahmoud GumiHikima cikakka! Sai dai abũbuwan gargaɗi bã su amfãni.
54:6
  1. Abubakar Mahmoud GumiSabõda haka, ka bar su! Rãnar da mai kiran zai yi kira zuwa ga wani abu abin ƙyama.
54:7
  1. Abubakar Mahmoud Gumi¡asƙantattu ga idanunsu zã su fito daga kaburburansu, kamar dai sũ fãri ne waɗandasuka wãtse.
54:8
  1. Abubakar Mahmoud GumiSunã gaggãwar tafiya zuwa ga mai kiran, kãfirai na cẽwa, "Wannan yini ne mai wuya!"
54:9
  1. Abubakar Mahmoud GumiMutãnen Nũhu sun ƙaryata, a gabãninsu, sai suka ƙaryata BawanMu, kuma suka ce: "Shi mahaukaci ne." Kuma aka tsãwace shi.
54:10
  1. Abubakar Mahmoud GumiSabõda haka, ya kira Ubangijinsa (ya ce), "Lalle nĩ, an rinjãye ni, sai Ka yi taimako."
54:11
  1. Abubakar Mahmoud GumiSai Muka bũɗe kõfõfin sama da ruwa mai zuba.
54:12
  1. Abubakar Mahmoud GumiKuma Muka ɓuɓɓugar da ƙasã ta zama idãnun ruwa, daɗa ruwa ya haɗu a kan wani umurni da aka riga aka ƙaddara shi.
54:13
  1. Abubakar Mahmoud GumiKuma Muka ɗauke Nũhu a kan (jirgi) na alluna da ƙũsõshi.
54:14
  1. Abubakar Mahmoud GumiTanã gudãna, a kan idãnunMu, dõmin sakamako ga wanda aka yi wa kãfircin.
54:15
  1. Abubakar Mahmoud GumiKuma lalle, Mun bar ta ta zama ãyã. To, Shin, akwai mai tunãni
54:16
  1. Abubakar Mahmoud GumiTo, yãyã azãbãTa take da gargaɗiNa?
54:17
  1. Abubakar Mahmoud GumiKuma lalle ne, haƙĩkƙa, Mun sauƙaƙe Alƙur'ãni, dõmin tunãwa. To, shin, akwai mai tunãwa?
54:18
  1. Abubakar Mahmoud GumiÃdãwa sun ƙaryata, to, yãya azãbãTa take, da gargaɗiNa?
54:19
  1. Abubakar Mahmoud GumiLalle Mũ, Mun aika da iska mai tsananin sauti a kansu, a cikin wani yinin nahĩsa mai dõgẽwa.
54:20
  1. Abubakar Mahmoud GumiTanã fizgar mutãne kamar dai sũ kututturan dabĩno tumɓukakku ne.
54:21
  1. Abubakar Mahmoud GumiTo, yãya azãbãTa take da gargaɗiNa?
54:22
  1. Abubakar Mahmoud GumiKuma lalle ne, haƙiƙa Mun sauƙaƙe Alƙur'ani, dõmin tunãwa. To, shin, akwai mai tunãwa?
54:23
  1. Abubakar Mahmoud GumiSamũdãwa sun ƙaryata game da gargaɗin.
54:24
  1. Abubakar Mahmoud GumiSai suka ce: "Wani mutum daga cikinmu, shi kaɗai, wai mu bĩ shi! Lalle mũ a lõkacin, haƙĩƙa mun shiga wata ɓata da haukã.
54:25
  1. Abubakar Mahmoud Gumi"Shin, an jẽfa masa Manzancin ne, a tsakãninmu? Ã'a, shĩ dai gawurtaccen maƙaryaci ne mai girman kai!"
54:26
  1. Abubakar Mahmoud GumiZã su sani a gõbe, wãne ne gawurtaccen mai ƙaryar, mai girman kan?
54:27
  1. Abubakar Mahmoud GumiLalle Mũ, mãsu aikãwa da rãƙumar ne, ta zame musu fitina, sai ka tsare su da kallo, kuma ka yi haƙuri.
54:28
  1. Abubakar Mahmoud GumiKuma ka bã su lãbãri cẽwa ruwa rababbe ne a tsakãninsu (da rãƙumar), kõwane sha, mai shi yanã halartar sa.
54:29
  1. Abubakar Mahmoud GumiSai suka kira abokinsu, sai ya karɓa, sa'an nan ya sõke ta,
54:30
  1. Abubakar Mahmoud GumiTo, yãya azãbaTa take da gargaɗiNa?
54:31
  1. Abubakar Mahmoud GumiLalle Mũ, Mun aika tsãwa guda a kansu, sai suka kasance kamar yãyin mai shinge.
54:32
  1. Abubakar Mahmoud GumiKuma lalle ne, haƙĩƙa, Mun sauƙaƙe Alƙur'ani, dõmin tunãwa. To, shin, akwai mai tunãwa?
54:33
  1. Abubakar Mahmoud GumiMutãnen Lũɗu sun ƙaryata, game da gargaɗi.
54:34
  1. Abubakar Mahmoud GumiLalle Mun aika iskar tsakuwa a kansu, fãce mabiyan Lũɗu, Mun tsirar da su a lõkacin asuba.
54:35
  1. Abubakar Mahmoud GumiSabõda wata ni'ima ta daga gare Mu. Kamar haka Muke sãka wa wanda ya gõde.
54:36
  1. Abubakar Mahmoud GumiKuma lalle, haƙĩƙa, ya yi musu gargaɗin damƙarMu, sai suka yi musu game da gargaɗin.
54:37
  1. Abubakar Mahmoud GumiKuma lalle haƙĩƙa, su, sun nẽme shi ta wajen bãƙinsa, sai Muka shãfe idãnunsu. "To, ku ɗanɗani azãbaTa da gargaɗĩNa."
54:38
  1. Abubakar Mahmoud GumiKuma lalle, haƙĩƙa, wata azãba matabbaciya tã wãye musu gari da yãƙi, tun da sãfe.
54:39
  1. Abubakar Mahmoud GumiTo, ku ɗanɗani azãbãTa da gargaɗĩNa.
54:40
  1. Abubakar Mahmoud GumiKuma lalle ne, haƙĩƙa, Mun sauƙaƙe Alƙur, ani dõmin tunãwa. To, shin, akwai mai tunãwa?
54:41
  1. Abubakar Mahmoud GumiKuma lalle, haƙĩƙa, gargaɗin ya jẽ wa mabiyan Fir'auna.
54:42
  1. Abubakar Mahmoud GumiSun ƙaryata game da ãyõyinMu, dukansu sai Muka kãma su, irin kãmun Mabuwãyi, Mai ĩkon yi.
54:43
  1. Abubakar Mahmoud GumiShin, kãfiranku ne mafi alhẽri daga waɗancan, ko kuwa kunã da wata barã'a a cikin littattafai?
54:44
  1. Abubakar Mahmoud GumiKõ zã su ce: "Mũ duka mãsu haɗa ƙarfi ne dõmin cin nasara?"
54:45
  1. Abubakar Mahmoud GumiZã a karya tãron, kuma su jũya bãya dõmin gudu.
54:46
  1. Abubakar Mahmoud GumiÃ'a, Sã'a ita cẽ lõkacin wa'adinsu, kuma Sã'ar tã fi tsananin masĩfa, kuma ta fiɗãci.
54:47
  1. Abubakar Mahmoud GumiLalle ne, mãsu laifi sunã a cikin ɓata da hauka.
54:48
  1. Abubakar Mahmoud GumiRãnar da zã a jã su a cikin wuta a kan fuskõkinsu. "Ku ɗanɗani shãfar wutar Saƙar."
54:49
  1. Abubakar Mahmoud GumiLalle Mũ, kõwane irin abu Mun halitta shi a kan tsãri.
54:50
  1. Abubakar Mahmoud GumiKuma umurninMu bai zamo ba fãce da kalma ɗaya, kamar walƙãwar ido.
54:51
  1. Abubakar Mahmoud GumiKuma lalle ne haƙĩƙa, Mun halaka irin gayyarku. To, shin, akwai mai tunãni?
54:52
  1. Abubakar Mahmoud GumiKuma kõwane abu, da suka aikata shi, yanã a cikin littattafai.
54:53
  1. Abubakar Mahmoud GumiKuma dukkan ƙarami da babba, rubutacce ne.
54:54
  1. Abubakar Mahmoud GumiLalle mãsu taƙawa sunã a cikin gidãjen Aljanna da kõguna.
54:55
  1. Abubakar Mahmoud GumiA cikin mazaunin gaskiya, wurin Mai ikon yi, Mai iya zartaswa.