المرسلات

Al-Mursalat

Sura ta 77 · ta Makka · ayoyi 50 · Tsarin saukarwa: 33

Rubutu
Fassarori

Taɓa kalmar Larabci don ganin karatunta, tsarinta da tushenta.

بِسْمِ ٱللَّهِ ٱلرَّحْمَٰنِ ٱلرَّحِيمِ
77:1
  1. Abubakar Mahmoud GumiIna rantsuwa da iskõkin da ake sakõwa jẽre, sunã bin jũna.
77:2
  1. Abubakar Mahmoud GumiSa'an nan, su zamã iskõki mãsu ƙarfi suna kaɗãwa da ƙarfi.
77:3
  1. Abubakar Mahmoud GumiKuma, mãsu watsa rahama wãtsãwa.
77:4
  1. Abubakar Mahmoud Gumisa'an nan, da ãyõyi mãsu rarrabe gaskiya da ƙarya rarrabẽwa.
77:5
  1. Abubakar Mahmoud GumiSa'an nan da malã'iku mãsu jẽfa tunãtarwa ga Manzanni.
77:6
  1. Abubakar Mahmoud GumiDomin yanke hamzari ko dõmin gargadi.
77:7
  1. Abubakar Mahmoud GumiLalle ne, abin da ake yi muku wa'adi da shi tabbas mai aukuwa ne
77:8
  1. Abubakar Mahmoud GumiTo, idan taurãri aka shãfe haskensu.
77:9
  1. Abubakar Mahmoud GumiKuma, idan sama aka tsãge ta.
77:10
  1. Abubakar Mahmoud GumiKuma, idan duwãtsu aka nike su.
77:11
  1. Abubakar Mahmoud GumiKuma, idan manzanni aka ƙayyade lõkacin tãra su.
77:12
  1. Abubakar Mahmoud GumiDomin babbar rãnar da aka yi wa ajali.
77:13
  1. Abubakar Mahmoud GumiDomin rãnar rarrabẽwa.
77:14
  1. Abubakar Mahmoud GumiKuma, me ya sanar da kai rãnar rarrabẽwa?
77:15
  1. Abubakar Mahmoud GumiBone yã tabbata a rãnar nan, ga mãsu ƙaryatãwa!
77:16
  1. Abubakar Mahmoud GumiAshe, ba Mu halakar da (mãsu ƙaryatãw) na farko ba.
77:17
  1. Abubakar Mahmoud GumiSa'an nan, kuma zã Mu biyar musu da na ƙarshe?
77:18
  1. Abubakar Mahmoud GumiHaka nan, Muke aikatãwa da mãsu yin laifi.
77:19
  1. Abubakar Mahmoud GumiBone yã tabbata a rãnar nan ga mãsu ƙaryatãwa!
77:20
  1. Abubakar Mahmoud GumiAshe, ba Mu halitta ku daga wani ruwa wulakantacce ba.
77:21
  1. Abubakar Mahmoud GumiSa'an nan Muka sanya shi a cikin wani wurin natsuwa amintacce.
77:22
  1. Abubakar Mahmoud GumiZuwa ga wani gwargwadon mudda sananna.
77:23
  1. Abubakar Mahmoud GumiSa'an nan, Muka nũna iyãwarMu? Madalla da Mu, Mãsu nũna iyãwa.
77:24
  1. Abubakar Mahmoud GumiBone ya tabbata a rãnar nan ga mãsu ƙaryatãwa!
77:25
  1. Abubakar Mahmoud GumiAshe, ba Mu sanya ƙasa matattarã ba.
77:26
  1. Abubakar Mahmoud GumiGa rãyayyu da matattu,
77:27
  1. Abubakar Mahmoud GumiKuma, Muka sanya, a cikinta, kafaffun duwãtsu maɗaukaka, kuma Muka shayar da ku ruwa mai dãɗi?
77:28
  1. Abubakar Mahmoud GumiBone ya tabbata, a rãnar nan, ga mãsu ƙaryatãwa!
77:29
  1. Abubakar Mahmoud GumiKu tafi zuwa ga abin da kuka kasance kuna ƙaryatãwa game da shi!
77:30
  1. Abubakar Mahmoud GumiKu tafi zuwa ga wata inuwa mai rassa uku.
77:31
  1. Abubakar Mahmoud GumiIta ba inuwar ba, kuma ba ta wadãtarwa daga harshen wuta.
77:32
  1. Abubakar Mahmoud GumiLalle ne, ita, tanã jifã da tartsatsi kamar sõraye.
77:33
  1. Abubakar Mahmoud GumiKamar dai su raƙumma ne baƙãƙe.
77:34
  1. Abubakar Mahmoud GumiBone ya tabbata, a rãnar nan, ga mãsu ƙaryatãwa!
77:35
  1. Abubakar Mahmoud GumiWannan, yini ne da bã zã su iya yin magana ba.
77:36
  1. Abubakar Mahmoud GumiBã zã a yi musu izni ba, balle su kãwo hanzari.
77:37
  1. Abubakar Mahmoud GumiBone ya tabbata, a rãnar nan, ga mãsu ƙaryatãwa!
77:38
  1. Abubakar Mahmoud GumiWannan rãnar rarrabẽwa ce, Mun tattara ku tare da mutãnen farko.
77:39
  1. Abubakar Mahmoud GumiTo, idan akwai wata dabara gare ku, sai ku yi ma Ni ita.
77:40
  1. Abubakar Mahmoud GumiBone ya tabbata, a rãnar nan, ga mãsu ƙaryatãwa!
77:41
  1. Abubakar Mahmoud GumiLalle ne, mãsu taƙawa suna a cikin inuwõwi da marẽmari.
77:42
  1. Abubakar Mahmoud GumiDa wasu 'ya'yan itãce irin waɗanda suke marmari.
77:43
  1. Abubakar Mahmoud Gumi(A ce musu) "Ku ci ku sha cikin ni'ima sabõda abin da kuka kasance kuna aikatãwa."
77:44
  1. Abubakar Mahmoud GumiLalle ne, Mũ haka Muke sãka wa mãsu kyautatãwa.
77:45
  1. Abubakar Mahmoud GumiBone ya tabbata, a rãnar nan, ga mãsu ƙaryatãwa!
77:46
  1. Abubakar Mahmoud Gumi(Ana ce musu) "Ku ci ku ji ɗan dãdi kaɗan, lalle ne dai ku mãsu laifi ne."
77:47
  1. Abubakar Mahmoud GumiBone ya tabbata, a rãnar nan, ga mãsu ƙaryatãwa!
77:48
  1. Abubakar Mahmoud GumiKuma, idan an ce musu: "Ku yi rukũ'i; bã zã su yi rukũ'in (salla) ba."
77:49
  1. Abubakar Mahmoud GumiBone ya tabbata, a rãnar nan, ga mãsu ƙaryatãwa!
77:50
  1. Abubakar Mahmoud GumiTo, da wane lãbãri (Littãfi), waninsa (Alƙur'ãni) zã su yi ĩmãni