النبإ

An-Naba

Sura ta 78 · ta Makka · ayoyi 40 · Tsarin saukarwa: 80

Rubutu
Fassarori

Taɓa kalmar Larabci don ganin karatunta, tsarinta da tushenta.

بِسْمِ ٱللَّهِ ٱلرَّحْمَٰنِ ٱلرَّحِيمِ
78:1
  1. Abubakar Mahmoud GumiA kan mẽ suke tambayar jũna?
78:2
  1. Abubakar Mahmoud GumiA kan muhimmin lãbãri mai girma (Alƙur'ãni)?
78:3
  1. Abubakar Mahmoud GumiWanda suke sãɓa wa jũna a cikinsa?
78:4
  1. Abubakar Mahmoud GumiA'aha! Zã su sani.
78:5
  1. Abubakar Mahmoud GumiKuma, a'aha! Zã su sani.
78:6
  1. Abubakar Mahmoud GumiAshe, ba Mu sanya ƙasa shimfiɗa ba?
78:7
  1. Abubakar Mahmoud GumiDa duwãtsu turaku (ga riƙe ƙasa)?
78:8
  1. Abubakar Mahmoud GumiKuma, Mun halitta ku mazã da mãtã?
78:9
  1. Abubakar Mahmoud GumiKuma, Muka sanya barcinku hũtãwa?
78:10
  1. Abubakar Mahmoud GumiKuma, Muka sanya dare (ya zama) sutura?
78:11
  1. Abubakar Mahmoud GumiKuma, Muka sanya yini (yazama) lõkacin nẽman abinci?
78:12
  1. Abubakar Mahmoud GumiKuma, Muka gina, a samanku, sammai bakwai mãsu ƙarfi?
78:13
  1. Abubakar Mahmoud GumiKuma, Muka sanya fitila mai tsanin haske (rãnã)?
78:14
  1. Abubakar Mahmoud GumiKuma, Muka saukar daga cikakkun girãgizai, ruwa mai yawan zuba?
78:15
  1. Abubakar Mahmoud GumiDõmin, Mu fitar da ƙwaya da tsiri game da shi?
78:16
  1. Abubakar Mahmoud GumiDa itãcen lambuna mãsu lillibniya?
78:17
  1. Abubakar Mahmoud GumiLalle ne, rãnar rarrabẽwa tã kasance abin ƙayyadẽ wa lõkaci.
78:18
  1. Abubakar Mahmoud GumiRãnar da zã a yi bũsa a cikin ƙaho, sai ku zo, jama'a jama'a.
78:19
  1. Abubakar Mahmoud GumiKuma, aka buɗe sama, sai ta kasance ƙõfõfi.
78:20
  1. Abubakar Mahmoud GumiKuma, aka tafiyar da duwãtsu, sai suka kasance ƙũra.
78:21
  1. Abubakar Mahmoud GumiLalle ne, Jahannama tã kasance madãkata.
78:22
  1. Abubakar Mahmoud GumiGa mãsu ƙẽtare iyãkõki, tã zama makõma.
78:23
  1. Abubakar Mahmoud GumiSunã, mãsu zama a cikinta, zãmunna.
78:24
  1. Abubakar Mahmoud GumiBã su ɗanɗanãwar wani sanyi a cikinta, kuma bã su ɗanɗana abin sha.
78:25
  1. Abubakar Mahmoud GumiFãce tafasasshen ruwa da ruɓaɓɓen jini.
78:26
  1. Abubakar Mahmoud GumiSakamako mai dãcẽwa.
78:27
  1. Abubakar Mahmoud GumiLalle ne, sũ, sun kasance bã su fãtar sauƙin wani hisãbi.
78:28
  1. Abubakar Mahmoud GumiKuma, suka ƙaryata game da ãyõyinMu, ƙaryatãwa!
78:29
  1. Abubakar Mahmoud GumiAlhãli, kõwane abu Mun ƙididdigẽ shi, a rubũce.
78:30
  1. Abubakar Mahmoud GumiSabõda haka, ku ɗanɗana domin haka, bã zã Mu ƙara muku kõme ba fãce azãba.
78:31
  1. Abubakar Mahmoud GumiLalle ne, mãsu taƙawã nã da wani wurin sãmun babban rabo.
78:32
  1. Abubakar Mahmoud GumiLambuna da inabõbi.
78:33
  1. Abubakar Mahmoud GumiDa cikakkun 'yammata, tsãrar jũna.
78:34
  1. Abubakar Mahmoud GumiDa hinjãlan giya cikakku.
78:35
  1. Abubakar Mahmoud GumiBã su jin yãsassar magana, a cikinta, kuma bã su jin ƙaryatãwa.
78:36
  1. Abubakar Mahmoud GumiDõmin sakamako daga Ubangijinka, kyautã mai yawa.
78:37
  1. Abubakar Mahmoud GumiUbangijin sammai da ƙasa da abin da yake a tsakãninsu, Mai rahama, bã su da ikon yin wata magana daga gare Shi.
78:38
  1. Abubakar Mahmoud GumiRãnar da Rũhi da malã'iku zã su tsaya a cikin safu, bã su magana, sai wanda Allah Ya yi masa izni, kuma ya faɗi abin da ke daidai.
78:39
  1. Abubakar Mahmoud GumiWancan, shi ne yini na gaskiya; to wanda ya so, ya riƙa makõma zuwa ga Ubangijinsa.
78:40
  1. Abubakar Mahmoud GumiLalle ne, Mũ, Mun yi muku gargaɗin azãba makusanciya, rãnar da mutum ke dũbi zuwa ga abin da hannãyensa suka aikata, kuma kafiri ya ce: "Kaitona, dã dai nã zama turɓãya!"