النازعات

An-Nazi'at

Sura ta 79 · ta Makka · ayoyi 46 · Tsarin saukarwa: 81

Rubutu
Fassarori

Taɓa kalmar Larabci don ganin karatunta, tsarinta da tushenta.

بِسْمِ ٱللَّهِ ٱلرَّحْمَٰنِ ٱلرَّحِيمِ
79:1
  1. Abubakar Mahmoud GumiIna rantsuwa da mala'iku mãsu fisgar rãyuka (na kafirai) da ƙarfi.
79:2
  1. Abubakar Mahmoud GumiDa mãsu ɗibar rãyuka (na mũminai) da sauƙi a cikin nishãɗi.
79:3
  1. Abubakar Mahmoud GumiDa mãsu sauka daga sama da umurnin Allah kamar suna iyo.
79:4
  1. Abubakar Mahmoud GumiSa'an nan, su zama mãsu gaugãwa (da umurnin Allah) kamar suna tsẽre.
79:5
  1. Abubakar Mahmoud GumiSa, an nan, su kasance masu shirya gudanar da umurni.
79:6
  1. Abubakar Mahmoud GumiRãnar da mai girgiza abũbuwa (bũsar farko) zã ta kaɗa.
79:7
  1. Abubakar Mahmoud GumiMai biyar ta (bũsa ta biyu) nã biye.
79:8
  1. Abubakar Mahmoud GumiWasu zukãta, a rãnar nan, mãsu jin tsõro ne.
79:9
  1. Abubakar Mahmoud GumiAlhãli idãnunsu na ƙasƙantattu.
79:10
  1. Abubakar Mahmoud GumiSunã cẽwa "Ashe lalle zã a iya mayar da mu a kan sãwunmu?
79:11
  1. Abubakar Mahmoud Gumi"Ashe, idan muka zama ƙasusuwa rududdugaggu?"
79:12
  1. Abubakar Mahmoud GumiSuka ce: "Waccan kam kõmãwa ce, tãɓaɓɓiya!"
79:13
  1. Abubakar Mahmoud GumiTo, ita kam, tsãwa guda kawai ce.
79:14
  1. Abubakar Mahmoud GumiSai kawai gã su a bãyan ƙasa.
79:15
  1. Abubakar Mahmoud GumiShin, lãbãrin Mũsã ya zo maka?
79:16
  1. Abubakar Mahmoud GumiA lõkacin da Ubangijinsa Ya kirãye shi, a cikin kwari mai tsarki, wato Duwã?
79:17
  1. Abubakar Mahmoud GumiKa tafi zuwa ga Fir'auna, lalle ne shi, ya ƙẽtare haddi.
79:18
  1. Abubakar Mahmoud Gumi"Sai ka ce masa, Kõ zã ka so ka tsarkaka.
79:19
  1. Abubakar Mahmoud Gumi"Kuma in shiryar da kai zuwa ga Ubangijinka domin ka ji tsoronSa?"
79:20
  1. Abubakar Mahmoud GumiSai ya nũna masa ãyar nan mafi girma.
79:21
  1. Abubakar Mahmoud GumiSai ya ƙaryata, kuma ya sãɓa (umurni),
79:22
  1. Abubakar Mahmoud GumiSa'an nan ya jũya bãya, yanã tafiya da sauri.
79:23
  1. Abubakar Mahmoud GumiSai ya yi gayya, sa'an nan ya yi kira.
79:24
  1. Abubakar Mahmoud GumiSai ya ce: "Nĩ ne Ubangijinku mafi ɗaudaka."
79:25
  1. Abubakar Mahmoud GumiSabõda haka Allah Ya kama shi, dõmin azãbar maganar ƙarshe da ta farko.
79:26
  1. Abubakar Mahmoud GumiLalle ne, a cikin wannan haƙiƙa akwai abin kula ga wanda yake tsõron Allah.
79:27
  1. Abubakar Mahmoud GumiShin, kũ ne mafi wuyar halitta ko sama? Allah Ya gina ta.
79:28
  1. Abubakar Mahmoud GumiYa ɗaukaka rufinta, sa'an nan Ya daidaita ta.
79:29
  1. Abubakar Mahmoud GumiKuma Ya duhuntar da darenta, kuma Ya fitar da hantsinta.
79:30
  1. Abubakar Mahmoud GumiKuma, ƙasa a bayan haka Ya mulmula ta.
79:31
  1. Abubakar Mahmoud GumiYa fitar da ruwanta daga gare ta da makiyãyarta.
79:32
  1. Abubakar Mahmoud GumiDa duwatsu, Yã kafe ta.
79:33
  1. Abubakar Mahmoud GumiDomin jiyarwa dãɗi a gare ku, kuma ga dabbõbinku.
79:34
  1. Abubakar Mahmoud GumiTo, idan uwar masĩfu, mafi girma, ta zo.
79:35
  1. Abubakar Mahmoud GumiRãnar da mutum zai yi tunãnin abin da ya aikata.
79:36
  1. Abubakar Mahmoud GumiKuma, a bayyana Jahĩm ga mai gani.
79:37
  1. Abubakar Mahmoud GumiTo, amma wanda ya yi girman kai.
79:38
  1. Abubakar Mahmoud GumiKuma, ya zãɓi rãyuwa ta kusa, (wato dũniya).
79:39
  1. Abubakar Mahmoud GumiTo, lalle ne Jahĩm, ita ce makõma.
79:40
  1. Abubakar Mahmoud GumiKuma, amma wanda ya ji tsõron tsayi a gaba ga Ubangijinsa, kuma ya kange kansa daga son rai.
79:41
  1. Abubakar Mahmoud GumiTo, lalle ne Aljanna ita ce makõma.
79:42
  1. Abubakar Mahmoud GumiSunã tambayar ka game da sa'a, wai yaushe ne matabbatarta?
79:43
  1. Abubakar Mahmoud GumiMe ya haɗã ka da ambatonta?
79:44
  1. Abubakar Mahmoud GumiZuwa ga Ubangijinka ƙarshen al'amarinta yake.
79:45
  1. Abubakar Mahmoud GumiKai mai gargaɗi kawai ne ga mai tsõron ta.
79:46
  1. Abubakar Mahmoud GumiKamar sũ a rãnar da zã su gan ta, ba su zauna ba fãce a lõkacin marẽce ko hantsinsa.