التكوير

At-Takwir

Sura ta 81 · ta Makka · ayoyi 29 · Tsarin saukarwa: 7

Rubutu
Fassarori

Taɓa kalmar Larabci don ganin karatunta, tsarinta da tushenta.

بِسْمِ ٱللَّهِ ٱلرَّحْمَٰنِ ٱلرَّحِيمِ
81:1
  1. Abubakar Mahmoud GumiIdan rãna aka shafe haskenta
81:2
  1. Abubakar Mahmoud GumiKuma idan taurãri suka gurɓãce (wani ya shiga a cikin wani).
81:3
  1. Abubakar Mahmoud GumiKuma idan duwãtsu aka tafiyar da su.
81:4
  1. Abubakar Mahmoud GumiKuma idan rãƙuma mãsu cikunna aka sakẽ su wãwai, bã ga kõwa ba.
81:5
  1. Abubakar Mahmoud GumiKuma idan dabbõbin dãji aka tattara su.
81:6
  1. Abubakar Mahmoud GumiKuma idan tẽkuna aka mayar da su wuta.
81:7
  1. Abubakar Mahmoud GumiKuma idan rãyuka aka haɗa su da jikunkunansu.
81:8
  1. Abubakar Mahmoud GumiKuma idan wadda aka turbuɗe ta da rai aka tambaye ta.
81:9
  1. Abubakar Mahmoud Gumi"Sabõda wane laifi ne aka kashe ta?"
81:10
  1. Abubakar Mahmoud GumiIdan takardun ayyuka aka wãtsa su (ga mãsu su).
81:11
  1. Abubakar Mahmoud GumiKuma idan sama aka fẽɗe ta.
81:12
  1. Abubakar Mahmoud GumiKuma idan Jahĩm aka hũra ta
81:13
  1. Abubakar Mahmoud GumiKuma idan Aljanna aka kusantar da ita.
81:14
  1. Abubakar Mahmoud GumiRai ya san abin da ya halartar (a rãnar nan).
81:15
  1. Abubakar Mahmoud GumiTo, ba sai Na yi rantsuwa da taurãri matafã ba.
81:16
  1. Abubakar Mahmoud GumiMãsu gudu suna ɓũya.
81:17
  1. Abubakar Mahmoud GumiDa dare idan ya bãyar da bãya.
81:18
  1. Abubakar Mahmoud GumiDa sãfiya idan ta yi lumfashi.
81:19
  1. Abubakar Mahmoud GumiLalle ne shi (Alƙur'ãni) haƙƙan, maganar wani manzon (Allah) ne mai girma ga Allah.
81:20
  1. Abubakar Mahmoud GumiMai ƙarfi, mai daraja a wurin Mai Al'arshi.
81:21
  1. Abubakar Mahmoud GumiWanda ake yi wa ɗã'a (wato shugaban malã'iku) ne a can, amintacce.
81:22
  1. Abubakar Mahmoud GumiKuma abokinku ba mahaukaci ba ne.
81:23
  1. Abubakar Mahmoud GumiKuma lalle ne, yã gan shi a cikin sararin sama mabayyani.
81:24
  1. Abubakar Mahmoud GumiKuma shi, ga gaibi bã mai rowa ba ne.
81:25
  1. Abubakar Mahmoud GumiKuma shi (Alƙur'ani) bã maganar shaiɗani, wanda aka la'ana, ba ce.
81:26
  1. Abubakar Mahmoud GumiShin, a inã zã ku tafi?
81:27
  1. Abubakar Mahmoud GumiLalle ne shi (Alƙur'ãni), bã kõme ba ne fãce gargaɗi ga talikai.
81:28
  1. Abubakar Mahmoud GumiGa wanda ya so, daga cikinku, ya shiryu.
81:29
  1. Abubakar Mahmoud GumiKuma bã zã ku so ba sai idan Allah Ubangijin halitta Yã yarda.