المطففين

Al-Mutaffifin

Sura ta 83 · ta Makka · ayoyi 36 · Tsarin saukarwa: 86

Rubutu
Fassarori

Taɓa kalmar Larabci don ganin karatunta, tsarinta da tushenta.

بِسْمِ ٱللَّهِ ٱلرَّحْمَٰنِ ٱلرَّحِيمِ
83:1
  1. Abubakar Mahmoud GumiBone ya tabbata ga mãsu naƙƙasãwa.
83:2
  1. Abubakar Mahmoud GumiWaɗanda suke idan suka auna daga mutãne suna cika mũdu.
83:3
  1. Abubakar Mahmoud GumiKuma idan sun auna musu da zakka ko da sikẽli, suna ragẽwa
83:4
  1. Abubakar Mahmoud GumiAshe! Waɗancan bã su tabbata cẽwa lalle sũ, ana tãyar da su ba?
83:5
  1. Abubakar Mahmoud GumiDomin yini mai girma.
83:6
  1. Abubakar Mahmoud GumiYinin da mutãne ke tãshi zuwa ga Ubangijin halitta?
83:7
  1. Abubakar Mahmoud GumiHaƙĩƙa lalle ne littãfin fãjirai dãhir, yana a cikin Sijjĩn.
83:8
  1. Abubakar Mahmoud GumiKuma, mẽ ya sanar da kai abin da akẽ cẽ wa Sijjĩn?
83:9
  1. Abubakar Mahmoud GumiWani 1ittãfi ne rubũtacce.
83:10
  1. Abubakar Mahmoud GumiBone yã tabbata a rãnar nan ga mãsu ƙaryatãwa.
83:11
  1. Abubakar Mahmoud GumiWaɗanda suke ƙaryatãwa game da rãnar sakamako.
83:12
  1. Abubakar Mahmoud GumiBabũ mai ƙaryatãwa gare shi fãce dukan mai ƙẽtare haddi mai yawan zunubi.
83:13
  1. Abubakar Mahmoud GumiIdan ana karãtun ãyõyinmu, a kansa, sai ya ce: tãtsũniyõyin mutãnen farko ne.
83:14
  1. Abubakar Mahmoud GumiA'aha! Bã haka ba, abin da suka kasance suna aikatãwa dai, yã yi tsãtsa a cikin zukãtãnsu.
83:15
  1. Abubakar Mahmoud GumiA'aha! Haƙĩƙa, lalle ne sũ daga Ubangijinsu, rãnar nan, waɗanda ake shãmakancẽwa ne.
83:16
  1. Abubakar Mahmoud GumiSa'an nan, lalle ne, sũ mãsu shiga cikin Jahĩm ne.
83:17
  1. Abubakar Mahmoud GumiSa'an nan a ce: "Wannan shi ne abin da kuka kasance kuna ƙaryatãwa game da shi."
83:18
  1. Abubakar Mahmoud GumiA'aha! Haƙĩƙa lalle ne littãfin mãsu ɗã'ã yana a cikin Illiyyĩna?
83:19
  1. Abubakar Mahmoud GumiKuma mẽne ne yã sanar da kai abin da ake cẽwa Illiyyũna?
83:20
  1. Abubakar Mahmoud GumiWani littãfi ne rubũtacce.
83:21
  1. Abubakar Mahmoud GumiMuƙarrabai suke halarta shi.
83:22
  1. Abubakar Mahmoud GumiLalle ne, mãsu ɗã'ã ga Allah tabbas suna cikin ni'ima.
83:23
  1. Abubakar Mahmoud GumiA kan karagu, suna ta kallo.
83:24
  1. Abubakar Mahmoud GumiKana sani a cikin huskõkinsu, akwai kwarjinin ni'ima.
83:25
  1. Abubakar Mahmoud GumiAna shãyar da sũ daga wata giya wadda aka yunƙe a kan rufinta.
83:26
  1. Abubakar Mahmoud Gumi¡arshen kurɓinta miski ne. To, a cikin wannan, mãsu gwagwarmaya su yi ta gwagwarmayar nẽma.
83:27
  1. Abubakar Mahmoud GumiKuma abin da ake gauraya ta da shi, daga tasnĩm yake.
83:28
  1. Abubakar Mahmoud Gumi(Wato) wani marmaro ne wanda muƙarrabai ke sha daga gare shi.
83:29
  1. Abubakar Mahmoud GumiLalle ne, waɗanda suka kãfirta sun kasance (a dũniya) suna yi wa waɗanda suka yi ĩmãni dãriya.
83:30
  1. Abubakar Mahmoud GumiKuma idan sun shuɗe su sai su dinga yin zunɗe.
83:31
  1. Abubakar Mahmoud GumiKuma idan suka jũya zuwa ga iyãlansu, sai su tafi suna kãkãci.
83:32
  1. Abubakar Mahmoud GumiKuma idan sun gan su sai su ce: "Lalle waɗannan ɓatattu ne."
83:33
  1. Abubakar Mahmoud GumiAlhãli kuwa, ba a aike su ba dõmin su zama mãsu tsaro a kansu.
83:34
  1. Abubakar Mahmoud GumiTo, yau fa (a Lãhira] waɗanda suka yi ĩmãni, sũ ke yi wa kãfirai dãriya.
83:35
  1. Abubakar Mahmoud GumiA kan karagu, suna ta kallo.
83:36
  1. Abubakar Mahmoud GumiShin an sãka ma kãfirai abin da suka kasance suna aikatawa?