الأعلى

Al-A'la

Sura ta 87 · ta Makka · ayoyi 19 · Tsarin saukarwa: 8

Rubutu
Fassarori

Taɓa kalmar Larabci don ganin karatunta, tsarinta da tushenta.

بِسْمِ ٱللَّهِ ٱلرَّحْمَٰنِ ٱلرَّحِيمِ
87:1
  1. Abubakar Mahmoud GumiKa tsarkake sũnan Ubangijinka Mafi ɗaukaka.
87:2
  1. Abubakar Mahmoud GumiWanda Yã yi halitta sa'an nan Ya daidaita abin halittar.
87:3
  1. Abubakar Mahmoud GumiKuma Wanda Ya ƙaddara (abin da Ya so) sannan Ya shiryar, (da mutum ga hanyar alhẽri da ta sharri).
87:4
  1. Abubakar Mahmoud GumiKuma Wanda Ya fitar da makiyãyã.
87:5
  1. Abubakar Mahmoud GumiSa'an nan Ya mayar da ita ƙeƙasassa, baƙa.
87:6
  1. Abubakar Mahmoud GumiZa mu karantar da kai (Alƙur'ãni) sabõda haka bã zã ka mantã (shi) ba.
87:7
  1. Abubakar Mahmoud GumiFãce abin da Allah Ya so, lalle ne Shi (Allah) Ya san bayyane da abin da yake bõye.
87:8
  1. Abubakar Mahmoud GumiKuma za Mu sauƙaƙe maka (al'amari) zuwa ga (Shari'a) mai sauƙi.
87:9
  1. Abubakar Mahmoud GumiSabõda baka, ka tunãtar, idan tunatarwa zã ta yi amfãni.
87:10
  1. Abubakar Mahmoud GumiWanda yake tsõron (Allah) Zai tuna.
87:11
  1. Abubakar Mahmoud GumiKuma shaƙiyyi, zai nisanceta,
87:12
  1. Abubakar Mahmoud GumiWanda zai shiga wutar da tã fi girma.
87:13
  1. Abubakar Mahmoud GumiSa'an nan bã zai mutu ba a cikinta, kuma bã zai rãyu ba.
87:14
  1. Abubakar Mahmoud GumiLalle ne wanda ya tsarkaka (da ĩmãni) yã sãmu babban rabo.
87:15
  1. Abubakar Mahmoud GumiKuma ya ambaci sũnan Ubangijinsa, sa'an nan yã yi salla.
87:16
  1. Abubakar Mahmoud GumiBa haka ba! Kunã zãɓin rãyuwa ta kusa dũniya.
87:17
  1. Abubakar Mahmoud GumiAlhãli Lãhira ita ce mafi alheri kuma mafi wanzuwa.
87:18
  1. Abubakar Mahmoud GumiLalle ne, wannan yanã a cikin littafan farko.
87:19
  1. Abubakar Mahmoud GumiLittaffan Ibrãhĩm da Mũsã.