الغاشية

Al-Ghashiyah

Sura ta 88 · ta Makka · ayoyi 26 · Tsarin saukarwa: 68

Rubutu
Fassarori

Taɓa kalmar Larabci don ganin karatunta, tsarinta da tushenta.

بِسْمِ ٱللَّهِ ٱلرَّحْمَٰنِ ٱلرَّحِيمِ
88:1
  1. Abubakar Mahmoud GumiLalle ne labãrin (¡iyãma) mai rufe mutãne da tsoronta yã zo maka?
88:2
  1. Abubakar Mahmoud GumiWasu huskõki a rãnar nan ƙasƙantattu ne.
88:3
  1. Abubakar Mahmoud GumiMãsu aikin wahala ne, mãsu gajiya.
88:4
  1. Abubakar Mahmoud GumiZã su shiga wata wuta mai zãfi.
88:5
  1. Abubakar Mahmoud GumiAna shãyar da su daga wani marmaro mai zãfin ruwa.
88:6
  1. Abubakar Mahmoud GumiBa su da wani abinci fãce dai daga danyi.
88:7
  1. Abubakar Mahmoud GumiBã ya sanya ƙiba, kuma bã zai wadãtar daga yunwa ba.
88:8
  1. Abubakar Mahmoud GumiWasu huskõki a rãnar nan mãsu ni'ima ne.
88:9
  1. Abubakar Mahmoud GumiGame da aikinsu, masu yarda ne.
88:10
  1. Abubakar Mahmoud Gumi(Suna) a cikin Aljanna maɗaukakiya.
88:11
  1. Abubakar Mahmoud GumiBã zã su ji yãsassar magana ba, a cikinta.
88:12
  1. Abubakar Mahmoud GumiA cikinta akwai marmaro mai gudãna.
88:13
  1. Abubakar Mahmoud GumiA cikinta akwai gadãje maɗaukaka.
88:14
  1. Abubakar Mahmoud GumiDa kõfuna ar'aje.
88:15
  1. Abubakar Mahmoud GumiDa filõli jẽre,
88:16
  1. Abubakar Mahmoud GumiDa katifu shimfiɗe.
88:17
  1. Abubakar Mahmoud GumiAshe to bã zã su dũbãwa ba ga rãƙumã yadda aka halitta su?
88:18
  1. Abubakar Mahmoud GumiDa zuwa ga sama yadda aka ɗaukaka ta?
88:19
  1. Abubakar Mahmoud GumiDa zuwa ga duwãtsu yadda aka kafa su?
88:20
  1. Abubakar Mahmoud GumiDa zuwa ga ƙasa yadda aka shimfiɗã ta?
88:21
  1. Abubakar Mahmoud Gumisabõda haka, ka yi wa'azi, kai mai yin wa'azi ne kawai.
88:22
  1. Abubakar Mahmoud GumiBa ka zama mai ĩkon tanƙwasãwa a kansu ba.
88:23
  1. Abubakar Mahmoud GumiFãce dai duk wanda ya jũya bãya, kuma ya kãfirta.
88:24
  1. Abubakar Mahmoud GumiTo, Allah zai yi masa azãba, azãbar nan da take mafi girma.
88:25
  1. Abubakar Mahmoud GumiLalle ne, zuwa gare Mu kõmõwarsu take.
88:26
  1. Abubakar Mahmoud GumiSa'an nan lalle ne aikinMu ne Mu yi musu hisãbi.