الفجر

Al-Fajr

Sura ta 89 · ta Makka · ayoyi 30 · Tsarin saukarwa: 10

Rubutu
Fassarori

Taɓa kalmar Larabci don ganin karatunta, tsarinta da tushenta.

بِسْمِ ٱللَّهِ ٱلرَّحْمَٰنِ ٱلرَّحِيمِ
89:1
  1. Abubakar Mahmoud GumiInã rantsuwa da alfijiri.
89:2
  1. Abubakar Mahmoud GumiDa darũruwa gõma.
89:3
  1. Abubakar Mahmoud GumiDa (adadi na) cikã da (na) mãrã.
89:4
  1. Abubakar Mahmoud GumiDa dare idan yana shũɗewa.
89:5
  1. Abubakar Mahmoud GumiKo a cikin waɗannan akwai abin rantsuwa ga mai hankali (da yake kange shi daga zunubi)?
89:6
  1. Abubakar Mahmoud GumiBa ka ga yadda Ubangijinka Ya aikata da Ãdãwa ba?
89:7
  1. Abubakar Mahmoud GumiIramawa mãsu sakon ƙĩrar jiki.
89:8
  1. Abubakar Mahmoud GumiWaɗanda ba a halitta kwatankwacinsu ba a cikin garũruwa (na dũniya).
89:9
  1. Abubakar Mahmoud GumiDa samũdãwa waɗanda suka fasa duwãtsu a cikin Wadi suka yi gidãje)?
89:10
  1. Abubakar Mahmoud GumiDa Fir'auna mai turãku.
89:11
  1. Abubakar Mahmoud GumiWaɗanda suka ƙẽtare iyãkarsu, a cikin garũruwa?
89:12
  1. Abubakar Mahmoud GumiSabõda haka, suka yawaita yin ɓarna a cikinsu.
89:13
  1. Abubakar Mahmoud GumiSabõda haka Ubangijinka Ya zuba musu bũlãlar azãba.
89:14
  1. Abubakar Mahmoud GumiLalle ne, Ubangijinka Yana nan a mafaka.
89:15
  1. Abubakar Mahmoud GumiTo, amma fa mutum idan Ubangijibsa Ya jarraba shi, wãto Yã girmama shi kuma Ya yi masa ni'ima, sai ya ce: "Ubangijina Ya girmama ni."
89:16
  1. Abubakar Mahmoud GumiKuma idan Ya jarraba shi, wãto Ya ƙuntata masa abincinsa, sai ya ce: "Ubangijina Ya walãkanta ni."
89:17
  1. Abubakar Mahmoud GumiA'aha! Bari wannan, ai bã ku girmama marãya!
89:18
  1. Abubakar Mahmoud GumiBã ku kwaɗaitã wa jũnanku ga (tattalin) abincin matalauci!
89:19
  1. Abubakar Mahmoud GumiKuma kuna cin dũkiyar gãdo, ci na tãrãwa.
89:20
  1. Abubakar Mahmoud GumiKuma kuna son dũkiya, so mai yawa.
89:21
  1. Abubakar Mahmoud GumiA'aha! Idan aka niƙa ƙasa niƙewa sosai.
89:22
  1. Abubakar Mahmoud GumiKuma Ubangijinka Ya zo, alhãli malã'iku na jẽre, safũ- safu.
89:23
  1. Abubakar Mahmoud GumiKuma a ranar nan aka zo da Jahannama. A ranar nan mutum zai yi tunãni. To, inã fa tunãni yake a gare shi!
89:24
  1. Abubakar Mahmoud GumiYana dinga cẽwa, "Kaitona, dã na gabatar (da aikin ƙwarai) domin rãyuwata!"
89:25
  1. Abubakar Mahmoud GumiTo, a rãnar nan bãbu wani mai yin azãba irin azãbar Allah.
89:26
  1. Abubakar Mahmoud GumiKuma bãbu wani mai ɗauri irin ɗaurinSa.
89:27
  1. Abubakar Mahmoud GumiYã kai rai mai natsuwa!
89:28
  1. Abubakar Mahmoud GumiKa koma zuwa ga Ubangijinka, alhãli kana mai yarda (da abin da Ya ƙaddara maka a dũniya) abar yardarwa (da sakamakon da zã a ba ka a Lãhira).
89:29
  1. Abubakar Mahmoud GumiSabõbda haka, ka shiga cikin bãyiNa (mãsu bin umurui a dũniya).
89:30
  1. Abubakar Mahmoud GumiKuma ka shiga AljannaTa (a Lãhira).