الجن

Al-Jinn

Suuradda 72 · Makki · 28 aayadood · Soo degidda: 40

Qoraalka
Tarjumaadaha

Taabo eray Carabi ah si aad u aragto akhriskiisa, qaabkiisa iyo xididkiisa.

بِسْمِ ٱللَّهِ ٱلرَّحْمَٰنِ ٱلرَّحِيمِ
72:1
  1. Mahmud Muhammad AbduhWaxaad Dhahdaa (Nabiyow) waxaa lay waxyooday inay Dhagaysteen Koox Jinni ah (Quraanka) Dheheen waxaan maqallay quraan layaab leh.
72:2
  1. Mahmud Muhammad AbduhOo ku hanuunin xaqa waana Rumaynay waxaan Eebe cibaada la wadaajinhaynana ma jiro.
72:3
  1. Mahmud Muhammad AbduhWaxaana Sarreeya sharafta Eebeheen, mana yeelan haweenay iyo ilmo midna.
72:4
  1. Mahmud Muhammad AbduhWaxay Ahaayeen kuwannagii xumaa inay ku dhaheen hadallo xadgudug ah Eebe.
72:5
  1. Mahmud Muhammad AbduhWaxaana u Malaynaynay inuusan insi iyo Jini Midna Eebe ku beensheegaynin.
72:6
  1. Mahmud Muhammad AbduhWaxayna ahaayeen kuwo insiga ka mid ah inay Magangalaan kuwo Jinniga ka mida markaasna u kordhiyeen kibir (iyo xad Gudub).
72:7
  1. Mahmud Muhammad AbduhWaxayna jinnigu u maleeyeen sidaad u malayseen inaan Eebe soo Bixinhaynin Ruuxna.
72:8
  1. Mahmud Muhammad AbduhWaxaan Doonnay samada waxaana hellay iyadoo ka buuxda Ilaalin daran iyo danabyo.
72:9
  1. Mahmud Muhammad AbduhWaxaana ahayn kuwo Fadhiista xageeda meelo si aan wax uga dhagaysanno Ruuxiise Dhagaysta hadda wuxuu heli danabyo darban «la kulmi».
72:10
  1. Mahmud Muhammad AbduhMana ogin inay tahay shar lala Doonay dadka Dhulka ku nool ama Eebohood la Doonay hanuun (iyo khayr).
72:11
  1. Mahmud Muhammad AbduhWaxaa naga mid ah kuwo suuban iyo kuwo kaleba, waxaan nahay kooxa kala duwan.
72:12
  1. Mahmud Muhammad AbduhWaxaanna Ognahay Inaannaan Eebe ku daalinkarin Dhulka Dhexdiisa, kuna Daalinhaynin Cararid.
72:13
  1. Mahmud Muhammad AbduhMarkaan Maqallay hanuunkana waan Rumaynay, Ruuxii rumeeya Eebihiisana kama yaabo Nusqaan iyo Dulmi Midna.
72:14
  1. Mahmud Muhammad AbduhWaxaa naga mida Muslimiin iyo Kuwo xadgudbay, Ruusiise islaama waa mid ku dadaalay hanuun.
72:15
  1. Mahmud Muhammad AbduhKuwiise xadgudbay waxay ahaan Qoryaha Jahannamo.
72:16
  1. Mahmud Muhammad AbduhHadday ku toosaan Dadku jidka (wanaagsan) waxaaan ka waraabinlahayn biyo badan.
72:17
  1. Mahmud Muhammad AbduhImtixaan Dartiis, Ruuxii ka Jeedsada Xusidda Eebihiis wuxuu galin cadaab daran.
72:18
  1. Mahmud Muhammad AbduhMasaajidda Eebaa iska leh ee ha kula baryina «caabudina» Eeb Cid kale.
72:19
  1. Mahmud Muhammad AbduhMarkuu istaagay Addoonkii Eebe (Nabigu) isagoo Caabudi Eebe waxay Jinnigu u dhawaadeen inay korkiisa is dulfuulan.
72:20
  1. Mahmud Muhammad AbduhWaxaad Dhahdaa Nabiyow waxaan uun Caabudi Eebahay lana wadaajinmahayo cidna.
72:21
  1. Mahmud Muhammad AbduhWaxaad dhahdaa idiin ma hanto shar iyo khayr midna.
72:22
  1. Mahmud Muhammad AbduhWaxaad Dhahdaa cidna igama korinayso Eebe, mana helayo isaga ka sakow Magangalyo.
72:23
  1. Mahmud Muhammad AbduhHase yeeshee waxaan hantaa Gaadhsiinta xaqa Eebe iyo Farriimihiisa, Ruuxiise Eebe Caasiya iyo Rasuulkiisa waxaa u sugnaaday Naarta Jahannama isagoo ku waari Dhexdeeda.
72:24
  1. Mahmud Muhammad AbduhMarkay Gaaladu Arkaan waxa loo yaboohi waxay ogaan cidda Gargaarihiisu tabaryaryahay tirana yaryahay.
72:25
  1. Mahmud Muhammad AbduhWaxaad Dhahdaa ma ogi inuu Dhawyahay waxa la idiinku Gooddin ama Eebahay waqti u yeeli.
72:26
  1. Mahmud Muhammad AbduhEebaa og waxa Maqan, umana muujiyo waxaa maqan Ruuxna.
72:27
  1. Mahmud Muhammad AbduhMarka laga Reebo ciduu ka raalli Noqday oo Rasuulah, Isagoo hor iyo gadaalba ka ilaalin.
72:28
  1. Mahmud Muhammad AbduhSi Eebe u muujiyo inay Gaadhsiiyeen Farriimihii Eebohood, Eebana waa koobay waxa Agtooda ah wayna u tirakoobanyihiin wax walba.