المعارج

Al-Ma'arij

Sura ya 70 · ya Makka · aya 44 · Mpangilio wa kuteremshwa: 79

Hati
Tafsiri

Gusa neno la Kiarabu ili kuona usomaji, muundo na mzizi wake.

بِسْمِ ٱللَّهِ ٱلرَّحْمَٰنِ ٱلرَّحِيمِ
70:1
  1. Ali Muhsin Al-BarwaniMuulizaji aliuliza juu ya adhabu itakayo tokea,
70:2
  1. Ali Muhsin Al-BarwaniKwa makafiri - ambayo hapana awezaye kuizuia -
70:3
  1. Ali Muhsin Al-BarwaniKutoka kwa Mwenyezi Mungu Mwenye mbingu za daraja.
70:4
  1. Ali Muhsin Al-BarwaniMalaika na Roho hupanda kwendea kwake katika siku ambayo kadiri yake ni miaka khamsini elfu!
70:5
  1. Ali Muhsin Al-BarwaniBasi subiri kwa subira njema.
70:6
  1. Ali Muhsin Al-BarwaniHakika wao wanaiona iko mbali,
70:7
  1. Ali Muhsin Al-BarwaniNa Sisi tunaiona iko karibu.
70:8
  1. Ali Muhsin Al-BarwaniSiku ambayo mbingu zitakapo kuwa kama maadeni iliyo yayushwa.
70:9
  1. Ali Muhsin Al-BarwaniNa milima itakuwa kama sufi.
70:10
  1. Ali Muhsin Al-BarwaniWala jamaa hatamuuliza jamaa yake.
70:11
  1. Ali Muhsin Al-BarwaniIjapo kuwa wataonyeshwa waonane. Atatamani mkosefu lau ajikomboe na adhabu ya siku hiyo kwa kuwatoa fidia wanawe,
70:12
  1. Ali Muhsin Al-BarwaniNa mkewe, na nduguye,
70:13
  1. Ali Muhsin Al-BarwaniNa jamaa zake walio kuwa wakimkimu,
70:14
  1. Ali Muhsin Al-BarwaniNa wote waliomo duniani, kisha aokoke yeye.
70:15
  1. Ali Muhsin Al-BarwaniLa, hasha! Kwa hakika huo ni Moto mkali kabisa,
70:16
  1. Ali Muhsin Al-BarwaniUnao babua ngozi ya kichwa!
70:17
  1. Ali Muhsin Al-BarwaniUtamwita kila aliye geuza mgongo na akageuka.
70:18
  1. Ali Muhsin Al-BarwaniNa akakusanya mali, kisha akayahifadhi.
70:19
  1. Ali Muhsin Al-BarwaniHakika mtu ameumbwa na papara.
70:20
  1. Ali Muhsin Al-BarwaniInapo mgusa shari hupapatika.
70:21
  1. Ali Muhsin Al-BarwaniNa inapo mgusa kheri huizuilia.
70:22
  1. Ali Muhsin Al-BarwaniIsipo kuwa wanao sali,
70:23
  1. Ali Muhsin Al-BarwaniAmbao wanadumisha Sala zao,
70:24
  1. Ali Muhsin Al-BarwaniNa ambao katika mali yao iko haki maalumu
70:25
  1. Ali Muhsin Al-BarwaniKwa mwenye kuomba na anaye jizuilia kuomba;
70:26
  1. Ali Muhsin Al-BarwaniNa ambao wanaisadiki Siku ya Malipo,
70:27
  1. Ali Muhsin Al-BarwaniNa ambao wanaiogopa adhabu itokayo kwa Mola wao Mlezi.
70:28
  1. Ali Muhsin Al-BarwaniHakika adhabu ya Mola wao Mlezi si ya kuaminika nayo.
70:29
  1. Ali Muhsin Al-BarwaniNa ambao wanahifadhi tupu zao.
70:30
  1. Ali Muhsin Al-BarwaniIsipo kuwa kwa wake zao, au iliyo wamiliki mikono yao ya kuume, basi hao hawalaumiwi -
70:31
  1. Ali Muhsin Al-BarwaniLakini wanao taka kinyume ya haya, basi hao ndio wanao ruka mipaka.
70:32
  1. Ali Muhsin Al-BarwaniNa ambao wanazichunga amana zao na ahadi zao,
70:33
  1. Ali Muhsin Al-BarwaniNa ambao wanasimama imara katika ushahidi wao,
70:34
  1. Ali Muhsin Al-BarwaniNa ambao wanazihifadhi Sala zao.
70:35
  1. Ali Muhsin Al-BarwaniHao ndio watakao hishimiwa Peponi.
70:36
  1. Ali Muhsin Al-BarwaniWana nini wale walio kufuru wanakutumbulia macho tu?
70:37
  1. Ali Muhsin Al-BarwaniMakundi kwa makundi upande wa kulia na upande wa kushoto!
70:38
  1. Ali Muhsin Al-BarwaniKwani kila mmoja wao anatumai kuingizwa katika Pepo ya neema?
70:39
  1. Ali Muhsin Al-BarwaniLa, hasha! Hakika Sisi tumewaumba kutokana na wanacho kijua.
70:40
  1. Ali Muhsin Al-BarwaniBasi naapa kwa Mola Mlezi wa mashariki zote na magharibi zote kwamba Sisi tunaweza
70:41
  1. Ali Muhsin Al-BarwaniKuwabadili kwa walio bora kuliko wao; na Sisi hatushindwi.
70:42
  1. Ali Muhsin Al-BarwaniBasi waache wapige porojo na wacheze, mpaka wakutane na siku yao wanayo ahidiwa,
70:43
  1. Ali Muhsin Al-BarwaniSiku watakapotoka makaburini kwa upesi kama kwamba wanakimbilia mfundo,
70:44
  1. Ali Muhsin Al-BarwaniMacho yao yatainama, fedheha itawafunika. Hiyo ndiyo Siku waliyo kuwa wakiahidiwa.