الجن

Al-Jinn

Sura ya 72 · ya Makka · aya 28 · Mpangilio wa kuteremshwa: 40

Hati
Tafsiri

Gusa neno la Kiarabu ili kuona usomaji, muundo na mzizi wake.

بِسْمِ ٱللَّهِ ٱلرَّحْمَٰنِ ٱلرَّحِيمِ
72:1
  1. Ali Muhsin Al-BarwaniSema: Imefunuliwa kwangu ya kuwa kundi moja la majini lilisikiliza, na likasema: Hakika sisi tumeisikia Qur'ani ya ajabu!
72:2
  1. Ali Muhsin Al-BarwaniInaongoza kwenye uwongofu, kwa hivyo tumeiamini, wala hatutamshirikisha yeyote na Mola wetu Mlezi.
72:3
  1. Ali Muhsin Al-BarwaniNa kwa hakika utukufu wa Mola wetu Mlezi umetukuka kabisa; hana mke wala mwana.
72:4
  1. Ali Muhsin Al-BarwaniNa kwa hakika wapumbavu miongoni mwetu walikuwa wakisema uwongo ulio pindukia mipaka juu ya Mwenyezi Mungu.
72:5
  1. Ali Muhsin Al-BarwaniNasi tulidhani kuwa watu na majini hawamzulii uwongo Mwenyezi Mungu.
72:6
  1. Ali Muhsin Al-BarwaniNa hakika walikuwako wanaume katika watu walio kuwa wakitafuta kujikinga kwa wanaume wa kijini; kwa hivyo wakawazidisha madhambi.
72:7
  1. Ali Muhsin Al-BarwaniNa kwa hakika wao walidhani, kama mlivyo dhani nyinyi, ya kuwa Mwenyezi Mungu hatamleta Mtume.
72:8
  1. Ali Muhsin Al-BarwaniNasi tulizigusa mbingu, na tukaziona zimejaa walinzi wenye nguvu na vimondo.
72:9
  1. Ali Muhsin Al-BarwaniNa hakika tulikuwa tukikaa humo katika baadhi ya makao ili kusikiliza; lakini sasa anaye taka kusikiliza atakuta kimondo kinamvizia!
72:10
  1. Ali Muhsin Al-BarwaniNasi hatujui kama wanatakiwa shari wale wanao kaa kwenye ardhi au Mola wao Mlezi anawatakia uwongofu.
72:11
  1. Ali Muhsin Al-BarwaniNa hakika katika sisi wamo walio wema, na wengine wetu ni kinyume na hivyo. Tumekuwa njia mbali mbali.
72:12
  1. Ali Muhsin Al-BarwaniNasi tulijua kuwa hatutomshinda Mwenyezi Mungu duniani, wala hatuwezi kumponyoka kwa kukimbia.
72:13
  1. Ali Muhsin Al-BarwaniNasi tulipo usikia uwongofu tuliuamini. Basi mwenye kumuamini Mola wake Mlezi basi haogopi kupunjwa wala kudhulumiwa.
72:14
  1. Ali Muhsin Al-BarwaniNa hakika wamo katika sisi Waislamu, na wamo kati yetu wanao acha haki. Basi walio silimu, hao ndio walio tafuta uwongofu.
72:15
  1. Ali Muhsin Al-BarwaniNa ama wanao acha haki, hao watakuwa kuni za Jahannamu.
72:16
  1. Ali Muhsin Al-BarwaniNa lau kama wangeli simama sawasawa juu ya njia tungeli wanywesha maji kwa wingi,
72:17
  1. Ali Muhsin Al-BarwaniIli tuwajaribu kwa hayo. Na anaye puuza kumkumbuka Mola wake Mlezi atamsukuma kwenye adhabu ngumu.
72:18
  1. Ali Muhsin Al-BarwaniNa hakika misikiti ni ya Mwenyezi Mungu, basi msimuabudu yeyote pamoja na Mwenyezi Mungu.
72:19
  1. Ali Muhsin Al-BarwaniNa hakika Mja wa Mwenyezi Mungu alipo simama kumwomba, wao walikuwa karibu kumzonga!
72:20
  1. Ali Muhsin Al-BarwaniSema: Hakika mimi namwomba Mola wangu Mlezi, wala simshirikishi Yeye na yeyote.
72:21
  1. Ali Muhsin Al-BarwaniSema: Mimi sina mamlaka ya kukudhuruni wala kukuongozeni.
72:22
  1. Ali Muhsin Al-BarwaniSema: Hakika hapana yeyote awezae kunilinda na Mwenyezi Mungu, wala sitapata pa kukimbilia isipo kuwa kwake Yeye tu.
72:23
  1. Ali Muhsin Al-BarwaniIla nifikishe Ujumbe utokao kwa Mwenyezi Mungu na risala zake. Na wenye kumuasi Mwenyezi Mungu na Mtume wake, basi hakika hao watapata Moto wa Jahannamu wadumu humo milele.
72:24
  1. Ali Muhsin Al-BarwaniHata watakapo yaona wanayo ahidiwa, ndipo watakapo jua ni nani mwenye msaidizi dhaifu, na mchache wa idadi.
72:25
  1. Ali Muhsin Al-BarwaniSema: Sijui kama yapo karibu hayo mnayo ahidiwa, au Mola wangu Mlezi atayawekea muda mrefu.
72:26
  1. Ali Muhsin Al-BarwaniYeye ndiye Mwenye kujua ya siri, wala hamdhihirishii yeyote siri yake,
72:27
  1. Ali Muhsin Al-BarwaniIsipo kuwa Mtume wake aliye mridhia. Naye huyo humwekea walinzi mbele yake na nyuma yake.
72:28
  1. Ali Muhsin Al-BarwaniIli Yeye ajue kwamba wao wamefikisha ujumbe wa Mola wao Mlezi, na Yeye anayajua vyema yote walio nayo, na amedhibiti idadi ya kila kitu.