النازعات

An-Nazi'at

Sura ya 79 · ya Makka · aya 46 · Mpangilio wa kuteremshwa: 81

Hati
Tafsiri

Gusa neno la Kiarabu ili kuona usomaji, muundo na mzizi wake.

بِسْمِ ٱللَّهِ ٱلرَّحْمَٰنِ ٱلرَّحِيمِ
79:1
  1. Ali Muhsin Al-BarwaniNaapa kwa wanao komoa kwa nguvu,
79:2
  1. Ali Muhsin Al-BarwaniNa kwa wanao toa kwa upole,
79:3
  1. Ali Muhsin Al-BarwaniNa wanao ogelea,
79:4
  1. Ali Muhsin Al-BarwaniWakishindana mbio,
79:5
  1. Ali Muhsin Al-BarwaniWakidabiri mambo.
79:6
  1. Ali Muhsin Al-BarwaniSiku kitapo tetemeka cha kutetemeka,
79:7
  1. Ali Muhsin Al-BarwaniKifuate cha kufuatia.
79:8
  1. Ali Muhsin Al-BarwaniSiku hiyo nyoyo zitapiga piga,
79:9
  1. Ali Muhsin Al-BarwaniMacho yatainama chini.
79:10
  1. Ali Muhsin Al-BarwaniSasa wanasema: Ati kweli tutarudishwa kwenye hali ya kwanza?
79:11
  1. Ali Muhsin Al-BarwaniHata tukiwa mifupa iliyo bunguliwa?
79:12
  1. Ali Muhsin Al-BarwaniWanasema: Basi marejeo hayo ni yenye khasara!
79:13
  1. Ali Muhsin Al-BarwaniKwa hakika hayo ni ukelele mmoja tu,
79:14
  1. Ali Muhsin Al-BarwaniMara watakuwa kwenye uwanda wa mkutano!
79:15
  1. Ali Muhsin Al-BarwaniJe! Imekufikia hadithi ya Musa?
79:16
  1. Ali Muhsin Al-BarwaniMola wake Mlezi alipo mwita katika bonde takatifu la T'uwaa, akamwambia:
79:17
  1. Ali Muhsin Al-BarwaniNenda kwa Firauni. Hakika yeye amezidi jeuri.
79:18
  1. Ali Muhsin Al-BarwaniUmwambie: Je! Unapenda kujitakasa?
79:19
  1. Ali Muhsin Al-BarwaniNami nitakuongoa ufike kwa Mola wako Mlezi, upate kumcha.
79:20
  1. Ali Muhsin Al-BarwaniBasi alimwonyesha Ishara kubwa.
79:21
  1. Ali Muhsin Al-BarwaniLakini aliikadhibisha na akaasi.
79:22
  1. Ali Muhsin Al-BarwaniKisha alirudi nyuma, akaingia kufanya juhudi.
79:23
  1. Ali Muhsin Al-BarwaniAkakusanya watu akanadi.
79:24
  1. Ali Muhsin Al-BarwaniAkasema: Mimi ndiye Mola wenu Mlezi mkuu kabisa.
79:25
  1. Ali Muhsin Al-BarwaniBasi hapo Mwenyezi Mungu akamshika kumuadhibu kwa la mwisho na la mwanzo.
79:26
  1. Ali Muhsin Al-BarwaniKwa hakika katika haya yapo mazingatio kwa wanao ogopa.
79:27
  1. Ali Muhsin Al-BarwaniJe! Ni vigumu zaidi kukuumbeni nyinyi au mbingu? Yeye ndiye aliye ijenga!
79:28
  1. Ali Muhsin Al-BarwaniAkainua kimo chake, na akaitengeneza vizuri.
79:29
  1. Ali Muhsin Al-BarwaniNa akautia giza usiku wake, na akautokeza mchana wake.
79:30
  1. Ali Muhsin Al-BarwaniNa juu ya hivyo ameitandaza ardhi.
79:31
  1. Ali Muhsin Al-BarwaniAkatoa ndani yake maji yake na malisho yake,
79:32
  1. Ali Muhsin Al-BarwaniNa milima akaisimamisha,
79:33
  1. Ali Muhsin Al-BarwaniKwa nafuu yenu na mifugo yenu.
79:34
  1. Ali Muhsin Al-BarwaniBasi itakapo fika hiyo balaa kubwa,
79:35
  1. Ali Muhsin Al-BarwaniSiku ambayo mtu atakumbuka aliyo yafanya,
79:36
  1. Ali Muhsin Al-BarwaniNa Jahannamu itadhihirishwa kwa mwenye kuona,
79:37
  1. Ali Muhsin Al-BarwaniBasi ama yule aliye zidi ujeuri,
79:38
  1. Ali Muhsin Al-BarwaniNa akakhiari maisha ya dunia,
79:39
  1. Ali Muhsin Al-BarwaniKwa hakika Jahannamu ndiyo makaazi yake!
79:40
  1. Ali Muhsin Al-BarwaniNa ama yule anaye ogopa kusimamishwa mbele ya Mola wake Mlezi, na akajizuilia nafsi yake na matamanio,
79:41
  1. Ali Muhsin Al-BarwaniBasi huyo, Pepo itakuwa ndiyo makaazi yake!
79:42
  1. Ali Muhsin Al-BarwaniWanakuuliza Saa (ya Kiyama) itakuwa lini?
79:43
  1. Ali Muhsin Al-BarwaniUna nini wewe hata uitaje?
79:44
  1. Ali Muhsin Al-BarwaniKwa Mola wako Mlezi ndio mwisho wake.
79:45
  1. Ali Muhsin Al-BarwaniKwa hakika wewe ni mwonyaji tu kwa mwenye kuikhofu.
79:46
  1. Ali Muhsin Al-BarwaniNi kama kwamba wao siku watapo iona (hiyo Saa) hawakukaa ila jioni moja tu, au mchana wake.