Sūrah Al-Qamar (54) — ọ̀rọ̀ sí ọ̀rọ̀, gbòǹgbò àti ìtúmọ̀

54:1

Abu Rahimah Mikael AykyuniÀkókò náà súnmọ́. Òṣùpá sì là pẹrẹgẹdẹ (sí méjì).[1]

54:2

Abu Rahimah Mikael AykyuniTí wọ́n bá rí àmì kan, wọ́n máa gbúnrí. Wọn yó sí wí pé: “Idán kan tó máa parẹ́ (ni èyí).”[1]

54:3

Abu Rahimah Mikael AykyuniWọ́n pè é ní irọ́. Wọ́n sì tẹ̀lé ìfẹ́-inú wọn. Gbogbo iṣẹ́ ẹ̀dá sì máa jókòó tì í lọ́rùn. [1]

54:4

Abu Rahimah Mikael AykyuniDájúdájú wáàsí tí ó ń kọ aburú[1] wà nínú àwọn ìró tó dé bá wọn.

54:5

Abu Rahimah Mikael Aykyuni(al-Ƙur’ān sì ni) ọgbọ́n tó péye pátápátá; ṣùgbọ́n àwọn ìkìlọ̀ náà kò rọ̀ wọ́n lọ́rọ̀.

54:6

Abu Rahimah Mikael AykyuniṢẹ́rí kúrò ní ọ̀dọ̀ wọn. Ní ọjọ́ tí olùpèpè yóò pèpè fún kiní kan tí ẹ̀mí kórira (ìyẹn, Àjíǹde),

54:7

Abu Rahimah Mikael AykyuniOjú wọn máa wálẹ̀ ní ti àbùkù. Wọn yó sì máa jáde láti inú sàréè bí ẹni pé eṣú tí wọ́n fọ́nká síta ni wọ́n.

54:8

Abu Rahimah Mikael AykyuniWọn yó sì máa yára lọ sí ọ̀dọ̀ olùpèpè náà. Àwọn aláìgbàgbọ́ yó sì wí pé: “Èyí ni ọjọ́ ìṣòro.”

54:9

Abu Rahimah Mikael AykyuniÌjọ (Ànábì) Nūh pe òdodo ní irọ́ ṣíwájú wọn. Nígbà náà, wọ́n pe ẹrúsìn Wa ní òpùrọ́. Wọ́n sì wí pé: “Wèrè ni.” Wọ́n sì kọ̀ fún un pẹ̀lú ohùn líle.[1]

54:10

Abu Rahimah Mikael AykyuniNítorí náà, ó pe Olúwa rẹ̀ pé: “Dájúdájú wọ́n ti borí mi. Bá mi gbẹ̀san.”

54:11

Abu Rahimah Mikael AykyuniNítorí náà, A ṣí àwọn ìlẹ̀kùn sánmọ̀ sílẹ̀ pẹ̀lú omi tó lágbára.

54:12

Abu Rahimah Mikael AykyuniA tún mú àwọn odò ṣàn jáde láti inú ilẹ̀. Omi (sánmọ̀) pàdé (omi ilẹ̀) pẹ̀lú àṣẹ tí A ti kọ (lé wọn lórí).

54:13

Abu Rahimah Mikael AykyuniA sì gbé (Ànábì) Nūh gun ọkọ̀ onípákó, ọkọ̀ eléṣòó,

54:14

Abu Rahimah Mikael Aykyunití ó ń rìn (lórí omi) lójú Wa. (Ó jẹ́) ẹ̀san nítorí ẹni tí wọ́n ṣàì gbàgbọ́ nínú rẹ̀.

54:15

Abu Rahimah Mikael AykyuniDájúdájú A ṣẹ́ ẹ kù (tí A fi ṣe) àmì. Ǹjẹ́ olùrántí wà báyìí bí?

54:16

Abu Rahimah Mikael AykyuniBáwo ni ìyà Mi àti ìkìlọ̀ Mi ti rí ná (lára wọn)?

54:17

Abu Rahimah Mikael AykyuniDájúdájú A ṣe al-Ƙur’ān ní ìrọ̀rùn fún ṣíṣe ìrántí. Ǹjẹ́ olùrántí wà báyìí bí?

54:18

Abu Rahimah Mikael AykyuniÌran ‘Ād pé òdodo ní irọ́. Báwo ni ìyà Mi àti ìkìlọ̀ Mi ti rí ná (lára wọn)?

54:19

Abu Rahimah Mikael AykyuniDájúdájú Àwa rán atẹ́gùn líle sí wọn ní ọjọ́ burúkú kan tó ń tẹ̀ síwájú.[1]

54:20

Abu Rahimah Mikael AykyuniÓ ń fa àwọn ènìyàn tu bí ẹni pé kùkùté igi ọ̀pẹ tí wọ́n fà tu tegbòtegbò ni wọ́n.

54:21

Abu Rahimah Mikael AykyuniBáwo ni ìyà Mi àti ìkìlọ̀ Mi ti rí ná (lára wọn)?

54:22

Abu Rahimah Mikael AykyuniDájúdájú A ṣe al-Ƙur’ān ní ìrọ̀rùn fún ṣíṣe ìrántí. Ǹjẹ́ olùrántí wà báyìí bí?

54:23

Abu Rahimah Mikael AykyuniÌjọ Thamūd pe àwọn ìkìlọ̀ ní irọ́.

54:24

Abu Rahimah Mikael AykyuniWọ́n wí pé: “Ṣé abara kan, ẹnì kan ṣoṣo nínú wa ni a óò máa tẹ̀lé. (Bí ó bá rí bẹ́ẹ̀) nígbà náà dájúdájú àwa ti wà nínú ìṣìnà àti wàhálà.

54:25

Abu Rahimah Mikael AykyuniṢé òun ni wọ́n sọ tírà ìrántí kalẹ̀ fún láààrin wa? Rárá o, òpùrọ́ onígbèéraga ni.”

54:26

Abu Rahimah Mikael AykyuniNí ọ̀la ni wọn yóò mọ ta ni òpùrọ́ onígbèéraga.

54:27

Abu Rahimah Mikael AykyuniDájúdájú Àwa máa rán abo ràkúnmí sí wọn; (ó máa jẹ́) àdánwò fún wọn. Nítorí náà, máa wò wọ́n níran ná, kí o sì ṣe sùúrù.[1]

54:28

Abu Rahimah Mikael AykyuniKí o sì fún wọn ní ìró pé dájúdájú pípín ni omi láààrin wọn. Gbogbo ìpín omi sì wà fún ẹni tí ó bá kàn láti wá sí odò.

54:29

Abu Rahimah Mikael AykyuniWọ́n pe ẹni wọn. Ó yọ́ kẹ́lẹ́kẹ́lẹ́ nawọ́ mú (ràkúnmí náà mọ́lẹ̀). Ó sì pa á.

54:30

Abu Rahimah Mikael AykyuniBáwo ni ìyà Mi àti ìkìlọ̀ Mi ti rí ná (lára wọn)?

54:31

Abu Rahimah Mikael AykyuniDájúdájú Àwa rán igbe kan ṣoṣo sí wọn. Wọ́n sì dà bí koríko gbígbẹ tí àgbẹ̀ dáná sun.

54:32

Abu Rahimah Mikael AykyuniDájúdájú A ṣe al-Ƙur’ān ní ìrọ̀rùn fún ṣíṣe ìrántí. Ǹjẹ́ olùrántí wà báyìí bí?

54:33

Abu Rahimah Mikael AykyuniÌjọ Lūt pe àwọn ìkìlọ̀ ní irọ́.

54:34

Abu Rahimah Mikael AykyuniDájúdájú Àwa fi òkúta iná ránṣẹ́ sí wọn àfi ará ilé Lūt, tí A gbàlà ní àsìkò sààrì.

54:35

Abu Rahimah Mikael Aykyuni(Ó jẹ́) ìkẹ́ kan láti ọ̀dọ̀ Wa. Báyẹn ni A ṣe ń san ẹ̀san fún ẹni tó bá dúpẹ́ (fún Wa).

54:36

Abu Rahimah Mikael AykyuniÓ kúkú fi ìgbámú Wa ṣe ìkìlọ̀ fún wọn, ṣùgbọ́n wọ́n ja àwọn ìkìlọ̀ níyàn.

54:37

Abu Rahimah Mikael AykyuniWọ́n kúkú làkàkà lọ́dọ̀ rẹ̀ láti bá àwọn aléjò rẹ̀ ṣèbàjẹ́. Nítorí náà, A fọ́ ojú wọn. Ẹ tọ́ ìyà Mi àti ìkìlọ̀ Mi wò.

54:38

Abu Rahimah Mikael AykyuniÀti pé dájúdájú ìyà gbére ni wọ́n mọ́júmọ́ sínú rẹ̀ ní òwúrọ̀ kùtùkùtù.

54:39

Abu Rahimah Mikael AykyuniNítorí náà, ẹ tọ́ ìyà Mi àti ìkìlọ̀ Mi wò.

54:40

Abu Rahimah Mikael AykyuniDájúdájú A ṣe al-Ƙur’ān ní ìrọ̀rùn fún ṣíṣe ìrántí. Ǹjẹ́ olùrántí wà báyìí bí?

54:41

Abu Rahimah Mikael AykyuniDájúdájú àwọn ìkìlọ̀ dé bá àwọn ènìyàn Fir‘aon.

54:42

Abu Rahimah Mikael AykyuniWọ́n pe gbogbo àwọn āyah Wa ní irọ́ pátápátá. A sì gbá wọn mú ní ìgbámú (tí) Alágbára, Olùkápá (máa ń gbá ẹ̀dá mú).

54:43

Abu Rahimah Mikael AykyuniṢé àwọn aláìgbàgbọ́ (nínú) yín l’ó lóore ju àwọn wọ̀nyẹn (tí wọ́n ti parẹ́ bọ́ sẹ́yìn) ni tàbí ẹ̀yin ní ìmóríbọ́ kan nínú ìpín-ìpín Tírà (pé ẹ̀yin kò níí jìyà)?

54:44

Abu Rahimah Mikael AykyuniTàbí wọ́n ń wí pé: “Àwa wà papọ̀ tí a óò ranra wa lọ́wọ́ láti borí (Òjíṣẹ́)”

54:45

Abu Rahimah Mikael AykyuniA máa fọ́ àkójọ náà lógun. Wọn sì máa fẹsẹ̀ fẹ́ẹ lójú ogun.

54:46

Abu Rahimah Mikael AykyuniÀmọ́ sá, Àkókò náà ni ọjọ́ àdéhùn wọn. Àkókò náà burú jùlọ. Ó sì korò jùlọ.

54:47

Abu Rahimah Mikael AykyuniDájúdájú àwọn ẹlẹ́ṣẹ̀ wà nínú ìṣìnà àti wàhálà.

54:48

Abu Rahimah Mikael AykyuniNí ọjọ́ tí A óò dojú wọn bolẹ̀ wọ inú Iná, (A ó sì sọ pé): Ẹ tọ́ ìfọwọ́bà Iná wò.

54:49

Abu Rahimah Mikael AykyuniDájúdájú A ṣẹ̀dá gbogbo n̄ǹkan pẹ̀lú kádàrá.

54:50

Abu Rahimah Mikael AykyuniÀṣẹ Wa (fún mímú n̄ǹkan bẹ) kò tayọ (àṣẹ) ẹyọ kan ṣoṣo gẹ́gẹ́ bí ìṣẹ́jú.[1]

54:51

Abu Rahimah Mikael AykyuniÀti pé dájúdájú A ti pa àwọn irú yín rẹ́. Ǹjẹ́ olùrántí wà báyìí bí?

54:52

Abu Rahimah Mikael AykyuniGbogbo n̄ǹkan tí wọ́n ṣe níṣẹ́ sì wà nínú ìpín-ìpín tírà.

54:53

Abu Rahimah Mikael AykyuniÀti pé gbogbo n̄ǹkan kékeré àti n̄ǹkan ńlá (tí wọ́n ṣe) wà ní àkọsílẹ̀.

54:54

Abu Rahimah Mikael AykyuniDájúdájú àwọn olùbẹ̀rù (Allāhu) yóò wà nínú àwọn Ọgbà (Ìdẹ̀ra) pẹ̀lú àwọn odò (tó ń ṣàn ní ìsàlẹ̀ rẹ̀).

54:55

Abu Rahimah Mikael AykyuniNí ibùjókòó òdodo nítòsí Ọba Alágbára Olùkápá.