Sūrah An-Nazi'at (79) — ọ̀rọ̀ sí ọ̀rọ̀, gbòǹgbò àti ìtúmọ̀

79:1

Abu Rahimah Mikael AykyuniAllāhu fi àwọn mọlāika tó ń fi ọ̀nà èle gba ẹ̀mí àwọn aláìgbàgbọ́ búra.

79:2

Abu Rahimah Mikael AykyuniÓ tún fi àwọn mọlāika tó ń fi ọ̀nà ẹ̀rọ̀ gba ẹ̀mí àwọn onígbàgbọ́ òdodo búra.

79:3

Abu Rahimah Mikael AykyuniÓ tún fi àwọn mọlāika tó ń yára gágá níbi àṣẹ Rẹ̀ búra.

79:4

Abu Rahimah Mikael AykyuniÓ tún fi àwọn mọlāika tó máa ṣíwájú ẹ̀mí àwọn onígbàgbọ́ òdodo wọnú Ọgbà Ìdẹ̀ra tààrà búra.

79:5

Abu Rahimah Mikael AykyuniÓ tún fi àwọn mọlāika tó ń ṣètò nínú sánmọ̀ àti ilé ayé pẹ̀lú àṣẹ Allāhu búra.

79:6

Abu Rahimah Mikael AykyuniNí ọjọ́ tí ìmìtìtì máa mi gbogbo ayé tìtì.[1]

79:7

Abu Rahimah Mikael AykyuniOhun tí ó máa tẹ̀lé e máa ṣẹlẹ̀ tẹ̀lé e.[1]

79:8

Abu Rahimah Mikael AykyuniÀwọn ọkàn yóò máa gbọ̀n pẹ̀pẹ̀ ní ọjọ́ yẹn.

79:9

Abu Rahimah Mikael AykyuniOjú wọn yó sì wálẹ̀ ní ti ìyẹpẹrẹ.

79:10

Abu Rahimah Mikael AykyuniWọn yóò wí pé: “Ṣé Wọ́n tún máa dá wa padà sí ìbẹ̀rẹ̀ ìṣẹ̀mí (bíi tayé ni)?

79:11

Abu Rahimah Mikael AykyuniṢé nígbà tí a ti di eegun tó kẹfun tán?”

79:12

Abu Rahimah Mikael AykyuniWọ́n wí pé: “Ìdápadà òfò nìyẹn nígbà náà (fún ẹni tó pè é ní irọ́.)”

79:13

Abu Rahimah Mikael AykyuniNítorí náà, igbe ẹyọ kan sì ni.

79:14

Abu Rahimah Mikael AykyuniNígbà náà ni wọn yóò bára wọn lórí ilẹ̀ gban̄sasa.

79:15

Abu Rahimah Mikael AykyuniǸjẹ́ ọ̀rọ̀ (Ànábì) Mūsā ti dé ọ̀dọ̀ rẹ?

79:16

Abu Rahimah Mikael Aykyuni(Rántí) nígbà tí Olúwa rẹ̀ pè é ní àfonúfojì mímọ́, Tuwā.

79:17

Abu Rahimah Mikael AykyuniLọ bá Fir‘aon, dájúdájú ó ti tayọ ẹnu-ààlà.

79:18

Abu Rahimah Mikael AykyuniKí o sì sọ pé: “Ǹjẹ o máa ṣàfọ̀mọ́ ara rẹ (kúrò nínú àìgbàgbọ́) bí?

79:19

Abu Rahimah Mikael AykyuniKí èmi sì fi ọ̀nà mọ̀ ọ́ dé ọ̀dọ̀ Olúwa rẹ, kí o sì páyà (Rẹ̀).”

79:20

Abu Rahimah Mikael AykyuniÓ sì fi àmì tó tóbi hàn án.

79:21

Abu Rahimah Mikael Aykyuni(Àmọ́) ó pè é ní òpùrọ́. Ó sì yapa (rẹ̀).

79:22

Abu Rahimah Mikael AykyuniLẹ́yìn náà, ó kẹ̀yìn sí i. Ó sì ń ṣiṣẹ́ (takò ó).

79:23

Abu Rahimah Mikael AykyuniÓ kó (àwọn ènìyàn) jọ, ó sì ké gbàjarì.

79:24

Abu Rahimah Mikael AykyuniÓ sì wí pé: “Èmi ni olúwa yín, ẹni gíga jùlọ.”

79:25

Abu Rahimah Mikael AykyuniNítorí náà, Allāhu gbá a mú pẹ̀lú ìyà ìkẹ́yìn àti àkọ́kọ́ (nípa ọ̀rọ̀ ẹnu rẹ̀ ìkẹ́yìn yìí àti àkọ́kọ́).[1]

79:26

Abu Rahimah Mikael AykyuniDájúdájú àríwòye wà nínú ìyẹn fún ẹni tó ń páyà (Allāhu).

79:27

Abu Rahimah Mikael AykyuniṢé ẹ̀yin lẹ lágbára jùlọ ní ìṣẹ̀dá ni tàbí sánmọ̀ tí Allāhu mọ?

79:28

Abu Rahimah Mikael AykyuniAllāhu gbé àjà rẹ̀ ga sókè. Ó sì ṣe é ní pípé tó gún régé.

79:29

Abu Rahimah Mikael AykyuniÓ ṣe òru rẹ̀ ní dúdú. Ó sì fa ìyálẹ̀ta rẹ̀ yọ jáde.

79:30

Abu Rahimah Mikael AykyuniÀti ilẹ̀, Ó tẹ́ ẹ pẹrẹsẹ lẹ́yìn ìyẹn.[1]

79:31

Abu Rahimah Mikael AykyuniÓ mú omi rẹ̀ àti irúgbìn rẹ̀ jáde láti inú rẹ̀.

79:32

Abu Rahimah Mikael AykyuniÀti àwọn àpáta, Ó fi ìdí wọn múlẹ̀ ṣinṣin.

79:33

Abu Rahimah Mikael AykyuniÌgbádùn ni fún yín àti fún àwọn ẹran-ọ̀sìn yín.

79:34

Abu Rahimah Mikael AykyuniṢùgbọ́n nígbà tí ìparun ńlá bá dé,

79:35

Abu Rahimah Mikael Aykyuniní ọjọ́ tí ènìyàn yóò rántí ohun tó ṣe níṣẹ́.

79:36

Abu Rahimah Mikael AykyuniWọ́n sì máa fi Iná hàn kedere fún (gbogbo) ẹni tó ríran.

79:37

Abu Rahimah Mikael AykyuniNítorí náà, ní ti ẹni tó tayọ ẹnu-ààlà,

79:38

Abu Rahimah Mikael Aykyunití ó tún gbé àjùlọ fún ìṣẹ̀mí ayé,

79:39

Abu Rahimah Mikael Aykyunidájúdájú iná Jẹhīm, òhun ni ibùgbé (rẹ̀).

79:40

Abu Rahimah Mikael AykyuniNí ti ẹni tí ó páyà ìdúró níwájú Olúwa rẹ̀, tí ó tún kọ ìfẹ́-inú fún ẹ̀mí (ara rẹ̀),

79:41

Abu Rahimah Mikael Aykyunidájúdájú Ọgbà Ìdẹ̀ra, òhun ni ibùgbé (rẹ̀).

79:42

Abu Rahimah Mikael AykyuniWọ́n ń bi ọ́ léèrè nípa Àkókò náà pé: “Ìgbà wo l’ó máa ṣẹlẹ̀?”

79:43

Abu Rahimah Mikael AykyuniNíbo ni ìwọ wà sí ìmọ̀ rẹ̀ ná?[1]

79:44

Abu Rahimah Mikael AykyuniỌ̀dọ̀ Olúwa rẹ ni òpin ìmọ̀ nípa rẹ̀ wà.

79:45

Abu Rahimah Mikael AykyuniÌwọ kúkú ni olùkìlọ̀ fún ẹni tó ń páyà rẹ̀.

79:46

Abu Rahimah Mikael AykyuniNí ọjọ́ tí wọ́n máa rí i, wọn máa dà bí ẹni pé wọn kò gbé ilé ayé tayọ ìrọ̀lẹ́ tàbí ìyálẹ̀ta (ọjọ́) kan.