عبس

'Abasa

Sūrah 80 · ti Mọkkah · āyah 42 · Ètò ìsọ̀kalẹ̀: 24

Kíkọ

Ìtúmọ̀ ọ̀rọ̀ Kíkà ní lẹ́tà Látìnì

Àwọn ìtúmọ̀

Tẹ ọ̀rọ̀ Lárúbáwá kan láti rí kíkà rẹ̀, ìgbékalẹ̀ rẹ̀ àti gbòǹgbò rẹ̀.

بِسْمِ ٱللَّهِ ٱلرَّحْمَٰنِ ٱلرَّحِيمِ

80:1

Abu Rahimah Mikael AykyuniÓ fajú ro, ó sì pẹ̀yìndà[1]

80:2

Abu Rahimah Mikael Aykyuninítorí pé afọ́jú wá bá a.

80:3

Abu Rahimah Mikael AykyuniKí sì l’ó máa fi mọ̀ ọ́ pé ó ṣeé ṣe kí ó ṣàfọ̀mọ́ (ara rẹ̀ kúrò nínú àìgbàgbọ́)

80:4

Abu Rahimah Mikael Aykyunitàbí kí ó gbọ́ ìrántí, kí ìrántí náà sì ṣe é ní àǹfààní?

80:5

Abu Rahimah Mikael AykyuniNí ti ẹni tí ó ka ara rẹ̀ kún ọlọ́rọ̀,

80:6

Abu Rahimah Mikael Aykyuniòun ni ìwọ tẹ́tí sí.

80:7

Abu Rahimah Mikael AykyuniKò sì sí ẹ̀ṣẹ̀ fún ọ bí kò bá ṣe àfọ̀mọ́ (ara rẹ̀ kúrò nínú àìgbàgbọ́).

80:8

Abu Rahimah Mikael AykyuniNí ti ẹni tí ó sì wá bá ọ, tó ń yára gágá (sí ìrántí, ìyẹn afọ́jú),

80:9

Abu Rahimah Mikael Aykyunití ó sì ń páyà (Allāhu),

80:10

Abu Rahimah Mikael Aykyuniìwọ kò sì kọbi ara sí i.

80:11

Abu Rahimah Mikael AykyuniRárá (kò tọ́ bẹ́ẹ̀). Dájúdájú al-Ƙur’ān ni ìrántí.

80:12

Abu Rahimah Mikael AykyuniNítorí náà, ẹni tí ó bá fẹ́ kí ó rántí rẹ̀.

80:13

Abu Rahimah Mikael Aykyuni(Al-Ƙur’ān) wà nínú àwọn tàkádà alápọ̀n-ọ́nlé,

80:14

Abu Rahimah Mikael AykyuniA gbé e ga, A sì ṣe é ní mímọ́

80:15

Abu Rahimah Mikael Aykyuniní ọwọ́ àwọn òǹkọtíà (ìyẹn, àwọn mọlāika),

80:16

Abu Rahimah Mikael Aykyuniàwọn alápọ̀n-ọ́nlé, àwọn ẹni rere.

80:17

Abu Rahimah Mikael AykyuniWọ́n ti fi ènìyàn gégùn-ún (nípa) bí ó ṣe jẹ́ aláìmoore jùlọ!

80:18

Abu Rahimah Mikael AykyuniKí sì ni Allāhu fi ṣẹ̀dá rẹ̀?

80:19

Abu Rahimah Mikael AykyuniNínú àtọ̀ l’Ó ti ṣẹ̀dá rẹ̀. Ó sì pèbùbù (ẹ̀yà-ara) rẹ̀.

80:20

Abu Rahimah Mikael AykyuniLẹ́yìn náà, Ó ṣe ọ̀nà àtiwáyé ní ìrọ̀rùn fún un.

80:21

Abu Rahimah Mikael AykyuniLẹ́yìn náà, Ó máa pa á. Ó sì máa fi sínú sàréè.

80:22

Abu Rahimah Mikael AykyuniLẹ́yìn náà, nígbà tí Allāhu bá fẹ́, Ó máa gbé e dìde.

80:23

Abu Rahimah Mikael AykyuniRárá o! Ènìyàn kò tí ì ṣe n̄ǹkan tí Allāhu pa láṣẹ fún un.

80:24

Abu Rahimah Mikael AykyuniNítorí náà, kí ènìyàn wòye sí oúnjẹ rẹ̀.

80:25

Abu Rahimah Mikael AykyuniDájúdájú Àwa ń rọ òjò ní púpọ̀.

80:26

Abu Rahimah Mikael AykyuniLẹ́yìn náà, A mú ilẹ̀ sán kànkàn.

80:27

Abu Rahimah Mikael AykyuniA sì mú kóró èso hù jáde láti inú rẹ̀;

80:28

Abu Rahimah Mikael Aykyuniàti èso àjàrà àti kànnáfùrù,

80:29

Abu Rahimah Mikael Aykyuniàti igi òróró Zaetūn àti dàbínù,

80:30

Abu Rahimah Mikael Aykyuniàti àwọn ọgbà tó kún fún igi,

80:31

Abu Rahimah Mikael Aykyuniàti àwọn èso (mìíràn) pẹ̀lú ewé tí ẹranko ń jẹ, (A mú wọn hù jáde).

80:32

Abu Rahimah Mikael Aykyuni(Wọ́n jẹ́ n̄ǹkan) ìgbádùn fún ẹ̀yin àti àwọn ẹran-ọ̀sìn yín.

80:33

Abu Rahimah Mikael AykyuniNígbà tí fífọn sínú ìwo nígbà kejì bá ṣẹlẹ̀,

80:34

Abu Rahimah Mikael Aykyuniní ọjọ́ tí ènìyàn yóò sá fún arákùnrin rẹ̀,

80:35

Abu Rahimah Mikael Aykyuniàti ìyá rẹ̀ àti bàbá rẹ̀,

80:36

Abu Rahimah Mikael Aykyuniàti ìyàwó rẹ̀ àti àwọn ọmọ rẹ̀.

80:37

Abu Rahimah Mikael AykyuniẸnì kọ̀ọ̀kan wọn ní ọjọ́ yẹn l’ó ti ní ọ̀ràn tó máa tó o ó rán.

80:38

Abu Rahimah Mikael AykyuniÀwọn ojú kan lọ́jọ́ yẹn yóò mọ́lẹ̀.

80:39

Abu Rahimah Mikael AykyuniWọn yó máa rẹ́rìn-ín, wọn yó sì máa dunnú.

80:40

Abu Rahimah Mikael AykyuniÀwọn ojú kan lọ́jọ́ yẹn ni eruku yó sì bò mọ́lẹ̀.

80:41

Abu Rahimah Mikael AykyuniÒkùnkùn yó sì bò wọ́n mọ́lẹ̀.

80:42

Abu Rahimah Mikael AykyuniÀwọn wọ̀nyẹn gan-an ni aláìgbàgbọ́, ẹlẹ́ṣẹ̀.