التكوير

At-Takwir

Sūrah 81 · ti Mọkkah · āyah 29 · Ètò ìsọ̀kalẹ̀: 7

Kíkọ

Ìtúmọ̀ ọ̀rọ̀ Kíkà ní lẹ́tà Látìnì

Àwọn ìtúmọ̀

Tẹ ọ̀rọ̀ Lárúbáwá kan láti rí kíkà rẹ̀, ìgbékalẹ̀ rẹ̀ àti gbòǹgbò rẹ̀.

بِسْمِ ٱللَّهِ ٱلرَّحْمَٰنِ ٱلرَّحِيمِ

81:1

Abu Rahimah Mikael AykyuniNígbà tí wọ́n bá ká òòrùn kóróbójó dànù,

81:2

Abu Rahimah Mikael Aykyuniàti nígbà tí àwọn ìràwọ̀ bá já bọ́ káàkiri,

81:3

Abu Rahimah Mikael Aykyuniàti nígbà tí wọ́n bá mú àwọn àpáta rìn (kúrò ní àyè wọn, tí wọ́n kù wọ́n dànù),

81:4

Abu Rahimah Mikael Aykyuniàti nígbà tí wọ́n bá pa àwọn ràkúnmí aboyún tì,

81:5

Abu Rahimah Mikael Aykyuniàti nígbà tí wọ́n bá ko àwọn ẹranko jọ,

81:6

Abu Rahimah Mikael Aykyuniàti nígbà tí wọ́n bá mú àwọn agbami odò gbiná,

81:7

Abu Rahimah Mikael Aykyuniàti nígbà tí wọ́n bá so àwọn ẹ̀mí pọ̀ mọ́ra wọn, (ẹni rere pẹ̀lú ẹni rere, ẹni ibi pẹ̀lú ẹni ibi)

81:8

Abu Rahimah Mikael Aykyuniàti nígbà tí ọmọbìnrin tí wọ́n bò mọ́lẹ̀ láàyè bá bèèrè pé

81:9

Abu Rahimah Mikael Aykyuniẹ̀ṣẹ̀ wo ni wọ́n pa òun fún,

81:10

Abu Rahimah Mikael Aykyuniàti nígbà tí wọ́n bá ṣí àwọn tákàdá (iṣẹ́ ẹ̀dá) sílẹ̀,

81:11

Abu Rahimah Mikael Aykyuniàti nígbà tí wọ́n bá ká sánmọ̀ kúrò lókè,

81:12

Abu Rahimah Mikael Aykyuniàti nígbà tí wọ́n bá mú iná Jẹhīm jò fòfò,

81:13

Abu Rahimah Mikael Aykyuniàti nígbà tí wọ́n bá sún Ọgbà Ìdẹ̀ra mọ́ (àwọn onígbàgbọ́ òdodo),

81:14

Abu Rahimah Mikael Aykyuni(nígbà náà ni) ẹ̀mí (kọ̀ọ̀kan) yóò mọ ohun tí ó mú wá (nínú iṣẹ́ ire àti iṣẹ́ ibi).

81:15

Abu Rahimah Mikael AykyuniNítorí náà, Èmi (Allāhu) ń fi àwọn ìràwọ̀ tó ń yọ ní alẹ́, tó ń wọ̀ọ̀kùn ní ọ̀sán búra,

81:16

Abu Rahimah Mikael Aykyuni(ìyẹn) àwọn ìràwọ̀ tó ń rìn lọ rìn bọ̀, tó ń wọ̀ọ̀kùn sí ibùwọ̀ wọn.

81:17

Abu Rahimah Mikael AykyuniMo tún fi alẹ́ nígbà tí ó bá lọ búra.[1]

81:18

Abu Rahimah Mikael AykyuniMo tún fi òwúrọ̀ nígbà tí ó bá mọ́lẹ̀ búra.

81:19

Abu Rahimah Mikael AykyuniDájúdájú (al-Ƙur’ān) ni ọ̀rọ̀ (tí A fi rán Jibrīl) Òjíṣẹ́, alápọ̀n-ọ́nlé,[1]

81:20

Abu Rahimah Mikael Aykyunialágbára, ẹni pàtàkì ní ọ̀dọ̀ Ẹni t’Ó ni Ìtẹ́-ọlá,

81:21

Abu Rahimah Mikael Aykyuniẹni tí wọ́n ń tẹ̀lé àṣẹ rẹ̀ níbẹ̀ yẹn (nínú sánmọ̀), olùfọkàntán.

81:22

Abu Rahimah Mikael AykyuniÀti pé ẹni yín (Ànábì Muhammad - kí ìkẹ́ àti ọlà Allāhu máa bá a -) kì í ṣe wèrè.

81:23

Abu Rahimah Mikael AykyuniÓ kúkú rí i nínú òfurufú kedere.[1]

81:24

Abu Rahimah Mikael AykyuniÀti pé kì í ṣe ahun (tàbí ẹni-afurasí) lórí ìró ìkọ̀kọ̀ (tí A fi ránṣẹ́ sí i).

81:25

Abu Rahimah Mikael AykyuniAl-Ƙur’ān kì í sì ṣe ọ̀rọ̀ (tí A fi rán) aṣ-Ṣaetọ̄n, ẹni ẹ̀kọ̀.

81:26

Abu Rahimah Mikael AykyuniNítorí náà, ibo l’ẹ̀ ń lọ?

81:27

Abu Rahimah Mikael AykyuniKí sì ni al-Ƙur’ān bí kò ṣe ìrántí fún gbogbo ẹ̀dá.

81:28

Abu Rahimah Mikael Aykyuni(Ó wà) fún ẹni tí ó bá fẹ́ nínú yín láti dúró déédé.

81:29

Abu Rahimah Mikael AykyuniẸ̀yin kò sì níí fẹ́ (láti dúró déédé) àyàfi tí Allāhu bá fẹ́, Olúwa gbogbo ẹ̀dá.