الإنفطار

Al-Infitar

Sūrah 82 · ti Mọkkah · āyah 19 · Ètò ìsọ̀kalẹ̀: 82

Kíkọ
Àwọn ìtúmọ̀

Tẹ ọ̀rọ̀ Lárúbáwá kan láti rí kíkà rẹ̀, ìgbékalẹ̀ rẹ̀ àti gbòǹgbò rẹ̀.

بِسْمِ ٱللَّهِ ٱلرَّحْمَٰنِ ٱلرَّحِيمِ
82:1
  1. Abu Rahimah Mikael AykyuniNígbà tí sánmọ̀ bá fàya pẹ́rẹpẹ̀rẹ,[1]
82:2
  1. Abu Rahimah Mikael Aykyuniàti nígbà tí àwọn ìràwọ̀ bá já bọ́ káàkiri,
82:3
  1. Abu Rahimah Mikael Aykyuniàti nígbà tí àwọn ibúdò bá ṣàn jára wọn,
82:4
  1. Abu Rahimah Mikael Aykyuniàti (nígbà tí A bá ta ilẹ̀ sókè), tí A sì mú àwọn òkú jáde (láàyè) láti inú àwọn sàréè,
82:5
  1. Abu Rahimah Mikael Aykyuni(nígbà náà ni) ẹ̀mí kọ̀ọ̀kan yóò mọ ohun tí ó tì síwájú (nínú iṣẹ́ rẹ̀) àti ohun tí ó fi sẹ́yìn (nínú orípa iṣẹ́ rẹ̀).
82:6
  1. Abu Rahimah Mikael AykyuniÌwọ ènìyàn, kí ni ó tàn ọ́ jẹ nípa Olúwa rẹ, Alápọ̀n-ọ́nlé,
82:7
  1. Abu Rahimah Mikael AykyuniẸni t’Ó ṣẹ̀dá rẹ? Ó ṣẹ̀dá rẹ̀ ní pípé. Ó sì mú ọ dọ́gba jalẹ̀ léèyàn.
82:8
  1. Abu Rahimah Mikael AykyuniÓ to ẹ̀yà ara rẹ papọ̀ sínú èyíkéyìí àwòrán tí Ó fẹ́.
82:9
  1. Abu Rahimah Mikael AykyuniRárá! Bí kò ṣe pé ẹ̀ ń pe Ọjọ́ ẹ̀san ní irọ́.
82:10
  1. Abu Rahimah Mikael AykyuniDájúdájú àwọn ẹ̀ṣọ́ sì wà ní ọ̀dọ̀ yín.
82:11
  1. Abu Rahimah Mikael Aykyuni(Wọ́n jẹ́) alápọ̀n-ọ́nlé, òǹkọ̀wé-iṣẹ́ ẹ̀dá.
82:12
  1. Abu Rahimah Mikael AykyuniWọ́n mọ ohun tí ẹ̀ ń ṣe níṣẹ́.
82:13
  1. Abu Rahimah Mikael AykyuniDájúdájú àwọn ẹni rere yóò kúkú wà nínú ìgbádùn.
82:14
  1. Abu Rahimah Mikael AykyuniDájúdájú àwọn ẹni ibi yó sì kúkú wà nínú iná Jẹhīm.
82:15
  1. Abu Rahimah Mikael AykyuniWọn yóò wọ inú rẹ̀ ní Ọjọ́ ẹ̀san.
82:16
  1. Abu Rahimah Mikael AykyuniWọn kò sì níí kúrò nínú rẹ̀.
82:17
  1. Abu Rahimah Mikael AykyuniKí sì ni ó mú ọ mọ ohun tó ń jẹ́ Ọjọ́ ẹ̀san?
82:18
  1. Abu Rahimah Mikael AykyuniLẹ́yìn náà, kí ni ó mú ọ mọ ohun tó ń jẹ́ Ọjọ́ ẹ̀san?
82:19
  1. Abu Rahimah Mikael Aykyuni(Ọjọ́ ẹ̀san ni) ọjọ́ tí ẹ̀mí kan kò níí kápá kiní kan fún ẹ̀mí kan. Gbogbo àṣẹ ọjọ́ yẹn sì ń jẹ́ ti Allāhu.