Èdè

المطففين

Al-Mutaffifin

Sūrah 83 · ti Mọkkah · āyah 36 · Ètò ìsọ̀kalẹ̀: 86

Kíkọ

Ìtúmọ̀ ọ̀rọ̀ Kíkà ní lẹ́tà Látìnì

Àwọn ìtúmọ̀

Tẹ ọ̀rọ̀ Lárúbáwá kan láti rí kíkà rẹ̀, ìgbékalẹ̀ rẹ̀ àti gbòǹgbò rẹ̀.

بِسْمِ ٱللَّهِ ٱلرَّحْمَٰنِ ٱلرَّحِيمِ

Abu Rahimah Mikael AykyuniÈgbé ni fún àwọn olùdín-òṣùwọ̀n-kù,

Abu Rahimah Mikael Aykyuniàwọn (òǹtajà) tó jẹ́ pé nígbà tí wọ́n bá wọn n̄ǹkan lọ́dọ̀ àwọn ènìyàn,[1] wọ́n á gbà á ní ẹ̀kún,

Abu Rahimah Mikael Aykyuninígbà tí àwọn (òǹtajà náà) bá sì lo ìwọ̀n fún àwọn (òǹrajà) tàbí lo òṣùwọ̀n fún wọn, wọn yóò dín in kù.

Abu Rahimah Mikael AykyuniṢé àwọn wọ̀nyẹn kò mọ̀ dájú pé dájúdájú A máa gbé wọn dìde

Abu Rahimah Mikael Aykyuniní Ọjọ́ ńlá kan?

Abu Rahimah Mikael AykyuniNí ọjọ́ tí àwọn ènìyàn yóò dìde dúró fún Olúwa gbogbo ẹ̀dá.

Abu Rahimah Mikael AykyuniNí ti òdodo dájúdájú ìwé iṣẹ́ àwọn ẹni burúkú (tó ń dín òṣùwọ̀n kù) kúkú máa wà nínú Sijjīn.

Abu Rahimah Mikael AykyuniKí sì l’ó mú ọ mọ ohun tó ń jẹ́ Sijjīn!

Abu Rahimah Mikael AykyuniÌwé tí wọ́n ti kọ iṣẹ́ aburú ẹ̀dá sínú rẹ̀ (tí wọ́n sì fi pamọ́ sínú ilẹ̀ keje ni Sijjīn).

Abu Rahimah Mikael AykyuniNí ọjọ́ yẹn, ègbé ni fún àwọn olùpe-òdodo- nírọ́,

Abu Rahimah Mikael Aykyuniàwọn tó ń pe Ọjọ́ ẹ̀san ní irọ́.

Abu Rahimah Mikael AykyuniKò sì sí ẹni tó ń pè é ní irọ́ àyàfi gbogbo alákọyọ, ẹlẹ́ṣẹ̀.

Abu Rahimah Mikael AykyuniNígbà tí wọ́n bá ń ké àwọn āyah Wa fún un, ó máa wí pé: “Àwọn àkọsílẹ̀ àlọ́ àwọn ẹni àkọ́kọ́ (nìwọ̀nyí).”

Abu Rahimah Mikael AykyuniRárá (al-Ƙur’ān kì í ṣe àkọsílẹ̀ àlọ́ àwọn ẹni àkọ́kọ́) bí kò ṣe pé ohun tí wọ́n ń ṣe níṣẹ́ aburú l’ó jọba lórí ọkàn wọn.

Abu Rahimah Mikael AykyuniRárá (kò rí bí wọ́n ṣe rò ó sí sẹ́), dájúdájú wọn yóò wà nínú gàgá, wọn kò sì níí rí Olúwa wọn ní ọjọ́ yẹn.

Abu Rahimah Mikael AykyuniLẹ́yìn náà, dájúdájú wọn yóò wọ inú iná Jẹhīm.

Abu Rahimah Mikael AykyuniLẹ́yìn náà, wọ́n máa sọ (fún wọn) pe: “Èyí ni ohun tí ẹ̀ ń pè ní irọ́.”

Abu Rahimah Mikael AykyuniNí ti òdodo, dájúdájú ìwé iṣẹ́ àwọn ẹni rere wà nínú ‘illiyyūn.

Abu Rahimah Mikael AykyuniKí sì l’ó mú ọ mọ ohun tó ń jẹ́ ‘illiyyūn!

Abu Rahimah Mikael AykyuniÌwé tí wọ́n ti kọ iṣẹ́ rere ẹ̀dá sínú rẹ̀ (tí wọ́n sì fi pamọ́ sí òkè sánmọ̀ ni ‘illiyyūn).

Abu Rahimah Mikael AykyuniÀwọn (mọlāika) tí wọ́n súnmọ́ Allāhu ń jẹ́rìí sí i.

Abu Rahimah Mikael AykyuniDájúdájú àwọn ẹni rere máa wà nínú ìgbádùn.

Abu Rahimah Mikael AykyuniWọn yóò máa wòran lórí àwọn ibùsùn.

Abu Rahimah Mikael AykyuniÌwọ yóò dá ìtutù ojú ìgbádùn mọ̀ nínú ojú wọn.

Abu Rahimah Mikael AykyuniWọn yóò máa fún wọn mu nínú ọtí onídèérí.

Abu Rahimah Mikael AykyuniÀlùmísìkí ni (òórùn) ìparí rẹ̀. Kí àwọn alápàáǹtètè ṣàpáǹtètè nínú ìyẹn.

Abu Rahimah Mikael AykyuniTẹsnīm ni wọ́n yóò máa pòpọ̀ (mọ́ ọtí náà).

Abu Rahimah Mikael Aykyuni(Tẹsnīm ni) omi ìṣẹ́lẹ̀rú kan, tí àwọn olùsúnmọ́ (Allāhu) yóò máa mu.

Abu Rahimah Mikael AykyuniDájúdájú àwọn tó dẹ́ṣẹ̀, wọ́n máa ń fi àwọn tó gbàgbọ́ ní òdodo rẹ́rìn-ín.

Abu Rahimah Mikael AykyuniNígbà tí wọ́n bá gba ẹ̀gbẹ́ wọn kọjá, (àwọn olùdẹ́ṣẹ̀) yóò máa ṣẹ́jú síra wọn ní ti yẹ̀yẹ́.

Abu Rahimah Mikael AykyuniNígbà tí wọ́n bá sì padà sí ọ̀dọ̀ àwọn ènìyàn wọn, wọ́n á padà tí wọn yóò máa ṣe fáàrí.

Abu Rahimah Mikael AykyuniÀti pé nígbà tí wọ́n bá rí (àwọn onígbàgbọ́ òdodo) wọ́n á wí pé: “Dájúdájú àwọn wọ̀nyí ni olùṣìnà.”

Abu Rahimah Mikael AykyuniÀwa kò sì rán wọn ní iṣẹ́ olùṣọ́ sí wọn.

Abu Rahimah Mikael AykyuniNítorí náà, ní òní àwọn tó gbàgbọ́ ní òdodo yóò fi àwọn aláìgbàgbọ́ rẹ́rìn-ín.

Abu Rahimah Mikael AykyuniWọn yóò máa wòran lórí àwọn ibùsùn.

Abu Rahimah Mikael AykyuniṢebí wọ́n ti fi ohun tí àwọn aláìgbàgbọ́ ń ṣe níṣẹ́ san wọ́n lẹ́san (báyìí)?