الإنشقاق

Al-Inshiqaq

Sūrah 84 · ti Mọkkah · āyah 25 · Ètò ìsọ̀kalẹ̀: 83

Kíkọ

Ìtúmọ̀ ọ̀rọ̀ Kíkà ní lẹ́tà Látìnì

Àwọn ìtúmọ̀

Tẹ ọ̀rọ̀ Lárúbáwá kan láti rí kíkà rẹ̀, ìgbékalẹ̀ rẹ̀ àti gbòǹgbò rẹ̀.

بِسْمِ ٱللَّهِ ٱلرَّحْمَٰنِ ٱلرَّحِيمِ

84:1

Abu Rahimah Mikael AykyuniNígbà tí sánmọ̀ bá fàya pẹ́rẹpẹ̀rẹ

84:2

Abu Rahimah Mikael Aykyuni- ó gbọ́, ó sì tẹ̀lé àṣẹ Olúwa rẹ̀ ni. Ó sì di dandan fún un láti ṣe bẹ́ẹ̀[1] -

84:3

Abu Rahimah Mikael Aykyuniàti nígbà tí A bá fẹ ilẹ̀ lójú,

84:4

Abu Rahimah Mikael Aykyunió máa ju ohun tí ó wà nínú rẹ̀ síta, ó sì máa pa sófo

84:5

Abu Rahimah Mikael Aykyuni- ó gbọ́, ó sì tẹ̀lé àṣẹ Olúwa rẹ̀ ni. Ó sì di dandan fún un láti ṣe bẹ́ẹ̀ - (ní ọjọ́ yẹn ni ẹ̀dá máa rí iṣẹ́ ọwọ́ rẹ̀)

84:6

Abu Rahimah Mikael AykyuniÌwọ ènìyàn dájúdájú ìwọ ń ṣe iṣẹ́ kárakára ní iṣẹ́ àṣepàdé Olúwa rẹ. O sì máa mú un pàdé Rẹ̀.

84:7

Abu Rahimah Mikael AykyuniNítorí náà, ní ti ẹni tí wọ́n bá fún ní ìwé iṣẹ́ rẹ̀ ní ọwọ́ ọ̀tún rẹ̀,

84:8

Abu Rahimah Mikael Aykyuniláìpẹ́ A máa ṣe ìṣírò-iṣẹ́ (rẹ̀) ní ìṣírò ìrọ̀rùn.

84:9

Abu Rahimah Mikael AykyuniÓ sì máa padà sí ọ̀dọ̀ àwọn ènìyàn rẹ̀ (nínú Ọgbà Ìdẹ̀ra) lẹ́ni ìdùnnú.

84:10

Abu Rahimah Mikael AykyuniNí ti ẹni tí wọ́n bá sì fún ní ìwé iṣẹ́ rẹ̀ láti ẹ̀yìn rẹ̀,[1]

84:11

Abu Rahimah Mikael Aykyuniláìpẹ́ ó máa kígbe ìparun.

84:12

Abu Rahimah Mikael AykyuniÓ sì máa wọ inú Iná tó ń jó.

84:13

Abu Rahimah Mikael AykyuniDájúdájú ó ti wà láààrin àwọn ènìyàn rẹ̀ lẹ́ni ìdùnnú (sí àìgbàgbọ́ nílé ayé).

84:14

Abu Rahimah Mikael AykyuniDájúdájú ó lérò pé òun kò níí padà (sí ọ̀dọ̀ Allāhu ni).

84:15

Abu Rahimah Mikael AykyuniBẹ́ẹ̀ ni, (ó máa padà). Dájúdájú Olúwa rẹ̀ jẹ́ Olùríran nípa rẹ̀.

84:16

Abu Rahimah Mikael AykyuniNítorí náà, Èmi (Allāhu) ń fi àwòǹpapa búra.

84:17

Abu Rahimah Mikael AykyuniMo tún ń fi òru àti ohun tí ó kó jọ sínú rẹ̀ búra.

84:18

Abu Rahimah Mikael AykyuniMo tún ń fi òṣùpá nígbà tí ó bá dégbá (tí ìmọ́lẹ̀ rẹ̀ kún) búra.

84:19

Abu Rahimah Mikael AykyuniDájúdájú ẹ̀yin yóò máa bọ́ sínú wàhálà kan láti inú wàhálà kan.

84:20

Abu Rahimah Mikael AykyuniKí l’ó ṣe wọ́n ná tí wọn kò fi gbàgbọ́ ní òdodo?

84:21

Abu Rahimah Mikael AykyuniNígbà tí wọ́n bá sì ké al-Ƙur’ān fún wọn, wọn kò níí forí kanlẹ̀.

84:22

Abu Rahimah Mikael AykyuniRárá, ńṣe ni àwọn tó ṣàì gbàgbọ́ ń pè é ní irọ́.

84:23

Abu Rahimah Mikael AykyuniAllāhu sì nímọ̀ jùlọ nípa ohun tí wọ́n ń fi pamọ́ (sínú ọkàn wọn).

84:24

Abu Rahimah Mikael AykyuniNítorí náà, fún wọn ní ìró ìyà ẹlẹ́ta-eléro.

84:25

Abu Rahimah Mikael AykyuniÀyàfi àwọn tó gbàgbọ́ ní òdodo, tí wọ́n sì ṣe àwọn iṣẹ́ rere, ẹ̀san tí kò níí pin[1] ń bẹ fún wọn.