الغاشية

Al-Ghashiyah

Sūrah 88 · ti Mọkkah · āyah 26 · Ètò ìsọ̀kalẹ̀: 68

Kíkọ

Ìtúmọ̀ ọ̀rọ̀ Kíkà ní lẹ́tà Látìnì

Àwọn ìtúmọ̀

Tẹ ọ̀rọ̀ Lárúbáwá kan láti rí kíkà rẹ̀, ìgbékalẹ̀ rẹ̀ àti gbòǹgbò rẹ̀.

بِسْمِ ٱللَّهِ ٱلرَّحْمَٰنِ ٱلرَّحِيمِ

88:1

Abu Rahimah Mikael AykyuniṢebí ọ̀rọ̀ nípa ohun tó máa bo ẹ̀dá mọ́lẹ̀ ti dé ọ̀dọ̀ rẹ?

88:2

Abu Rahimah Mikael AykyuniÀwọn ojú kan yóò wálẹ̀ (ní ti ìyẹpẹrẹ) ní ọjọ́ yẹn.

88:3

Abu Rahimah Mikael AykyuniWọ́n ṣe iṣẹ́ àṣekúdórógbó (ni nílé ayé).

88:4

Abu Rahimah Mikael AykyuniWọ́n sì máa wọ inú Iná tó gbóná janjan (ní ọ̀run).

88:5

Abu Rahimah Mikael AykyuniWọ́n sì máa fún (wọn) ní omi ìṣẹ́lẹ̀rú gbígbóná mu.

88:6

Abu Rahimah Mikael AykyuniKò sí oúnjẹ kan fún wọn àyàfi igi ẹlẹ́gùn-ún gbígbẹ.

88:7

Abu Rahimah Mikael AykyuniKò níí mú wọn sanra. Kò sì níí rọ̀ wọ́n lọ́rọ̀ nínú ebi.

88:8

Abu Rahimah Mikael AykyuniÀwọn ojú kan yó sì kún fún ìgbádùn ní ọjọ́ yẹn

88:9

Abu Rahimah Mikael Aykyuninítorí pé (ó) yọ́nú sí (ẹ̀san) iṣẹ́ rẹ̀.

88:10

Abu Rahimah Mikael Aykyuni(Ó máa) wà nínú Ọgbà Ìdẹ̀ra gíga.

88:11

Abu Rahimah Mikael AykyuniWọn kò níí gbọ́ ìsọkúsọ nínú rẹ̀.

88:12

Abu Rahimah Mikael AykyuniOmi ìṣẹ́lẹ̀rú tó ń ṣàn wà nínú rẹ̀.

88:13

Abu Rahimah Mikael AykyuniÀwọn ibùsùn tí wọ́n gbé sókè wà nínú rẹ̀,

88:14

Abu Rahimah Mikael Aykyuniàti àwọn ife ìmumi tí wọ́n gbé kalẹ̀ (sí àrọ́wọ́tó wọn),

88:15

Abu Rahimah Mikael Aykyuniàti àwọn ìrọ̀rí tí wọ́n tò sí ẹ̀gbẹ́ ara wọn,

88:16

Abu Rahimah Mikael Aykyuniàti àwọn ìtẹ́ àtẹ́ẹ̀ká.

88:17

Abu Rahimah Mikael AykyuniNítorí náà, ṣé wọn kò wòye sí ràkúnmí, bí A ti ṣẹ̀dá rẹ̀ ni;

88:18

Abu Rahimah Mikael Aykyuniàti sánmọ̀, bí A ti ṣe gbé e sókè;

88:19

Abu Rahimah Mikael Aykyuniàti àpáta, bí A ti ṣe gbé e nàró (sínú ilẹ̀);

88:20

Abu Rahimah Mikael Aykyuniàti ilẹ̀, bí A ti ṣe tẹ́ ẹ sílẹ̀ pẹrẹsẹ?

88:21

Abu Rahimah Mikael AykyuniNítorí náà, ṣèrántí. Ìwọ kúkú ni olùṣèràntí.

88:22

Abu Rahimah Mikael AykyuniÌwọ kì í ṣe ajẹni-nípá lórí wọn

88:23

Abu Rahimah Mikael Aykyuniàfi ẹni tí ó bá pẹ̀yìndà (sí òdodo), tí ó sì ṣàì gbàgbọ́.

88:24

Abu Rahimah Mikael AykyuniAllāhu sì máa jẹ ẹ́ níyà tó tóbi jùlọ.

88:25

Abu Rahimah Mikael AykyuniDájúdájú ọ̀dọ̀ Wa ni àbọ̀ wọn wà.

88:26

Abu Rahimah Mikael AykyuniLẹ́yìn náà, dájúdájú Àwa l’A máa ṣe ìṣírò-iṣẹ́ wọn.